Բիլ Մար

Բիլ Մար
Ծննդյան թիվ՝հունվարի 20, 1956(1956-01-20)[1][2] (69 տարեկան)
Ծննդավայր՝Նյու Յորք, Նյու Յորք, ԱՄՆ
Քաղաքացիություն՝ ԱՄՆ
Մասնագիտություն՝կատակերգու, հեռուստահաղորդավար, գրող, սցենարիստ, դերասան, լրագրող, կինոպրոդյուսեր և հեռուստատեսային պրոդյուսեր
Պարգևներ՝
IMDb։ID 0005175
billmaher.com

Բիլ Մար (անգլ.՝ William Maher; род. հունվարի 20 1956), ամերիկացի կատակերգու, քաղաքական մեկնաբան և հեռուստահաղորդավար։

Հայտնի է իր քաղաքական երգիծանքով և հասարակական-քաղաքական մեկնաբանությամբ։ Նրա ուշադրության առարկան ընդգրկում է թեմաների լայն շրջանակ՝ կրոն, քաղաքականություն, տարբեր տեսակի բյուրոկրատիա, քաղաքական կոռեկտություն, զանգվածային լրատվության միջոցներ, հայտնի և ազդեցիկ մարդկանց ագահություն և այլն: Նա աջակցում է մարիխուանայի և միասեռական միությունների օրինականացմանը, ինչպես նաև PETA կազմակերպության անդամ է։ Հայտնի է կրոնի քննադատությամբ, «Religulous» վավերագրական ֆիլմի սցենարիստն ու վարողն է։ Նա «The Reason Project» կազմակերպության փորձագետների հանձնաժողովի անդամ է։ Ամերիկացի կատակերգուների «Comedy Central-ի բոլոր ժամանակների 100 լավագույն ստենդափները» վարկանիշում Մարը հայտնվել է 38-րդ հորիզոնականում։

Կենսագրություն

Բիլ Մարը ծնվել է 1956 թվականի հունվարի 20-ին Նյու Յորքում՝ կաթոլիկ ընտանիքում։ Նրա մայրը՝ Ջուլիան (ծնն. Բերման), աշխատել է որպես բուժքույր, իսկ հայրը՝ Ուիլյամ Մար Ավագը, աշխատել է ռադիոկայանում՝ որպես լուրերի խմբագիր, իսկ ավելի ուշ՝ որպես տնօրեն։ Բիլն իր մանկությունն անցկացրել է Նյու Ջերսի նահանգի Ռիվեր Վեյլ քաղաքում։ Պասկաք Հիլզի միջնակարգ դպրոցն ավարտելուց հետո հաճախել է Կոռնելի համալսարան, որտեղ 1978 թվականին ստացել է արվեստի և պատմության բակալավրի կոչում[3]։

Մարը սկսել է իր կարիերան Սթենդ ափ կատակերգությամբ և դերասանական խաղով: 1979 թվականին նա սկսել է ելույթ ունենալ Նյու Յորքի կատակերգական Catch a Rising Star ակումբում։ Սթիվ Ալենի շնորհիվ 1982 թվականին Մարը սկսել է մասնակցել Ջոն Կարսոնի և Դեյվիդ Լետերմանի հեռուստաշոուներին։ Բացի հումորային իմպրովիզացիաներից՝ նա նաև նկարահանվել է ֆիլմերի մի քանի դրվագներում և հեռուստատեսությունում, մասնավորապես «Նա գրել է սպանություն» ամերիկյան հեռուստասերիալում։ Բիլի դեբյուտային ֆիլմը եղել է «Վաշինգտոնի տաքսին» (1983թ.), նա նկարահանվել է նաև «Առնետի տղա» (1986), «Տուն 2. Անիծված բնակավայր» (1987), «Մարդակեր կանայք Ավոկադոյի մահացու ջունգլիներում» (1987) ֆիլմերում։

Մարն իրեն անվանում է ազատատենչ[4]։


Ծանոթագրություններ

  1. ↑ Internet Broadway Database — 2000.
  2. ↑ Discogs — 2000.
  3. ↑ Larry King. «Interview with Bill Maher» (անգլերեն). CNN. Արխիվացված է օրիգինալից 2012-04-16-ին. Վերցված է 2010-02-03-ին. {cite web}: Cite has empty unknown parameter: |datepublished= (օգնություն); Unknown parameter |deadlink= ignored (|url-status= suggested) (օգնություն)
  4. ↑ Rutenberg, Jim. (2001-10-08.) «Bill Maher still secure in ABC slot, at least now» Արխիվացված 2008-01-15 Wayback Machine. New York Times на nytimes.com. Retrieved on 2007-10-12.

Արտաքին հղումներ