Cölln při Sprjewi
![](http://upload.wikimedia.org/wikipedia/commons/thumb/9/96/ZLB-Berliner_Ansichten-Januar.jpg/350px-ZLB-Berliner_Ansichten-Januar.jpg)
Cölln bě srjedźowěkowske město na Sprjewinej kupje napřećo stareho Berlina. W pózdnim srjedźowěku wuwiwaštej so wobě měsće k jednomu sydlišću, kiž mjenowaše so wot 1307 Berlin-Cölln a předstaji historiske jadro němskeje stolicy.
Sydlišćo bu w lěće 1237 prěni raz naspomnjene, sydom lět zašo hač Berlin. Tute lěto płaći jako zakład Berlinskich měšćanskich jubilejow w lětomaj 1937 (700 lět) a 1987 (750 lět), hačrunjež so Berlin sam we wotpowědnym wopismje njenaspomni.
Najstarše dotal namakane powostanki stareho Cöllna pochadźeja hakle z lěta 1150, tak zo njeje wěste, hač běše město hižo za čas Słowjanow wobsydlene.
W srjedźowěku měješe město něhdźe 1.400 wobydlerjow. Jako měšćanski dźěl, do kotrehož słušeše cyła Sprjewina kupa, docpě najwyšu ličbu wobydlerstwa w lěće 1871, jako bydlachu 16.554 wobydlerjow w Cöllnje. Wot 1920 słuša Cölln do měšćanskeho wobwoda Berlin-Mitte.
Wot mjeno stareho Cöllna (Alt-Cölln) wotwodźene je mjeno měšćanskeho wobwoda Neukölln.
Žórła
Wotkazaj
![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Informacije wo Cöllnje na stronach berlin.de (němsce)