Надежда
| «Надежда» | |
|---|---|
| ի երգը | |
| Լեզու | ռուսերեն |
| Հեղինակ | Նիկոլայ Դոբրոնրավով |
| Կոմպոզիտոր | Ալեքսանդրա Պախմուտովա |
«Надежда» (հայ.՝ «Հույս»), ռուսերեն երգ, որ գրվել է 1971 թվականին կոմպոզիտոր Ալեքսանդրա Պախմուտովայի և բանաստեղծ Նիկոլայ Դոբրոնրավովի կողմից։
2015 թվականին «Русский репортёр» ամսագրի կողմից անցկացված սոցիոլոգիական ուսումնասիրության համաձայն՝ «Надежды» երգի տեքստն զբաղեցրել է 10-րդ տեղը Ռուսաստանում ամենամեծ ժողովրդականություն վայելող չափածո տողերի շարքում, որն ի թիվս այլոց ներառել է նաև ռուսական ու համաշխարհային դասական գրականության նմուշներ[1]։
Պատմություն
Առաջին անգամ երգը կատարել առաջարկվել է Իոսիֆ Կոբզոնին, բայց նա հրաժարվել է (հետագայում նա երգն այնուամենայնիվ ընդգրկել է իր երգացանկում)։ Այդ ժամանակ երգն առաջարկվել է Էդիտա Պիեխային, որը դարձել է նրա առաջին կատարողը։ Երգն ու նրա նոտաներն ուղարկվել են նաև Վարշավա՝ ծանր վնասվածքից հետո ապաքինվող Աննա Գերմանին, որը հետագայում մեծ հաջողությամբ կատարել է այն։ Վերջինիս կատարումը դարձել է կանոնիկ ու ավելի հայտնի։ Խորհրդային և ռուս տիեզերագնացների մոտ ավանդույթ է դարձել թռիչքից առաջ լսել Աննա Գերմանի կատարումը։
1975 թվականի «Տարվա երգ» փառատոնի եզրափակիչ համերգում Մուսլիմ Մագոմաևին առաջարկվել է կատարել երգն այն բանից հետո, երբ պարզ է դարձել, որ նրա հիմնական կատարողներ Էդիտա Պիեխան ու Աննա Գերմանը չեն կարողանալու մասնակցել համերգի նկարահանումներին։ Պյոտր Կլիմուկի և Վիտալի Սևաստյանովի ներածական խոսքից հետո Մուսլիմ Մագոմաևը կատարել է երգը երկու անգամ (բիս)[2]։ Հետագայում երգը ևս երկու անգամ հնչել է «Տարվա երգ» փառատոնում։ «Երգ-76» փառատոնում այն նորից կատարել է Մուսլիմ Մագոմաևը (կատարման ձայնագրությունը համարվում է կորած), իսկ «Երգ-82» փառատոնում հնչել է «Նախորդ տարիների մրցանակակիր երգերի» պոպուրիում Էդիտա Պիեխայի կատարմամբ (երրորդ տունը)։
Երգը կատարել է նաև «Надежда» վոկալ-գործիքային անսամբլը, որ կոչվել է այդ երգի անունով։
Ծանոթագրություններ
- ↑ Виталий Лейбин, Наталья Кузнецова (26 июня 2015). «Слова не выкинешь. Какие песни мы поем в душе и какими стихами говорим». rusrep.ru. Արխիվացված է օրիգինալից 2016 թ․ ապրիլի 19-ին. Վերցված է 2016 թ․ ապրիլի 10-ին.
- ↑ Муслим Магомаев — Надежда ՅուԹյուբում
Արտաքին հղումներ
- Р. Вивчаренко. «История одной размагниченной песни»
- Сайт Александры Пахмутовой — Полный текст песни, нотная запись и коллекция ссылок на звукозаписи в различных форматах
- «Надежда» в исполнении Анны Герман
- «Надежда» в исполнении Эдиты Пьехи
|
