Ալսիդես Գիջջա

Ալսիդես Գիջջա
Անձնական տվյալներ
Ազգությունը	Ուրուգվայցի
Քաղաքացիությունը	Ուրուգվայ,  Իտալիա և  Իտալիայի թագավորություն
Ծննդյան ամսաթիվ	Դեկտեմբերի 22, 1926 թ.
Ծննդավայր	Մոնտեվիդեո, Ուրուգվայ
Մահվան ամսաթիվ	հուլիսի 16, 2015(2015-07-16)[1][2] (88 տարեկան)
Մահվան վայր	Մոնտեվիդեո, Ուրուգվայ
Հասակ	169 սմ
Քաշ	62 կգ
Դիրք	Հարձակվող
Մասնագիտական կարիերա*
Տարի	Ակումբ	Խաղ	(Գոլ)
1944-1945 Սուդ Ամերիկա ? (?) 1946-1947 Պրոգրեսսո ? (?) 1948-1953 Պենյարոլ 169 (26) 1953-1961 Ռոմա 201 (19) 1961-1962 Միլան 4 (0) 1962-1967 Դանուբիո ? (?)
Ազգային հավաքական
1950–1952 Ուրուգվայ 12 (4) 1957–1959 Իտալիա 5 (1)
Մարզչական կարիերա
1980 Պենյարոլ
* Մասնագիտական կարիերայում ընդգրկված են միայն առաջնության խաղերը և գոլերը:

Ալսիդես Էդգարդո Գիջջա Պերեյրա (իսպ.՝ և իտալ.՝ Alcides Edgardo Ghiggia Pereyra, հայտնի է որպես Ալսիդես Գիջջա (իսպ.՝ և իտալ.՝ Alcides Ghiggia, Դեկտեմբերի 22, 1926, Մոնտեվիդեո, Ուրուգվայ - Հուլիսի 16, 2015, Մոնտեվիդեո, Ուրուգվայ), ուրուգվայցի և իտալացի նախկին ֆուտբոլիստ, ով առավելապես աչքի է ընկել ուրուգվայական Պենյարոլի և իտալական Ռոմայի կազմում։ Հանդես է եկել նաև Ուրուգվայի և Իտալիայի ազգային հավաքականներում։

Ալսիդեսը իր պրոֆեսիոնալ ֆուտբոլային կարիերան սկսել է 1946 թվականին ուրուգվայական Սուդ Ամերիկա ակումբում, որից հետո՝ 1947 թվականին Պրոգրեսսո։ 1948 թվականից հանդես է եկել Պենյարոլում, որի կազմում երկու անգամ դարձել է Ուրուգվայի չեմպիոն։ 1953 թվականին տեղափոխվել է իտալական Ռոմա, որի կազմում անցկացրած 201 խաղում դարձել է 19 գոլի հեղինակ, ինչպես նաև նվաճել է Տոնավաճառների գավաթը։ 1961 թվականին տեղափոխվել է իտալական մեկ այլ ակումբ՝ Միլան, որի կազմում անցկացրած 4 հանդիպման ժամանակ Գիջջային չի հաջողվել գրավել մրցակիցների դարպասը, սակայն այնուամենայնիվ հենց այդ մրցաշրջանում դարձել է Իտալիայի չեմպիոն, որից հետո 1962-ին վերադարձավ հայրենիք, որտեղ 6 տարի հանդես եկավ Դանուբիոյի կազմում։

Ուրուգվայի ազգային հավաքականում հանդես է եկել 1950-ից մինչև 1952 թվականը, որի կազմում անցկացրած 12 խաղում դարձել է 4 գոլի հեղինակ, ինչպես նաև հավաքականի հետ միասին 1950 թվականին դարձել է աշխարհի չեմպիոն, եզրափակիչ խաղում բրազիլացիների դարպասը խփելով հաղթական գնդակը։ 1957-ից մինչև 1959 թվականը հանդես է եկել Իտալիայի ազգային հավաքականում, որի կազմում անցկացրել է 5 հանդիպում և դարձել 1 գոլի հեղինակ։

2012 թվականի հունիսի 30-ին Գիջջան ավտովթարի մեջ ընկավ, որից հետո մի քանի որ մնաց կոմայի մեջ^[3]։

2013 թվականի դեկտեմբերի 6-ին մասնակցեց Բրազիլիայում անցկացվելիք աշխարհի 2014 թվականի առաջնության վիճակահանությանը։

Ալսիդես Գիջջան մահացավ 2015 թվականի հուլիսի 16-ին սրտամկանի ինֆարկտից^[4][5]։ Մինչ իր մահը Գիջջան մնում էր 1950 թվականի Ուրուգվայի հավաքականի չեմպիոնական կազմի միակ կենդանի մնացած ֆուտբոլիստը^[6]։ Իսկ նա մահացավ վերոհիշյալ հաղթանակի 65-րդ տարեդարձի օրը, որում նա խփել էր հաղթական գոլը^[7]։

Ալսիդես Գիջջան համարվում է Ռոմայի «Փառքի Սրահի» ֆուտբոլիստներից մեկը։

• Ուրուգվայի չեմպիոն՝ 1949, 1951
• Իտալիայի չեմպիոն՝ 1961-62
• Տոնավաճառների գավաթ՝ 1960-61
• Աշխարհի չեմպիոն՝ 1950

• Վիճակագրությունը National Football Teams-ում (անգլ.)
• Վիճակագրությունը Enciclopediadelcalcio.com-ում Արխիվացված 2007-09-27 Wayback Machine (իտալ.)
• Գիջջայի մասին հոդվածը 11freunde.de-ում Արխիվացված 2007-09-27 Wayback Machine (գերմ.)

Նախորդող Արկադիո Վենտուրի

Ռոմա ֆուտբոլային ակումբի ավագներ Ալսիդես Գիջջա 1957 - 1958

Հաջորդող Էգիդիո Գուարնակկի

Վիքիպահեստն ունի նյութեր, որոնք վերաբերում են «Ալսիդես Գիջջա» հոդվածին։

Թեմատիկ կայքեր eu-football.info (խաղացող) · FootballDatabase.eu · National Football Teams.com · playmarkerstats.com (խաղացող) · Transfermarkt (խաղացող) · worldfootball.net (խաղացող) · ՖԻՖԱ Բառարաններ և հանրագիտարաններ Treccani Չափորոշչային վերահսկողություն LCCN: no2016022928 · VIAF: 958145857882623020968 · WorldCat VIAF: 958145857882623020968