Lěsny dźećel

Lěsny dźećel
Lěsny dźećel (Trifolium alpestre)
systematika
Domena Eukaryoty
Swět Rostlinstwo
rjad: (Fabales)
swójba: Łušćinowcy (Fabaceae)
podswójba: Mjetelojte kwěty
(Faboideae)
ród: Dźećel[1][2] (Trifolium)
sekcija: Trifolium
družina: Lěsny dźećel
wědomostne mjeno
Trifolium alpestre
L.
Projektowa strona Wikipedija:Projekt za botaniku
Wobdźěłać
p • d • w

Lěsny dźećel (Trifolium alpestre) je rostlina ze swójby łušćinowcow (Fabaceae).

Wopis

Lěsny dźećel je trajne zelo, kotrež docpěje wysokosć wot 15 hač do 30 (40) cm. Rostlina wutwori dołhe wotnožki.

Stołpiki su husto přilěhawje kosmate a zwjetša njerozhałuzowane a zrunane.

Łopjena

Bóčne nerwy třiličbnych, 3-5 (8) cm dołhich a 1,5 cm šěrokich, wusko-lancetojtych, ćmowozelenych łopješkow su jara huste. Pódlanske łopjena su prynkojte a docpěwaja dołhosć wot 3 cm.

Kćenja

Wón kćěje wot junija hač do awgusta. Kćenja su čerwjene a docpěwaja dołhosć wot 10-15 mm. Wone steja w kulowatych abo krótko jejkojtych hłójčkach, kotrež docpěja dołhosć wot 1,5 hač do 3 cm a su wot najbóle hornich łopjenow wobdate. Keluškowa rołka njesu 20 nerwow a je kosmata. Króna je purpurna a docpěje dołhosć wot 10 hač do 15 mm.

Stejnišćo

Wón rosće na lěsnych kromach, pod kerčinami, we swětłych lěsach, na suchich łukach a na nadróžnych skłoninach. Ma radšo suche a bazowe pódy.

Rozšěrjenje

Lěsny dźećel je w nimale cyłej Europje, předewšěm w srjedźnej a južnej Europje rozšěrjeny.

Podobna družina

Eksistuje podobna družina:

  • Mjezny dźećel (Trifolium medium) z nahej, 10-keluškowej rołku, kotraž rosće pod kerčinami, we swětłych lěsach a na suchich łukach, w nimale cyłej Europje. Nerwy łopješkow njejsu tak huste.

Eksterne wotkazy

  1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 109.
  2. ↑ W internetowym słowniku: Klee

Žórła

  • GU Naturführer Blumen, ISBN 3-7742-1507-3, strona 114 (němsce)
  • Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 254 (němsce)
  • Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 76 (němsce)
  • Kral, Jurij: Serbsko-němski słownik hornjołužiskeje rěče. Maćica serbska, Budyšin (1927)
  • Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
  • Völkel, Pawoł: Hornjoserbsko-němski słownik, Ludowe nakładnistwo Domowina, Budyšin (1981)

Eksterne wotkazy

Commons
Commons
Hlej wotpowědne dataje we Wikimedia Commons:
Lěsny dźećel