Dźiwja róža

Dźiwja róža
Dźiwja róža (Rosa canina)
systematika
Domena Eukaryoty
Swět Rostlinstwo
  Rosidy
Eurosidy I
rjad: (Rosales)
swójba: Róžowe rostliny (Rosaceae)
podswójba: (Rosoideae)
ród: Róža[1][2] (Rosa)
sekcija: (Caninae)
družina: Dźiwja róža[3]
wědomostne mjeno
Rosa canina
L.
Projektowa strona Wikipedija:Projekt za botaniku
Wobdźěłać
p • d • w

Dźiwja róža[3] (tež płótna dźiwja róža[3]; Rosa canina) je rostlina ze swójby róžowych rostlinow (Rosaceae). Jeje płód je šiplenka[4][5].

Ilustracija dźiwjeje róže
Płody

Wopis

Dźiwja róža je kerk, kotryž docpěje wysokosć wot 1 hač 3 m.

Hałuzy su wobłukaće přewisowace abo łažace.

Łopjena

Łopjena su nahe a 5-7-ličbnje pjerite. Jich stołpik je njekosmaty, ale často njese stołpikate žałzy a serpikojte kałače.

Kćenja

Kćěje w juniju. Kćenja su jasnoróžojte, sedźa zwjetša po wjacorych na nahich stołpikach a docpěja šěrokosć wot 4 hač 5 cm. Keluškowe łopješka su po času kćěwa wotwodźěte a před zrałosću wotpadaja. Zwonkowne keluškowe łopješka su přez šwižne přiwiski pjerite. Pěstki su swobodne, krótke a jenož małko z kćenjoweho bónčka sahaja.

Płody

Šiplenka je čerwjena, naha a šwižnje jejkojta.

Stejnišćo

Rosće w žiwych płotach, na lěsnych a pućnych kromach a pustych płoninach. Preferuje ćopłe, zwjetša hłubokosahace hlinjane pódy.

Rozšěrjenje

Rostlina je w Europje rozšěrjena.

Nóžki

  1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 439.
  2. ↑ W internetowym słowniku: Rose
  3. ↑ 3,0 3,1 3,2 W internetowym słowniku: Heckenrose
  4. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 503.
  5. ↑ W internetowym słowniku: Hagebutte

Žórła

  • Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 454 (němsce)
  • Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 410 (němsce)

Eksterne wotkazy

Commons
Commons
Hlej wotpowědne dataje we Wikimedia Commons:
Dźiwja róža