QWERTZ
QWERTZ (wuprajeny kwerts) je mjeno najčasćišo wužiwaneje němskeje družiny kompjuteroweje tastatury. Mjeno pochadźa wot šěsć tastow w hornim, lěwym dźělu alfanumeriskeje tastatury, kotrychž pismiki su - Q W E R T Z.
q w e r t z u i o p ü + a s d f g h j k l ö ä # < y x c v b n m , . -
Q W E R T Z U I O P Ü * A S D F G H J K L Ö Ä ' > Y X C V B N M ; : _
Tastatura QWERTZ je němski deriwat jendźelskeje QWERTY, kotraž bě so w epoše pisanskeje mašiny naćisnyła, zo by so přetorhowanje dla runočasneho wužiwanja susodnych tastow wotwobroćiło.
W Šwicarskej so warianta wužiwa, kotraž nimo tastow za němske přezwuki tež ma tasty za francosku a italsku rěč.
Za druhe rěče
QWERTZ-tastatura hodźi so tež za druhe rěče wužiwać, kaž na přikład za madźaršćinu.
Za pólšćinu eksistuje QWERTZ-tastatura po normje PN87, na př. we Windows XP.
Alternatiwne ćěrjaki za Windows
Eksistuja někotre alternatiwne ćěrjaki za tutu tastaturu, zo by wužiwar na přikład tež serbsce pisać móhł.
Napołoženja tastatury z ćěrjakom Europskeje tastatury
| za wobě serbšćinje | |
|---|---|
| Pismiki | Tastowe kombinacije |
| č, Č | Přešaltowaca tasta + [^], potom [c] resp. [C][1] |
| ć, Ć | Akutowy akcent [´], potom [c] resp. [C][1] |
| ě, Ě | Přešaltowaca tasta + [^], potom [e] resp. [E] |
| ń, Ń | Akutowy akcent [´], potom [n] resp. [N] |
| ó, Ó | Akutowy akcent [´], potom [o] resp. [O] |
| ł, Ł | AltGr-tasta a [l] resp. [L] |
| ř, Ř | Přešaltowaca tasta + [^], potom [r] resp. [R] |
| ŕ, Ŕ | Akutowy akcent [´], potom [r] resp. [R] |
| š, Š | Přešaltowaca tasta + [^], potom [s] resp. [S][1] |
| ś, Ś | Akutowy akcent [´], potom [s] resp. [S] |
| ž, Ž | Přešaltowaca tasta + [^], potom [z] resp. [Z][1] |
| ź, Ź | Akutowy akcent [´], potom [z] resp. [Z] |
Druhe warianty
Druha warianta wot QWERTY je AZERTY, wužiwana w Francoskeje.
Druha nic rědka tastatura je Dvorakowa tastatura, wotpohladana zo by była efektiwniša za jendźelski tekst.
Nóžki
Wotkazy
- Strona wo ćěrjakach za Linux, Windows 95-ME, NT, 2000 a XP
- Ćěrjaki za Windows 2000-XP a Vista (němsce)
- Instrukcija za instalowanje ćěrjaka pod Windows Vista (němsce)
- Napołoženje tastatury z wobrazami (němsce)
- Europska tastatura za wjele rěčow z łaćonskim alfabetom a Windows 2000, XP a Vista (němsce)
| ||||||||||||||