Roberta Metsola
Roberta Metsola | |
---|---|
![]() | |
Nome completo | Roberta Tedesco Triccas |
Nacemento | 18 de xaneiro de 1979 |
Lugar de nacemento | St. Julian's |
Nacionalidade | Malta |
Alma máter | Universidade de Malta e St Aloysius' College |
Ocupación | política, xurista e participante do fórum internacional |
Cónxuxe | Ukko Metsola |
Premios | Order of Princess Olga, 1st class, Order of Merit, 1st class e Grand Cross of the Order of Grand Duke Gediminas |
Na rede | |
https://robertametsola.eu | |
![]() ![]() ![]() ![]() | |
[ editar datos en Wikidata ] | |
Roberta Metsola Tedesco Triccas, nada en San Ġiljan (Malta) o 18 de xaneiro de 1979, é unha avogada e política maltesa, presidenta do Parlamento Europeo dende o 18 de xaneiro de 2022.
Traxectoria
Graduada en Dereito pola Universidade de Malta en 2003 continou coa súa formación no Colexio de Europa de Bruxas. É militante do Partido Nacionalista, dende a súa mocidade ocupou cargos relevantes: foi líder da sección de estudantes da formación política e, entre 2002 e 2003, secretaria xeral da organización Estudantes Demócratas Europeos (EDS), vencellada ao Partido Popular Europeo.[1]
En 2004, tras a adhesión maltesa á Unión Europea, integrou as listas do Partido Nacionalista ao Parlamento Europeo aínda que non resultou electa. Entre 2004 e 2012 traballou na Representación Permanente de Malta ante a Unión Europea. En 2012, pasou a ser asesora xurídica da Alta Representante da Unión para Asuntos Exteriores e Política de Seguridade, Catherine Ashton, cargo ao que renunciou en 2013 para asumir como eurodeputada.[2]
Mantívose como membro do Parlamento Europeo logo das eleccións de 2014 e 2019, sendo escollida vicepresidenta primeira da cámara o 12 de novembro de 2020. En decembro de 2021, o grupo do Partido Popular Europeo propuxo o seu nome para a elección dun novo presidente do Parlamento, prevista para xaneiro de 2022.[3] Roberta Metsola chegou á votación, o 18 de xaneiro, exercendo provisionalmente a presidencia polo pasamento días antes de David Sassoli. Impúxose con 458 votos fronte os 101 da sueca Alice Bah Kuhnke, proposta polos Verdes, e os 51 da española Sira Rego, proposta pola Esquerda Europea.[4] A suma dos deputados do PPE, Social Demócratas e liberais, fixo de Roberta Metsola a terceira muller en presidir o Parlamento Europeo e a persoa máis nova en exercer esta autoridade.
Foi louvada polo seu perfil dialogante e posicionouse a favor dos dereitos dos migrantes e do colectivo LGTBI, aínda que foi criticada pola súa postura contraria ao aborto.[5][6]
Xa como presidenta do Parlamento, na reunión do Consello Europeo do 24 de febreiro de 2022, logo dos ataques rusos a Ucraína, Metsola propuxo a adopción de sancións severas á Federación Rusa e a prestación de asistencia financeira a Ucraína.[7]
Está casada co finés Ukko Metsola con quen é nai de catro fillos.[8]
Predecesor: David Sassoli |
![]() Presidenta do Parlamento Europeo 2022 - actualidade |
Sucesor: no cargo |
Notas
- ↑ "Roberta METSOLA - MEP EPP Group in the European Parliament". www.eppgroup.eu. Arquivado dende o orixinal o 29 de xaneiro de 2022. Consultado o 2022-01-29.
- ↑ "Currículum vítae Roberta METSOLA Eurodiputados Parlamento Europeo". www.europarl.europa.eu (en castelán). Consultado o 2022-01-29.
- ↑ Gotev, Georgi (2021-12-06). "The Brief - The dance of the elephants". www.euractiv.com (en inglés). Consultado o 2022-01-29.
- ↑ "Roberta Metsola, a quen a esquerda acusa de "antifeminista", nova presidenta do Parlamento europeo". Nós Diario. Consultado o 2022-01-29.
- ↑ "La maltesa Roberta Metsola es la nueva presidenta del Parlamento Europeo". France 24. 2022-01-18. Consultado o 2022-01-29.
- ↑ "¿Quién es Roberta Metsola, la nueva presidenta del Parlamento Europeo?". DW.COM (en castelán). Consultado o 2022-01-29.
- ↑ "Aggression is confrontation with Europe: speech of President Metsola on Ukraine". European Parliament (en inglés). Arquivado dende o orixinal o 24 de febreiro de 2022. Consultado o 2022-02-24.
- ↑ "Europe’s newest power couple: the Metsolas". MaltaToday.com.mt (en inglés). Consultado o 2022-01-29.