Tratado de Brest-Litovsk

Tratado de Brest-Litovsk
Xerografía da primeira páxina do tratado de paz de Brest-Litovsk entre a Unión Soviética e Alemaña, Imperio austrohúngaro, Bulgaria e Turquía, asinado en marzo de 1918.
Tipo de texto	Tratado de paz
Ratificación	3 de marzo de 1918
Derogación	11 de novembro de 1918 (armisticio de Mudros)
Lingua	De esquerda a dereita da imaxe, as columnas están escritas en: alemán, húngaro, búlgaro, turco otomán e ruso.

O Tratado de Brest-Litovsk foi un tratado de paz asinado o 3 de marzo de 1918 na cidade belarusa de Brest-Litovsk (daquela baixo soberanía rusa, actual Brest) entre o Imperio alemán, Bulgaria, o Imperio Austrohúngaro, o Imperio Otomán e a Rusia soviética.

Consecuencias

Tras a revolución bolxevique Lenin decidiu retirar a Rusia da guerra a calquera prezo. Asinouse o tratado de paz de Brest-Litovsk o 3 de marzo de 1918, en virtude do cal Rusia cedía extensos territorios:

No tratado, Rusia

• Renunciaba a Finlandia, Polonia, Estonia, Livonia, Curlandia, Lituania, Ucraína e Besarabia que, a partir de entón quedaron baixo o dominio e a explotación económica dos Imperios Centrais.
• Retirábase de Ucraína, e recoñía a súa independencia, e o tratado asinado entre este país e Alemaña o 9 de febreiro de 1918.
• Entregaba Ardahan, Kars e Batumi ao Imperio Otomán.
• Finalmente, pagábase unha forte indemnización de guerra.

Con este tratado, Alemaña reforzou a fronte occidental con efectivos orientais.

Porén, o tratado non foi recoñecido polos aliados que, tras a derrota alemá na primeira guerra mundial, anulárono no armisticio de Mudros, asinado o 11 de novembro de 1918.

Case todas as perdas rusas xa foran recuperadas en 1940. Soamente Finlandia e Turquía, sucesora do Imperio Otomán, conservaron os territorios recibidos en Brest-Litovsk.^[1]

Notas

Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.