Xu (emperatriz)

Xu
Nacemento	2 de maio de 1362 e 5 de marzo de 1362
Lugar de nacemento	Nanjing
Falecemento	6 de agosto de 1407
Lugar de falecemento	Nanjing
Causa	doenza
Soterrada	Changling
Nacionalidade	Yuan e Dinastía Ming
Etnia	Pobo han
Relixión	Budismo
Ocupación	escritora e poeta
Pai	Xu Da
Cónxuxe	Yongle
Fillos	Hongxi, Zhu Gaoxu, Zhu Gaosui, Princess Yong'an, Princess Yongping, Princess Ancheng e Princess Xianning
Irmáns	Xu Zengshou, Xu Yingxu e Xu Huizu
[ editar datos en Wikidata ]
v c e

Emperatriz Xu (chinés tradicional e simplificado: 徐皇后; pinyin: Xú Huánghòu; Wade-Giles: Hsü² Huang²-hou⁴), formalmente coñecida como Emperatriz Renxiaowen (chinés tradicional e simplificado: 仁孝文皇后; pinyin: Rénxiàowèn; Wade-Giles: Jen²-hsiao⁴-wen²), nada en 1362 e finada en xullo de 1407, foi a emperatriz consorte do emperador Yongle e a terceira emperatriz da dinastía Ming da China. Foi unha muller moi educada, afeccionada a coleccionar biografías de mulleres virtuosas, unha actividade conectada coa política da corte.

Traxectoria

Xu Yihua naceu no ano 1362, sendo a filla máis vella de Xu Da e da señora Xie. Tivo catro irmáns -Xu Huizu, Xu Tianfu, Xu Yingxu e Xu Zengshou- e dúas irmás máis pequenas: Zhu Gui, quen se desposou co príncipe Jian de Dai (13º fillo do emperador Hongwu), e Zhu Ying, quen se desposou co príncipe Hui dun (22º fillo do emperador Hongwu). O 17 de febreiro do ano 1376, casou con Zhu Dei, príncipe de Yan (4º fillo do emperador Hongwu). Despois de que Zhu Dei ascendese ó trono como emperador Yongle, o 17 de xullo de 1402, ela foi nomeada emperatriz en decembro dese mesmo ano.

Unha devota budista, Xu é a primeira persoa acreditada para transcribir un sutra budista sobre unha revelación durante un soño. A obra titúlase Da Ming Ren xiao Huang hou meng kan Fo Shuo dei yi xi yu dá gong de jing. Na súa introdución ó sutra, a emperatriz escribiu que unha noite despois de meditar e queimar incenso, Guanyin aparecéuselle coma nun soño, e levouna a un reino santo onde se lle revelou o sutra co obxectivo de salvala dun desastre. Despois de ler o sutra tres veces, foi capaz de memorizalo e lembralo perfectamente ó espertar e escribilo. O sutra está influído pola filosofía tradicional mahayana e contén mantras típicos dos budistas tibetanos.^[1]

Notas