Ալիքի կատարին (ֆիլմ, 1991)
«Ալիքի կատարին» (անգլ.՝ Point Break), ռեժիսոր Քեթրին Բիգելոուի 1991 թվականի ֆիլմ։
Դիպաշար
ՀԴԲ-ն հետաքննում է բանկերի հանդուգն կողոպտիչների գործը, որոնք կազմել են ավազակախումբ՝ ստանալով «նախկին նախագահներ» անվանումը։ Կողոպուտների ժամանակ նրանք հագնում էին Լինդոն Ջոնսոնի, Ռիչարդ Նիքսոնի, Ջիմի Քարթերի և Ռոնալդ Ռեյգանի դիմակները։ Հետաքննությամբ զբաղվող բաժին է տեղափոխվում նորանշանակ Ջոնի Յուտան (Քիանու Ռիվզ)։ Նա դառնում է սպա Էնջելո Պապասի (Գերի Բյուզի) գործընկերը, որը կասկածում է, որ ավազակախմբի անդամները ինչ-որ կապ ունեն սերֆինգի հետ։ Այդ ենթադրությունն ստուգելու համար անհրաժեշտ էր գործակալ, որը կարող էր մուտք գործել ավազակախումբ, և Ջոնին համաձայնվում է կատարել այդ դերը։
Ջոնին ձեռք է բերում ալիքների վրա լողալու սերֆեր (լողատախտակ) և համառորեն փորձում է յուրացնել սերֆինգը որպես մարզաձև և փիլիսոփայություն։ Նրանից մեծ ջանքեր են պահանջվում դրա համար և նույնիսկ ստիպված է լինում վերանայել իր որոշ հայացքներ, սակայն արդյունքում նա հայտնվում է սերֆինգիստների գլխավորի՝ Բոդհիի մոտ (Պատրիկ Սուեյզի)։ Միաժամանակ Ջոնին կապվում է Բոդհիի նախկին ընկերուհու՝ Թայլերի հետ (Լորի Փեթի)։ Ջոնին և Բոդհին ընկերանում են և շուտով պարզ է դառնում, որ հենց Բոդհին է «նախկին նախագահներ» խմբի գլխավորը։ Բանկերը թալանելով՝ հանցագործները յուրատեսակ ուղերձ են թողնում հասարակությանը։ Այդ ձևով գումար են աշխատում՝ փորձելով արյուն չթափել հարձակման ժամանակ։
Սակայն վերջին կողոպուտի ժամանակ զոհեր են ունենում, այդ թվում և ավազակախմբի անդամներից մեկին (Գրոմեթ)։ Որպեսզի թաքցնի հետքերը, Բոդհին, որը կռահում է Յուտայի ով լինելը, առևանգում է Թայլերին սահմանն անցկացնելու մտադրությամբ։ Հանցագործներին ետ պահելու ժամանակ զոհվում է Էնջելոն, իսկ Ջոնիին անասելի դժվարությամբ հաջողվում է փրկել աղջկան։
Եզրափակչի ժամանակ Յուտան ՀԴԲ գործակալների հետ գտնում է Բոդհիին Ավստրալիայում, բայց վերջինս կարճատև կռվից հետո խնդրում է իրեն «հանձնել» ալիքներին, իր կյանքի երազանքին։ Ջոնին թույլ է տալիս, հավանաբար իմանալով, որ այդ ալիքը Բոդհիի կյանքում կլինի վերջինը։ Ապա իր ոստիկանական ժետոնը նետում է ալիքների մեջ։
Դերակատարներ
| Դերակատար | Դեր |
|---|---|
| Պատրիկ Սուեյզի | Բոդհի |
| Քիանու Ռիվզ | Ջոնի Յուտա |
| Լորի Փեթի | Թայլեր Էնն Էնդիկոտ |
| Գերի Բյուզի | Էնջելո Պապաս |
| Ջոն Մաքգինլի | Բեն Հարփեն |
| Ջեյմս Լեգրո | Ռոուչ |
| Բոջեսի Քրիստոֆեր | Գրոմեթ |
| Ջոն Ֆիլբին | Նաթանիել |
| Վինսենթ Կլին | Ուորչայլդ |
Մրցանակներ և առաջադրումներ
- 1992 — MTV Movie Award մրցանակ — Ամենացանկալի տղամարդ (Քիանու Ռիվզ)
- 1992 — Առաջադրվել է MTV Movie Award — Լավագույն էքշն տեսարան (Ինքնաթիռից երկրորդ թռիչքը, երբ Յուտան բռնում է ընկնող Բոդհիին)
- 1992 — Առաջադրվել է MTV Movie Award — Ամենացանկալի տղամարդ (Պատրիկ Սուեյզի)[17]
Ծանոթագրություններ
- ↑ 1,0 1,1 1,2 1,3 1,4 1,5 1,6 AFI լիամետրաժ ֆիլմերի կատալոգ
- ↑ Lexicon of international films (գերմ.) — Zweitausendeins.
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 http://www.imdb.com/title/tt0102685/
- ↑ 4,0 4,1 4,2 http://www.metacritic.com/movie/point-break-1991
- ↑ http://www.empireonline.com/features/become-a-genre-expert-heist/p6
- ↑ http://www.hollywood.com/movies/162343/point-break
- ↑ 7,0 7,1 7,2 7,3 http://www.allocine.fr/film/fichefilm_gen_cfilm=6991.html
- ↑ http://www.ew.com/article/1991/07/26/point-break
- ↑ Internet Movie Database — 1990.
- ↑ 10,0 10,1 10,2 http://bbfc.co.uk/releases/point-break-film
- ↑ http://stopklatka.pl/film/na-fali-1991
- ↑ 12,0 12,1 12,2 http://www.imdb.com/title/tt0102685/fullcredits
- ↑ 13,0 13,1 13,2 ČSFD (չեխերեն) — 2001.
- ↑ http://www.cinematographers.nl/PaginasDoPh/peterman.htm
- ↑ Internet Movie Database — 1990.
- ↑ Box Office Mojo — 1999.
- ↑ IMDB: Awards for Point Break
Արտաքին հղումներ
- «Ալիքի կատարին»(անգլ.) ֆիլմը Internet Movie Database կայքում
- ««Ալիքի կատարին»»(անգլ.) ֆիլմը Box Office Mojo կայքում
- «Ալիքի կատարին»(անգլ.) ֆիլմը Rotten Tomatoes կայքում
- Տեղեկություն և կարծիքներ ֆիլմի մասին
| ||||||||||
| ||||||||||||||||||