Tarawa Sur

Tarawa Sur

South Tarawa (en)
Localización
1°20′N 172°58′L / 1.33, 172.97
Estado	Kiribati
Grupo	Illas Gilbert
Capital de	Kiribati Illas Gilbert
Poboación
Poboación	63.439 (2020) (4.025,32 hab./km²)
Xeografía
Parte de	Atol Tarawa
Superficie	15,76 km²
Bañado por	Océano Pacífico
Altitude	3 m

Tarawa Sur (en kiribatiano: Tarawa Teinainano) é a capital do Estado das illas Kiribati, unha mancomunidade urbana do atol de Tarawa. O seu nome completo en kiribatiano é Teinainano Urban Council (literalmente «consello urbano da vela»), con frecuencia abreviado como TUC. En 2010 tiña 50 182 habitantes.

Sita no atol de Tarawa, a cidade espállase desde Bairiki a Bonriki, sobre unha trintena de quilómetros, abranguendo unha decena de illotes unidos entre si, o que equivale a toda a rama meridional do atol (de aí o nome xilbertense de «vela», pois a forma do atol lembra unha vela latina). A rama norte denomínase en xilbertense «ieta» («mastro»).

Bairiki está considerada como o centro administrativo principal da república de Kiribati, pois é sede da presidencia e dalgúns ministerios, mais non é unha colectividade territorial falando con propiedade. En Ambo sitúase o Parlamento, dito Maneaba ni Maungatabu.

Tarawa Sur é tamén a sede do bispado católico de Tarawa e de Nauru, da Igrexa protestante de Quiiribati e de numerosos organismos de todo tipo: a Escola Normal, o hospital Tungaru, o instituto Moroni (Igrexa de Xesucristo dos Santos dos Últimos Días)), así como dun centro da Universidade do Pacífico Sur.

A cidade concentra un cuarto da poboación da república e elixe tres deputados para o Parlamento (Maneaba ni Maungatabu) sobre un total 42 deputados.

Está unida á illa de Betio pola ponte Japanese Causeway ("a calzada xaponesa") desde a década de 1980. O illote de Bonriki posúe un aeroporto internacional.