Volvocales

Volvocales

(A) Gonium pectorale, (B) Eudorina elegans, (C) Pleodorina californica, e (D) Volvox carteri
Clasificación científica
Dominio: Eukaryota
Reino: Plantae
División: Chlorophyta
Clase: Chlorophyceae
Orde: Volvocales
Familias
  • Dunaliellaceae
  • Chlamydomonadaceae
  • Spondylomoraceae
  • Volvocaceae
  • Haematococcaceae
  • Asteromonadaceae
  • Tetrabaenaceae
  • Astrephomenaceae
  • Phacotaceae
  • Characiosiphonaceae
  • Characiochloridaceae
Sinonimia
  • Chlamydomonadales
  • Volvocida
  • Phytomonadina Blochmann

Volvocales, tamén chamado Chlamydomonadales, é unha orde de algas verdes flaxeladas ou pseudociliadas.[1] As especies de Volvocales son coloniais e poden formar colonias planas ou esféricas. Estas colonias varían en tamaño desde as pequenas de Gonium (de 4 a 32 células) ás de Volvox (de miles de células). Cada célula ten dous flaxelos, e é xeralmente similar en aspecto a unha célula de Chlamydomonas.

Realizan reprodución sexual e asexual. Na primeira, as células divídense ata formar novas colonias, que despois se liberan. Nas formas máis pequenas o normal é que todas as células estean implicadas na reprodución, pero nas formas maiores teñen células anteriores vexetativas e posteriores reprodutivas. A reprodución sexual varía desde a isogamia (ambos os xéneros producen gametos flaxelados de igual tamaño) á oogamia (un xénero produce gametos máis grandes e non mótiles).

A clasificación das Volvocales estivo suxeita a variacións. A miúdo inclúense nelas como subordes as especies das ordes Chlamydomonadales e Dunallielales, que conteñen flaxelados unicelulares relacionados, e que se clasifican á parte noutras clasificacións.

Notas

  1. ↑ Ver o NCBI webpage on Chlamydomonadales. Datos extraídos de "NCBI taxonomy resources". National Center for Biotechnology Information. Consultado o 2007-03-19. 

Véxase tamén

Outros artigos

Ligazóns externas

Referencias científicas
Bases de datos científicas