Զաբուր

Զաբուր
Տեսակ	կրոնական գիրք և գրական ստեղծագործություն
Ժանր	Իսլամական գրականություն
Հեղինակ	God in Islam?
Նախորդ	Թաուրաթ և Scrolls of Moses?
Հաջորդ	Ինժիլ
Zabur

Զաբուրը (արաբ․՝ زبور) Սուրբ Գիրք է, որն ուղարկվել է իսլամական մարգարե Դավուդին (Դավիթ)։ Հիշատակվում է Ղուրանում^[1]։

Իսլամում Զաբուրը համարվում է Ալլահի կողմից ուղարկված Թաուրաթից հետո երկրորդ Սուրբ Գիրը։ Զաբուրը ամենափոքր աստվածային գիրքն է։

Ի տարբերություն Թաուրաթի և Ղուրանի, Զաբուրը չի պարունակում նոր կրոնական պատվիրաններ^[2]։

Դավուդ մարգարեն առաջնորդվում էր Մուսայի շարիաթով, իսկ Զաբուրը կոչված էր Մուսայի շարիաթը ավելի ամրապնդելու համար։ Զաբուրի բանաստեղծությունները (սաղմոսները) գրված են բանաստեղծական ոճով^[3]։

Շատ իսլամական աստվածաբաններ համարում են Զաբուրը Սաղմոսարան^[2]։

Արաբական zabūr բառը նշանակում է «գիրք» «մակագրություն» կամ «գրվածք»։

Զաբուրի «Սաղմոս» այլընտրանքային իմաստի ծագումն այն է, որ դա եբրայերեն զիմրահին (եբր.՝ זִמְרָה) է, որը նշանակում է «երգ, երաժշտություն» կամ սիփուր (եբր.՝ סִפּוּר), այսինքն՝ «պատմություն»։

Քրիստոնյա ջատագով Կարլ Գոթլիբ Պֆանդերը ենթադրում է, որ Ղուրանի հղումն իրականում վերաբերում է հրեական սուրբ գրությունների երրորդ բաժնին, որը հայտնի է որպես սուրբ գրություններ կամ Կետուվիմ. հրեական սուրբ գրքերի ավելի լայն խմբի, որը ներառում է սաղմոսները և հրեական գրականության և պոեզիայի այլ հավաքածուները։