Rocco e os seus irmáns

Rocco e os seus irmáns
Ficha técnica
Título orixinal	Rocco e i suoi fratelli
Director	Luchino Visconti
Produtor	Goffredo Lombardo
Guión	Luchino Visconti Suso Cecchi D'Amico Pasquale Festa Campanile Massimo Franciosa Enrico Medioli
Baseado en	Il ponte della Ghisolfa de Giovanni Testori
Intérpretes	Alain Delon Annie Girardot Renato Salvatori Katina Paxinou Roger Hanin Spiros Focás Paolo Stoppa Suzy Delair Claudia Cardinale
Música	Nino Rota
Fotografía	Giuseppe Rotunno
Montaxe	Mario Serandrei
Estudio	Titanus Les Films Marceau
Distribuidora	Titanus (Italia) Marceau-Cocinor (Francia)
Estrea	Venecia: 6 de setembro de 1960 12 de febreiro de 2022 (TVG)
Duración	177 minutos
Orixe	Italia Francia
Xénero	Drama
Na rede

Rocco e os seus irmáns^[1] (italiano: Rocco e i suoi fratelli) é un filme franco-italiano de 1960 dirixido por Luchino Visconti e protagonizado por Alain Delon, Annie Girardot, Renato Salvatori, Katina Paxinou, Roger Hanin, Paolo Stoppa e Claudia Cardinale, nun dos seus primeiros papeis. Ambientado no Milán de 1960, conta a historia dunha familia migrante do sur de Italia e a súa desintegración na sociedade do norte industrial.

Estreouse en galego o 12 de febreiro de 2022 na TVG.^[2]

A historia comeza cando Rosaria Parondi, fuxindo da miseria de Lucania, a súa terra natal, chega con catro dos seus fillos ao moderno Milán para reunirse co seu fillo maior Vincenzo. Os cinco irmáns, Vincenzo, Simone, Rocco, Ciro e Luca loitan de formas diferentes por intentar adaptarse á impersoal sociedade dunha gran cidade.

A historia xira arredor da relación de Simone e Rocco, que desexan a mesma muller, Nadia, unha prostituta, e dos intentos de Simone de procurar a fortuna por medio do boxeo.