Preservativo feminino
![](http://upload.wikimedia.org/wikipedia/commons/thumb/c/cf/Pr%C3%A9servatif_f%C3%A9minin.jpg/220px-Pr%C3%A9servatif_f%C3%A9minin.jpg)
O preservativo ou condón feminino é un método anticonceptivo de barreira de uso vaxinal alternativo ao preservativo masculino. Consiste nunha delgada funda que se axusta ás paredes da vaxina e se pode levar posto até un máximo de 8 horas. A diferenza do preservativo masculino, non queda axustado por medio da tensión, e pola humidade e temperatura propias da vaxina adhírese comodamente e a súa presenza é case inapreciábel. O preservativo feminino apareceu en 1992 en Inglaterra e nos Estados Unidos e axiña o seu uso pasou á Europa continental e o resto do mundo occidental.