O Volkswagen Touareg é un automóbil todo terreo do segmento E producido polo fabricante alemán Volkswagen dende 2002. É un cinco prazas con carrozaría de cinco portas, motor frontal lonxitudinal e chasis monocasco, que se ofrece unicamente con tracción á catro rodas. Os seus principais rivais son o BMW X5, o Range Rover Sport, o Jeep Grand Cherokee, o Mercedes-Benz Clase M, o Porsche Cayenne e o Volvo XC90.
Desenvolvemento
O Touareg (nomeado internamente como Typ 7L) foi un proxecto do Grupo Volkswagen, que tamén incluíu a Audi e Porsche, que andaban a pensar na posibilidade de engadir un SUV ao seu catálogo de produtos. O obxectivo era crear un vehículo todo terreo que se puidese conducir como un coche deportivo. O equipo, de máis de 300 persoas, foi dirixido por Klaus-Gerhard Wolpert, e tivo a súa base de operacións en Weissach im Tal (Alemaña). Como resultado desta empresa conxunta o Porsche Cayenne comparte co Touareg a plataforma PL71 do Grupo Volkswagen, e ambos modelos fabrícanse en Bratislava xunto co Audi Q7.
Primeira xeración (2002-2010)
Primeira xeración
Nome
Primeira xeración
Produción
2002-2010
Dimensións
4755 / 1930 / 1725 / 2855 mm
O Touareg de primeira xeración foi deseñado en conxunto polo Grupo Volkswagen e Porsche. Por esta razón, a súa plataforma é a mesma que a do Porsche Cayenne e similar á do Audi Q7. Todas as unidades fabrícanse en Eslovaquia e Rusia. Na reestilización a finais de 2006, o Touareg recibiu o frontal cromado que tamén incorporan outros modelos da marca.