Էմիլիանո Արմենտերոս

Էմիլիանո Արմենտերոս
Ծնվել էհունվարի 18, 1986(1986-01-18)[1][2] (39 տարեկան)
ԾննդավայրMonte Grande, Բուենոս Այրես, Արգենտինա
Քաղաքացիություն Արգենտինա և  Իտալիա
Մասնագիտությունֆուտբոլիստ

էմիլիանո Դանիել Արմենտերոս (իսպ.՝ Emiliano Daniel Armenteros, հունվարի 18, 1986(1986-01-18)[1][2], Monte Grande, Բուենոս Այրես, Արգենտինա), արգենտինացի ֆուտբոլիստ, կիսապաշտպան։

Կենսագրություն

Ակումբային կարիերա

Արմենտերոսը ֆուտբոլով սկսել է զբաղվել «Բանֆիլդ» ակումբում։ Այս ակումբի կազմում նա դեբյուտ կատարեց Արգենտինայի առաջնությունում 17 տարեկանում։ 2005 թվականին «Ինդեպենդիենտե»-ն Էմիլիանոյին գնեց մոտ 1 միլիոն դոլարով։ «Կարմիր սատանաների» կազմում անցկացրած երկու մրցաշրջանների ընթացքում Արմենտերոսը դարձավ հիմնական կազմի խաղացող՝ չնայած իր երիտասարդ տարիքին։

2007 թվականին Էմիլիանոն վարձակալության իրավունքով տեղափոխվել է իսպանական «Սևիլիա»՝ մրցաշրջանի վերջում գնման իրավունքով։ Առաջին մրցաշրջանում նա խաղացել է ակումբի երկրորդ թիմի կազմում՝ իսպանական երկրորդ դիվիզիոնում՝ դառնալով թիմի առանցքային խաղացողներից մեկը։ «Սևիլիայի» կազմում Արմենտերոսը դեբյուտ կատարեց Իսպանիայի առաջնությունում 2008 թվականի հոկտեմբերի 19-ին՝ խաղալով 15 րոպե «Ալմերիայի» դեմ արտագնա խաղում (1:0)։ Այդ մրցաշրջանում Էմիլիանոն ևս 2 անգամ դուրս եկավ խաղադաշտ, իսկ«Նումանսիայի» դեմ խաղում (2:0) Արմենտերոսը խփեց իր առաջին գոլը իսպանական Պրիմերայում[3]:

2009 թվականին Արմենտերոսը վարձակալությամբ տեղափոխվեց Լա Լիգայի նորեկ «Խերես»[4]: Հոկտեմբերի 4-ին Էմիլիանոն իր առաջին գոլը խփեց թիմի կազմում՝ «Մալագայի» դեմ տնային խաղում (1:1)[5], այսպիսով նշելով իր առաջին երեխայի՝ Սոֆյայի ծնունդը[6]: Արդյունքում «Խերես»-ը զբաղեցրեց վերջին տեղը և անցավ երկրորդ դիվիզիոն։

2010 թվականի հուլիսի 15-ին Էմիլիանոն վարձակալությամբ տեղափոխվեց իսպանական երկրորդ դիվիզիոնի «Ռայո Վալեկանո» ակումբ։ Մրցաշրջանի ընթացքում Արմենտերոսը դարձավ թիմի առաջատարներից մեկը՝ խփելով 20 գոլ։ 2010 թվականի նոյեմբերի 20-ին «Պոնֆերադինայի» դեմ խաղում Էմիլիանոն հեթ-տրիկ գրանցեց[7]: Մրցաշարի արդյունքներով մադրիդյան արվարձանի թիմը գրավեց 2-րդ տեղը և ութ տարվա ընդմիջումից հետո վերադարձավ էլիտար դիվիզիոն։

2012 թվականի ամռանը մայրաքաղաքային թիմի կազմում անցկացրած մրցաշրջանից հետո Արմենտերոսը ազատ գործակալի կարգավիճակով տեղափոխվեց «Օսասունա»՝ նրա հետ կնքելով եռամյա պայմանագիր[8]:

2014 թվականին տեղափոխվել է մեքսիկական «Չիապաս» ակումբ։

2016/17 մրցաշրջանում վարձավճարով հանդես է եկել «Սանտոս Լագունայի» կազմում։

Միջազգային կարիերա

Արմենտերոսը հանդես է եկել Արգենտինայի երիտասարդական հավաքականում և ընդգրկվել է 2005 թվականին Նիդերլանդներում կայացած աշխարհի երիտասարդական առաջնությանը մեկնող թիմի կազմում։ Մրցաշարում, որը հաղթեց Արգենտինայի հավաքականը, Էմիլիանոն մասնակցել է յոթ խաղից հինգին[9]:

Ձեռքբերումներ

  • Երիտասարդների աշխարհի չեմպիոն 2005


Ծանոթագրություններ

  1. ↑ 1,0 1,1 FBref.com(բազմ․)
  2. ↑ 2,0 2,1 Արգենտինական ֆուտբոլի տվյալների շտեմարան (իսպ.)
  3. ↑ «Numancia 0-2 Sevilla FC» (անգլերեն). ESPN FC. 2009-05-31. Արխիվացված է օրիգինալից 2012-12-17-ին.
  4. ↑ «El Xerez anuncia el fichaje de Emiliano Armenteros» (իսպաներեն). Marca. 2009-08-04. Արխիվացված է օրիգինալից 2012-12-17-ին.
  5. ↑ «Win continues to elude Xerez» (անգլերեն). ESPN FC. 2009-10-04. Արխիվացված է օրիգինալից 2012-12-17-ին.
  6. ↑ «Felicitación a Armenteros» (իսպաներեն). Официальный сайт ФК «Херес». 2009-10-27. Արխիվացված է օրիգինալից 2013-05-27-ին.
  7. ↑ «Armenteros con un hat-trick guía al Rayo en la victoria» (իսպաներեն). Diario AS. 2010-11-20. Արխիվացված է օրիգինալից 2012-12-17-ին.
  8. ↑ «Эмилиано Арментерос перешел в «Осасуну»» (ռուսերեն). Eurosport.ru. 2012-07-06. Արխիվացված է օրիգինալից 2012-12-17-ին.
  9. ↑ «Emiliano Armenteros» (անգլերեն). FIFA. Արխիվացված է օրիգինալից 2012-12-17-ին.

Արտաքին հղումներ