Yago Gandoy
| Nome orixinal | Yago Gandoy Martínez | ||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Biografía | |||||||||||||||||||||||||||||||||||
| Nacemento | 13 de abril de 1999 (25 anos) A Coruña, España  | ||||||||||||||||||||||||||||||||||
| País de nacionalidade | Galicia | ||||||||||||||||||||||||||||||||||
| Altura | 1,77 m. | ||||||||||||||||||||||||||||||||||
| Actividade | |||||||||||||||||||||||||||||||||||
| Ocupación | futbolista | ||||||||||||||||||||||||||||||||||
| Deporte | fútbol | ||||||||||||||||||||||||||||||||||
| Posición de xogo | Centrocampista | ||||||||||||||||||||||||||||||||||
| |||||||||||||||||||||||||||||||||||
Yago Gandoy Martínez, nado na Coruña o 13 de abril de 1999, é un futbolista galego que xoga como centrocampista no San Sebastián de los Reyes, da Segunda Federación.
Traxectoria
Ingresou nas categorías inferiores do Deportivo da Coruña aos dez anos, procedente do Ural CF.[1] Debutou co Fabril o 10 de decembro de 2017, nun partido de Segunda División B, entrando como substituto de Martín Bengoa na vitoria por 2-3 fronte ao Cerceda.[2]
Incorporouse definitivamente ao Fabril no inicio da tempada 2018-19, e anotou o seu primeiro gol o 4 de novembro de 2018 na vitoria por 2-1 sobre o Rápido de Bouzas.[3] Disputou 24 partidos na tempada, ao final da cal o equipo acabou descendendo a Terceira.
O 21 de setembro de 2019 debutou co primeiro equipo do Deportivo da Coruña, na Segunda División, substituíndo a Ager Aketxe no empate a cero contra o Cádiz.[4] O 9 de setembro de 2020 o club renovou o seu contrato por tres anos.[5] Disputou 11 encontros nesa tempada, case todos na primeira parte da competición.
En agosto de 2021 saíu cedido ao Coruxo, da Segunda División RFEF.[6] Disputou 22 encontros co equipo vigués, 14 deles como titular, e ao remate da campaña asinou co club en propiedade, despois de se desvencellar do Deportivo.[7] Na campaña 2022/23 xogou un total de 34 partidos, 30 deles como titular, e marcou un gol.
Para a campaña 2023/24 asinou co Navalcarnero, da mesma categoría.[8] Disputou 29 partidos co club madrileño, 23 deles como titular, acabando a liga na oitava posición.
En xuño de 2024 asinou como novo xogador do San Sebastián de los Reyes, da Segunda Federación, onde se reencontrou co seu excompañeiro Pablo Brea.[9]
Notas
- ↑ "Gandoy asoma la cabeza" (en castelán). 15 de novembro de 2017. Consultado o 10 de setembro de 2020.
- ↑ "REVIEW: CERCEDA 2 – FABRIL 3 (SEGUNDA B)" (en inglés). 12 de decembro de 2017. Consultado o 10 de setembro de 2020.
- ↑ "El Fabril le devuelve el farolillo rojo al Rápido de Bouzas". La Voz de Galicia (en castelán). 4 de novembro de 2018. Consultado o 10 de setembro de 2020.
- ↑ "Cádiz y Dépor se anulan en el Carranza". Marca (en castelán). 21 de setembro de 2019. Consultado o 10 de setembro de 2020.
- ↑ "Yago Gandoy renova o seu compromiso co Dépor". www.rcdeportivo.es. 9 de setembro de 2020. Consultado o 10 de setembro de 2020.
- ↑ "Nuevo destino para Gandoy: saldrá cedido al Coruxo" (en castelán). 31 de agosto de 2021. Consultado o 1 de setembro de 2021.
- ↑ "Yago Gandoy vuelve al Coruxo tras rescindir". La Opinión A Coruña (en castelán). 5 de agosto de 2022. Consultado o 2 de setembro de 2022.
- ↑ "Gandoy refuerza al Navalcarnero y Lucho García, al Algeciras". La Opinión A Coruña (en castelán). 21 de xullo de 2023. Consultado o 10 de novembro de 2023.
- ↑ "YAGO GANDOY, NUEVO FICHAJE PARA LA TEMPORADA 24/25" (en castelán). 24 de xuño de 2024. Consultado o 18 de xullo de 2024.
Véxase tamén
Ligazóns externas
- Yago Gandoy en BDFutbol (en castelán).
- Yago Gandoy en LaPreferente.com (en castelán).
- Yago Gandoy en Soccerway (en inglés).
