Դանիական մշակութային կանոն

Մշակութային կանոն (դան․՝ Kulturkanonen), դանիական մշակույթին արժեք և դանիական մշակութային արժեքների անբաժանելի մաս ճանաչված արվեստի հուշարձանների ցանկ, որը կազմված է 108 կետից։

Մշակութային կանոնի ստեղծումը առաջարկել է Դանիայի մշակույթի նախարար Բրիան Միկելսենը (Brian Mikkelsen) 2004 թվականին։ Նախարարության հովանու տակ 35 մարդուց յոթ ընտրական հանձնաժողով է ստեղծվել։ Նախագծի ղեկավարն է նշանակվել պրոֆեսոր Յորն Լունդը (Jørn Lund)։ 2005 թվականի ապրիլի սկսվել է դանիական արվեստի կարևորագույն աշխատությունների ընտրելու աշխատանքը։ Դրանք ընտրվում էին ճարտարապետություն, դիզայն, գեղանկարչություն, թատրոն, գրականություն, կինեմատոգրաֆ և երաժշտություն կատեգորիաներում։ Բացի այդ մշակվել է երեխաների արվեստին նվիրված առանձին «Մշակութային կանոն»։ Վերջնական ցանկը հրապարակել են 2006 թվականի հունվարի 24-ին։

Մշակութային կանոնի ընտրելու գործընթացը բազմակողմանի քննադատության է ենթարկվել։ Տարբեր կազմակերպություններ առաջարկել են դանիական մշակույթի կարևորագույն նմուշների իրենց ցանկերը։

Աշխատությունների ընդգրկման հիմնական չափանիշն էր նրանց մեծ նշանակությունը դանիական մշակույթի համար։ Այդպես են ցանկի մեջ մտել.

• Սիդնեյի օպերային թատրոնը, որը Ավստրալիայում դանիացի ճարտարապետ է կառուցել։
• Դանիայում պատրաստված, բայց այժմ Գերմանիայի Շլեզվիգ քաղաքում գտնվող Բորդեսհոլմ սեղանի բեմը
• Իռլանդիայում կառուցված, բայց դանիական ֆյորդում գտնված «Skuldelev 2» վիքիգների դրաքարը
• «Ֆլորա Դանիկա», ի սկզբանե դանիական, իսկ հետագայում համասկանդինավյան աշխատություն։

Հայերեն անվանում	Բնօրինակ անվանում	Տեղագրություն	Կառուցման ժամանակ	Ճարտարապետ	Պատկեր
Հովեր եկեղեցի	Hover Kirke	Հովեր ծուխ, Կենտրոնական Յուտլանդիա	12-րդ դար	անհայտ
Գլորուպ ամրոց	Glorup herregård	Սվիննիգե ծուխ, Նյուբորգ, Ֆյուն, Հարավային Դանիա	15-րդ դար, վերակառուցված 1765-ին	Ն.Հ. Ժարդեն
Ֆրեդերիկստադ թաղամաս	Frederiksstaden	Կոպենհագեն	1749	Նիկոլայ Էյտվեդ
Սուրբ Ատվածածին մայր տաճար	Vor Frue Kirke	Կոպենհագեն	1811 - 29	Ս.Ֆ. Հանսեն
Դյուրեհաուեն	Dyrehaven	Կլամպենբորգ, Զելանդիա	1846	Ռուդոլֆ Ռոթհե
Բրումլեբյու	Brumleby	Эстербро, Կոպենհագեն	1854 - 56	Մ.Բ. Բիննեսբյոլ և Վ. Կլյան
Մարիեբյերգ գերեզմանոց	Mariebjerg Kirkegård	Գենտոֆտե, Զելանդիա	1925 - 35	Հ.Ն. Բրանտ
Օրհուսի համալսարան	Aarhus Universitet	Օրհուս	1931	Կայ Ֆիսկեր և այլք
Օրհուսի քաղաքապետարան	Århus Rådhus	Օրհուս	1937 - 42	Առնե Յակոբսեն և Էրիկ Մյոլլեր
«Ֆինգերպլան»	Fingerplanen	Կոպենհագեն	1947	Պետեր Բրեդսդորֆ
Սիդնեյի օպերային թատորն	Sydney Opera House	Սիդնեյ	1957	Յորն Ութզոն
Մեծ Բելտ կամուրջ	Storebæltsbroen	Զելանդիա և Ֆյուն	1991 - 98	Հանս Դիսինգ և Օտտո Վեյտլինգ

• «Մշակութային կանոնի» պաշտոնական կայքը Արխիվացված 2012-05-26 archive.today
• «Մշակութային կանոնը» pdf ձևաչափով(չաշխատող հղում)
• «Berlingske»-ի ալտերնատիվ նախագիծ Արխիվացված 2007-06-09 Wayback Machine
• Կայք «Մշակութային կանոնի» աշխատությունների մասին Արխիվացված 2009-05-01 Wayback Machine
• «Մշակութային կանոնը» Դանիայի թագավորական գրադարանում