Sergej Mironowič Kirow
Sergej Mironowič Kirow (poprawom Kostrikow, rusce Сергей Миронович Киров, Сергей Миронович Костриков; * 27. měrca 1886 w Uržumje, Wjatski guwernement, Ruska; † 1. decembra 1934 w Leningradźe, Sowjetski zwjazk) bě wuznamny komunistiski rewolucionar, sowjetski statny a stronski funkcionar a družbinar Stalina.
Wón bu dnja 1. decembra 1934 w starobje 48 lět pod hač do dźensnišeho njeznatymi wobstejnosćemi zatřěleny. Skutk płaći jako jedyn ze zakładnych podawkow stalinistiskich čisćenjow w slědowacych lětach. Po cyłym Sowjetskim zwjazku pomjenowachu so města a dróhi po Kirowje, najwjetše z nich bě Kirow, prjedy Wjatka, kotryž tež dźensa hišće tak rěka.
Wotkazaj
![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)