Բրիգադեյրու
 | |
|---|---|
 | |
| Բրազիլիական խոհանոց | |
| Ենթատեսակ | Հրուշակեղեն[1][2] |
| Առաջացման երկիր |  Բրազիլիա |
| Ստեղծման տարեթիվ | 1879 |
 Brigadeiros Վիքիպահեստում | |
Բրիգադեյրու[3] (պորտ.՝ bɾiɡaˈdejɾu), բրազիլական ավանդական աղանդեր։ Աղանդերի ծագումը կապվում է Ռիո դե Ժանեյրոյի հրուշակագործ՝ Հելոիսա Նաբուկո դե Օլիվեյրայի հետ, ով այն ստեղծել է Էդուարդո Գոմեսի նախագահական թեկնածությունը խթանելու նպատակով[4][5]։ Այն պատրաստվում է խտացրած կաթից, կակաոյի փոշուց և կարագից, որոնք եփում են մինչև «փափուկ գնդիկի» կարամելի փուլ, իսկ վերին շերտը ծածկում են շոկոլադե փոշով, ինչը դարձնում է մակերեսը ոչ կպչուն։
Այն երկրում շատ սիրված քաղցրավենիք է, հատկապես տոնակատարությունների ժամանակ։ Բրիգադեյրուն հաճախ պատրաստում են տանը, բայց դրանք կարելի է գտնել նաև հացաբուլկեղենի խանութներում և սրճարաններում։ Բրիգադեյրուն ընդհանուր առմամբ ձևավորում են որպես փոքր գնդիկներ, որոնք ծածկված են շոկոլադե փոշով և դրվում են փոքրիկ կեքսի ձևամանների մեջ։ Խառնուրդը երբեմն լցնում են փոքր տարայի մեջ և ուտում գդալով. սա հայտնի է որպես brigadeiro de colher (բառացիորեն՝ «գդալի բրիգադեյրու») անվամբ։ Բրազիլական միգրացիայի արդյունքում՝ Բրիգադեյրու կարելի է հանդիպել նաև տարբեր երկրներում։
Վերջին տարիներին ավանդական շոկոլադե բրիգադեյրուի համային և ջնարակային տարբերակները հանրաճանաչ են դարձել[6]։ Համերի այս բազմազանությունը և բնօրինակ աղանդերի հեշտ ձևափոխումը հանգեցրել են տարբեր բաղադրատոմսերի միտումների, ինչպիսիք են՝ տորթերը, կարկանդակները, պաղպաղակը կամ նույնիսկ հացը[7]։
Պատմություն
«Բրիգադեյրո» անվան ծագումը կապված է բրիգադիր Էդուարդո Գոմեսի նախագահական քարոզարշավի հետ, որը 1945 թվականին ԱԴԿ-ի թեկնածուն էր հանրապետության նախագահի պաշտոնի համար[8]։ Բրիգադիրի թեկնածությանն աջակցող ավանդական կարիոկա ընտանիքի անդամը՝ Հելոիզա Նաբուկո դե Օլիվեյրան, ստեղծեց նոր քաղցրավենիք և այն անվանեց թեկնածուի անունով: Doce do brigadeiro-ն (բառացի՝ բրիգադիրի քաղցրավենիք) դարձավ հանրաճանաչ, և անունը վերջիվերջո կրճատվեց՝ դառնալով պարզապես «բրիգադեյրու»: Քանի որ այդ ժամանակ դա առաջին ազգային ընտրություններն էին, որտեղ կանայք կարող էին քվեարկել՝ նրանք վաճառում էին բրիգադեյրու՝ աջակցելով նախագահի թեկնածուին[9][10]։
Չնայած ստացած աջակցությանը, Էդուարդո Գոմեսը պարտվեց, և ընտրություններում հաղթեց այն ժամանակվա գեներալ Էուրիկու Գասպար Դուտրան:
Ռիո Գրանդե դո Սուլ նահանգում բրիգադեյրուները հիմնականում հայտնի են որպես negrinhos (բառացի՝ «փոքրիկ սևուկ»): Մի հետազոտող դրա ծագումը հետևել է մինչև 1920-ական թվականները, երբ Nestlé-ի խտացրած կաթը սկսեց վաճառվել Բրազիլիայում[11]։
Պատկերասրահ
Սովորական շոկոլադե բրիգադեյրու
Բրիգադեյրուն մոտիկից
Սպիտակ շոկոլադե բրիգադեյրու
Բրիգադեյրոներ տարբեր համերով և ջնարակներով
Բանանով պատրաստված բրիգադեյրուներ
Բրիգադեյրույի համերի բազմազանությունը
Տես նաև
- Բեյժինյո
- Շոկոլադե գնդիկներ
- Տրյուֆել
- Ռոմի գնդակներ
Ծանոթագրություններ
- ↑ https://based.cooking/brigadeiro.html
- ↑ https://www.tasteatlas.com/brigadeiro
- ↑ Viaro, Mário Eduardo (April 2012). «O doce enigma do brigadeiro» [The sweet enigma of the brigadeiro]. Revista Língua Portuguesa (բրազիլական պորտուգալերեն). Editora Segmento. Արխիվացված է օրիգինալից 7 May 2012-ին. Վերցված է 29 May 2021-ին.
- ↑ Motter, Juliana (2010). Livro do Brigadeiro. Panda Books.
- ↑ Cardoso, Barbara (21 July 2016). «A 'brief' Brigadeiro History». Sweet Stone. Վերցված է 29 May 2021-ին.
- ↑ Rezende, Graziela (1 March 2018). «Jovem deixa duas faculdades para 'encontrar seu caminho' e vender doces gourmet em Campo Grande». G1 (բրազիլական պորտուգալերեն). Վերցված է 2018-03-24-ին.
- ↑ «25 receitas com brigadeiro que vão te deixar com água na boca». Guia da Semana.
- ↑ «Muito bem organizadas as manifestações no Dia da Paz» (բրազիլական պորտուգալերեն). Diário de Cuiabá. 11 July 2000. Արխիվացված է օրիգինալից 9 July 2019-ին. Վերցված է 20 August 2019-ին.
- ↑ Mejia, Paula (27 August 2018). «The Political Lore of an Iconic Brazilian Sweet». Atlas Obscura.
- ↑ «Brigadeiro: conheça a história política e curiosa do doce brasileiro». Revista Galileu (բրազիլական պորտուգալերեն). 7 September 2018. Վերցված է 2020-08-24-ին.
- ↑ Meirelles, Pedro von Mengden (2019). «"O mais popular dos doces brasileiros": História crítica do brigadeiro» ["The most popular of Brazilian sweets": Critical history of brigadeiro.]. Revista Aedos (պորտուգալերեն): 330–354. ISSN 1984-5634. Վերցված է 2021-08-28-ին.
Արտաքին հղումներ
 | Վիքիպահեստն ունի նյութեր, որոնք վերաբերում են «Բրիգադեյրու» հոդվածին։ |