Radiografía

A radiografía ou raiografía é unha técnica de exame de imaxe que utiliza raios X para ver un material cuxa composición non é uniforme, como acontece co corpo humano.^[1] Un feixe heteroxéneo de raios X é producido por un xerador e proxectado sobre unha superficie. A densidade e a composición de cada área determina a cantidade de raios X absorbida. Os raios X que o atravesan son capturados detrás do obxecto por un detector (sexa un filme fotográfico ou detector dixital). Prodúcese pois unha representación en dúas dimensións de todas as estruturas superpostas.

A raiografía permite observar diferentes órganos e sistemas do corpo humano dun xeito non destrutivo.

• Dental. Pantomografía dental^[2]
• Cranio, sinus paranasais
• Columna: cervical, dorsal, dorsolumbar, lumbar, lumbosacra
• Parrilla costal
• Tórax: principalmente para a valoración dos pulmóns e o corazón
• Mamografía: valoración de masas nas mamas.
• Abdome (simple)
• Extremidades superiores
• Extremidades inferiores
• Telemetría: para a valoración da escoliose
• Tomografías: non empregadas dende a introdución da tomografía computadorizada (TC)

Raramente utilitzadas dende a introdución da ecografía:

• Mielografía: da medula espiñal
• Urografía: do tracto urinario
• Vesícula biliar

Pouco empregadas:

• Sialografía: das glándulas salivais
• Esofagograma: para a valoración da deglutición
• Colangiografía: das vías biliares
• Flebografía: das veas, habitualmente das extremidades inferiores
• Histerografía: da cavidade uterina
• Fistulografía: para valorar un traxecto fistuloso.

• 
  Radiografía posteroanterior de tórax
• 
  Radiografía con contraste: esofagograma.
• 
  Radiografía con contraste: colecistoprancreatografía, amosando unha colelitiase.

• Raios X

• Radiografía. (en castelán)