Էրոզիա (մետաղներ)

Մետաղների էրոզիան մետաղե շինվածքների մակերևույթի աստիճանական քայքայումն է գազի կամ հեղուկի հոսքում, ինչպես նաև մեխանիկական ներգործությունների կամ էլեկտրական լիցքերի ազդեցությամբ։ Մետաղների էրոզիան ֆիզիկական և ֆիզիկաքիմիական կոմպլեքս պրոցես է, որն ընթանում է շրջապատող միջավայրի, օքսիդացման, մակակոփման, ջերմաստիճանային ու մնացորդային լարումների, փխրուն և հոգնածային քայքայման ազդեցության հետևանքով։ Նրա նկատմամբ մետաղների դիմադրության բարձրացումը կարևոր խնդիր է տեխնիկայի բազմաթիվ բնագավառների համար և կատարվում է շատ կարծր, դժվարահալ ու բավականաչափ պլաստիկ մետաղների ընտրությամբ, ամրանավորմամբ և այլ եղանակներով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 97)։