Fonetika

Fonetika (grjek. φωνητικός "zwukowy"; wot φωνή "zwuk") — rěčespytna disciplina, kotraž přepytuje a wopisuje zwukowuju stronu čłowjeskeje rěče (system zwukow, tworjenje zwukow a jich akustiski zaćišć)^[1].

Fonetika w cyłku zaběra so z fyziologiskej a akustiskej stronu rěče. Předmjet fonetiki je konkretny rěčny akt abo rěčenje (same tworjenje zwukow a jich akustiski zaćišć). Fonetiku rozeznawaja wot fonologije, kotraž njedźiwa na tworjenje zwukow a jich akustiski zaćišć, ale jenož na jich funkciju a nutřkownu relaciju (poměr) w zwukowym systemje. Wobaj předmjetaj stej wusko mjez sobu zwjazanej a so mjez sobu wudospołnjujetej^[2].

Předmjety fonetiki su:

• zwuki rěče a jich klasifikacija (zwuk — elementarna jednotka fonetiki);
• dołhosć (kwantita), wysokosć (hustota), móc zwuka;
• organy rěče (rěčadła) — jazyk, zuby, dźasna (alweole), mjechke a twjerde njebjeska, płuca atd.;
• artikulacija zwuka (wašnje artikulacje);
• akcent (přizwuk), ton, sadowa intonacja;
• percepcija rěče atd.

Fonologija přepytuje fonemy a jich alofony, jich opozicije, złóžki atd.

1. ↑ Šewc-Schuster H. Gramatika hornjoserbskeje rěče. — Budyšin: Ludowe nakładnistwo Domowina, 1984. — Zwjazk 1 fonologija, fonetika a morfologija. — S. 10.
2. ↑ Šewc-Schuster H. Gramatika hornjoserbskeje rěče. — Budyšin: Ludowe nakładnistwo Domowina, 1984. — Zwjazk 1 fonologija, fonetika a morfologija. — S. 14.

 Commons: Fonetika – Zběrka wobrazow, widejow a awdiodatajow

Móžeš slědowace polěpšić: Tutón nastawk hišće je zarodk wo rěčnej temje Jeli sy jedyn z mjenowanych njedostatkow skorigował(a), wotstroń prošu potrjecheny parameter předłohi {Předźěłuj}. Podrobnosće namakaš w dokumentaciji.