Storytelling é o quinto álbum de estudio da banda escocesa de indie popBelle and Sebastian, publicado o 3 de xuño de 2002 a través do selo Jeepster Records. Trátase da banda sonora da película de Todd Solondz Storytelling. Belle and Sebastian tivo moitos problemas de comunicación con Solondz mentres compoñía a música para o filme, e debido a iso só uns seis minutos da súa música foi realmente usada na película.[1] O álbum contén cinco cancións que son diálogos gravados. O tema instrumental "Fuck This Shit" usa a prosodia da frase do título en varias claves diferentes pero nunca as propias palabras. O disco foi o derradeiro lanzamento do grupo con Jeepster, ao fichar con Rough Trade no seguinte ano.