Río Saskatchewan

Río Saskatchewan

Tipo	río
Inicio
Continente	América do Norte
División administrativa	Saskatchewan, Canadá e Manitoba, Canadá
Final
División administrativa	Manitoba, Canadá
Localización	Lago Winnipeg
53°14′06″N 105°04′58″O / 53.235, -105.0828 B 53°11′06″N 99°15′22″O / 53.185, -99.2561
Afluentes	Sturgeon-weir River (en) , Carrot River (en) , Rio North Saskatchewan (pt) , Rio South Saskatchewan (pt) , Whitefish River (en)
Conca hidrográfica	Lake Winnipeg basin (en)
Características
Dimensións	547 () km
Superficie da cunca hidrográfica	335.900 km²
Medicións
Caudal	700 m³/s

O río Saskatchewan é un dos principais ríos do Canadá, con aproximadamente 550 quilómetros de longo, discorre cara ao leste a través das provincias de Saskatchewan e Manitoba para desembocar no Lago Winnipeg. Xunto cos seus afluentes Saskatchewan do Norte e Saskatchewan do Sur, a súa conca abarca a maior parte da rexión central das Pradarías canadenses, prolongándose cara ao oeste ata as Montañas Rochosas Canadenses en Alberta e o norte de Montana nos Estados Unidos. Isto supón aproximadamente 1.939 quilómetros ata a súa cabeceira no río Bow, un afluente do Saskatchewan do Sur en Alberta.

Fórmase na zona central de Saskatchewan, aproximadamente 40 quilómetros ao leste de Prince Albert, pola confluencia das súas dúas ramas principais, Saskatchewan do Norte e Saskatchewan do Sur, no Saskatchewan River Forks. A fonte de ámbolos dous ríos provén dos glaciares das Montañas Rochosas en Alberta.

A corrente combinada flúe á vez leste-nordés, cara ao Lago Codette formado pola presa de Nipawin e cara ao Lago Tobin, formado pola presa E.B. Campbell. Logo flúe nordés, fóra do bordo das saias das Grandes Chairas sobre o Escudo Canadense, atravesando unha rexión de pantanos, onde se xunta polo noroeste co río Torch e co río Mossy. Pola parte norte dos pantanos flúe cara ao leste, enroscándose ao redor dunha serie de pequenos lagos cara ao oeste central de Manitoba ata O Pas, onde se lle une polo suroeste o río Carrot. Ao sueste do Pas, forma varios arroios nun delta á beira noroeste do Lago Cedar, deixando o lago polo seu extremo sueste e fluíndo aproximadamente 5 km ata o lago Winnipeg, entrando na beira norte de Long Point.

O nome do río, como a provincia de Saskatchewan, deriva da lingua cree: kisiskāciwani-sīpiy, que significa "río de curso veloz"^[1]. O río e os seus afluentes proporcionaron unha importante ruta de transporte para os nativos americanos e os primeiros trampeiros europeos.

No río hai construídas centrais hidroeléctricas en Nipawin, E.B. Campbell (antes Squaw Rapids) en Saskatchewan e en Grand Rapids en Manitoba.

• Páxina do Canadian Council for Geographic Education cunha serie de artigos da historia do río Saskatchewan. (en inglés)
• Ríos do Canadá Arquivado 20 de maio de 2006 en Wayback Machine. (en inglés)