Sonata Arctica

Sonata Artica
	Sonata Arctica en xullo de 2016.
Orixe	Kemi, Finlandia
Período	1996 - actualidade
Xénero(s)	Power Metal
Selo(s) discográfico(s)	Spinefarm Records; Nuclear Blast
Membros	Tony Kakko; Elías Vijanen; Pasi Kauppinen; Tommy Portimo; Henrik Klingenberg
Antigos membros	Mikko Harkin; Janne Kivilahti; Pentti Peura ; Jani Liimatainen; Marko Paasikoski
Na rede
	http://www.sonataarctica.info/

Sonata Arctica é unha banda de Power Metal finlandesa, da cidade de Kemi, formada en 1996 baixo o nome Tricky Beans, que despois trocou a Tricky Means, e finalmente a Sonata Arctica, en 1999.

Traxectoria

A banda fundouse baixo o nome de Tricky Beans e nos seus comezos tocaban cancións fortemente influenciadas polo xénero do rock and roll, que non tiñan moito que ver co seu actual estilo, o power metal. Ó comezo da súa carreira, gravaron 3 demos, que nunca se enviaron a selo discográfico ningún - Friend 'till The End, Agre Pamppers e PeaceMaker.

En 1997 o nome da banda trocou a Tricky Means, e dende aquela ata 1999 o seu estilo foi cambiando e finalmente tivo un drástico troco, adquirindo forte énfase nas melodías de teclado e confiando nunha liña claramente distinguíbel do baixo e da guitarra. O vocalista Tony Kakko desenvolveu un estilo propio para cantar, o cal básase no falsete e nas voces de tenor.

En 1999, a banda entrou ós estudios para gravar unha demo titulada Fullmoon, que compoñera Tony Kakko, o guitarrista Jani Liimatainen, o baixista Janne Kivilahti e o batería Tommy Portimo. A demo foi enviada ó selo Spinefarm e a banda trocou o seu nome a Sonata Arctica. Un contrato de gravación chegou pouco despois.

Máis tarde, nese ano, lanzouse en Finlandia o primeiro sinxelo do grupo, titulado UnOpened, que marcou un grande impacto, entrando nos 20 máis vendidos na súa primeira semana á venda. Deseguido a banda pechou varios contratos con selos darredor do mundo, con vistas ó lanzamento do seu primeiro álbum. Ó disco chamóuselle Ecliptica, lanzado a finais de 1999 en todo o mundo, obtendo boas críticas por parte da prensa especializada. Tony Kakko decidiu entón concentrarse no canto e comezou a procurar un novo teclista para a banda: Mikko Harkin (antes en Kenziner) foi, eventualmente, invitado a encher aquel posto.

A comezos do 2000, Sonata Arctica foi elixida a banda para ser abreconcertos dos xa consagrados Stratovarius a través da súa xira por Europa. Janne Kivilahti marchou da banda e foi substituído por Marko Paasikoski, un dos fundadores de Tricky Beans. Dende finais do 2000 ata o 2001, a banda traballou na composición e gravación do seu seguinte disco, Silence, que foi lanzado en xuño de 2001. Unha extensa xira seguiuno, realizando unha serie de concertos a través de toda Europa (xunto con Gamma Ray) e o Xapón. No 2002 Sonata Arctica fixo a súa primeira incursión en América, realizando shows no Brasil e Chile. De acordo con algúns dos músicos da banda, esa foi unha das súas mellores xiras ata o momento - sendo a outra a xira no Xapón no 2003-. Un álbum en vivo titulado Songs Of Silence foi tamén lanzado ese mesmo ano.

A finais do 2002, o teclista Mikko Harkin deixou a banda debido a razóns persoais. Así, o seu terceiro álbum - Winterheart's Guild - gravouse coa axuda do afamado Jens Johansson, teclista de Stratovarius, quen gravou as pistas de teclado con Tony Kakko. O teclista Henrik Klingenberg uniuse á banda, e neste tempo tomaron parte dunha xira para promocionar o seu novo álbum. Na maioría dos concertos as entradas esgotáronse.

Co fin do seu contrato co selo Spinefarm, a banda recibiu invitacións da maioría dos selos discográficos de Europa, e eventualmente elixiron Nuclear Blast. A comezos do 2004, a banda foi elixida como abreconcertos para a xira no Xapón de Iron Maiden. En marzo dese mesmo ano, Tommy Portimo converteuse en pai; a súa esposa tivo unha nena. Reckoning Night foi gravado en tres meses e lanzado en outubro. Ambos, o single e o EP deste lanzamento, permanecieron no Top dos máis escoitados en Finlandia durante 6 semanas. Unha xira promocional veu a continuación, porén Sonata Arctica recibiu unha invitación da popular banda Nightwish, para que se lles uniran na súa xira a través de Europa, polo cal fixeron un troco de planes. Os concertos nos que participaron tiveron unha audiencia de ata dez mil persoas.

Membros

Membros actuais

Tony Kakko: voces e teclado.
Tommy Portimo: batería.
Pasi Kauppinen: baixo.
Henrik Klingenberg: teclados en directo.
Elias Viljanen: guitarra.

Antigos membros

Jani Liimatainen: guitarra
Mikko Harkin: teclados
Janne Kivilahti: baixo
Pentti Peura: baixo
Marko Paasikoski: baixo

Discografía

Álbums

Ecliptica (1999)
Silence (2001)
Songs of Silence Live In Tokyo (2002)
Winterheart's Guild (2003)
Reckoning Night (2004)
For The Sake Of Revenge (2005)
Unia (2007)
The Days of Grays (2009)
Stones Grow Her Name (2012)
Pariah's Child (2014)
Ecliptica Revisited: 15th Anniversary Edition (2014)
The Ninth Hour (2016)
Talviyö (2019)
Acoustic Adventures – Volume One (2022)
Acoustic Adventures – Volume Two (2022)
Clear Cold Beyond (2024)

Miniálbums

Successor (2000)
Orientation (2001)
Takatalvi (2004)

Sinxelos

UnOpened (1999)
Wolf & Raven (2001)
Last Drop Falls (2001)
Victoria's Secret (2003)
Broken (2003)
Don't Say a Word (2004)
Replica (2006)
Shamandalie (2007)
Paid in Full (2007)
The Last Amazing Grays (2009)
I Have a Right (2012)
Shitload of Money (2012)
Alone in Heaven (2013)
The Wolves Die Young (2014)
Cloud Factory (2014)
Love (2014)
Christmas Spirits (2015)
Closer to an Animal (2016)
Life (2016)
A Little Less Understanding (2019)
Cold (2019)
The Rest Of The Sun Belongs To Me (2021)
First in Line (2023)
A Monster Only You Can’t See (2023)