Šěra wjerba

Šěra wjerba
Šěra wjerba (Salix cinerea)
systematika
Domena Eukaryoty
Swět Rostlinstwo
  Rosidy
Eurosidy I
rjad: (Malpighiales)
swójba: Wjerbowe rostliny (Salicaceae)
ród: Wjerba[1][2](Salix)
družina: Šěra wjerba
wědomostne mjeno
Salix cinerea
L.
Projektowa strona Wikipedija:Projekt za botaniku
Wobdźěłać
p • d • w

Šěra wjerba (Salix cinerea) je rostlina ze swójby wjerbowych rostlinow (Salicaceae).

Wopis

Šěra wjerba je w lěću zeleny, husty kerk, kotryž docpěwa wysokosć wot 3 hač do 5 (6) m. Wona wotstejaca rozhałuzuje a je zwjetša połkulojće wopłonjena abo kupolojta.

Hałuzy je jara hrube. Młode hałuzy su šěropjelsćojte. Wurostki su hač do 2. lěta husto šěrpjelsćojte.

Łopjena

Łopjena steja na krótkich, mjechkokosmatych, žołtych stołpikach. Łopjeńcy su dołhojće owalne, sćeńka rězane a docpěwaja dołhosć wot 4 hač do 10 cm a šěrokosć wot hač do 4 cm. Prědku su kulojte. Na spočatku su sylnje šěropjelsćojte, ale so pozdźišo wobnažuja. Na hornim boku su šěrozelene, mjeztym zo na delnim boku su módrojte. Pódlanske łopješka su jěrchenkojte.

Kćenja

Kćěje wot měrca hač do apryla. Kćenja su dwudomnje rozšěrjene a so před łopjenami jewja. Micki su podobne tym wšědneje wjerby (Salix caprea), mjeztym zo su sedźace a zrunane. Muske micki docpěwaja dołhosć wot hač do 5 cm. Žónske micki docpěwaja dołhosć wot hač do 9 cm. Próšniki su před rozkćěwom zwjetša oranžočerwjene. Płódniki su pjelscójte.

Stejnišćo

Rosće w hrjebjach a žórłowych bahnach, na włóžnych łukach a we wólšowych tonidłach. Ma radšo kisałe hač bazowe pódy.

Rozšěrjenje

Rostlina je w Europje, w prědnjej Aziji a sewjernej Africe rozšěrjena, při čimž w nižinje hač we wysokosćach wot něhdźe 700 m w horach wustupuje.

Wužiwanje

Nóžki

  1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 544.
  2. ↑ W internetowym słowniku: Weide

Žórła

  • Bruno P. Kremer: Steinbachs Naturführer Bäume & Sträucher, ISBN 978-3-8001-5934-5, strona 160 (němsce)
  • Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 450 (němsce)
  • Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 406, jako podobna družina Grau-Weide (Salix cinerea) pod hesłom Sal-Weide, Palm-Weide (Salix caprea) (němsce)
  • Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
  • Kubát, K. (Hlavní editor): Klíč ke květeně České republiky. Academia, Praha (2002)
  • Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
  • Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Commons
Commons
Hlej wotpowědne dataje we Wikimedia Commons:
Šěra wjerba

Šěra wjerba. W: FloraWeb.de. (němsce)