Ժողովրդավարական երիտասարդության համաշխարհային ֆեդերացիա

Ժողովրդավարական երիտասարդության համաշխարհային ֆեդերացիա;
Տեսակ	երիտասարդական կազմակերպություն, Միջազգային կազմակերպություն և հասարակական կազմակերպություն
Հիմնադրված	նոյեմբերի 10, 1945
Գաղափարախոսություն	Հակաիմպերիալիզմ և հակակապիտալիզմ
Քաղաքական հայացք	ձախ ուժեր
Շտաբ	Բուդապեշտ, Հունգարիա
Կայք	wfdy.org
	World Federation of Democratic Youth Վիքիպահեստում

Ժողովրդավարական երիտասարդության համաշխարհային ֆեդերացիա (անգլ.՝ World Federation of Democratic Youth, WFDY), երիտասարդական միջազգային ձախամետ կազմակերպություն։

Պատմություն

ԺԵՀՖ-ն հիմնադրվել է 1945 թվականի նոյեմբերի 10-ին Լոնդոնում։ Միավորելով տարբեր երկրների զգալի թվով կոմերիտական կազմակերպություններ՝ ԺԵՀՖ-ն համարվում է 1943 թվականին լուծարված Երիտասարդության կոմունիստական Ինտերնացիոնալի գործի շարունակողը։

1947 թվականից ԺԵՀՖ-ը Երիտասարդության և ուսանողների համաշխարհային փառատոնի կազմակերպիչն է։

1958 թվականին ֆեդերացիային առընթեր ստեղծվել է ՍԻՄԵԱ-ն (ֆր.՝ CIMEA)՝ Մանկական և պատանեկան կազմակերպությունների միջազգային կոմիտեն։

Մինչ 1960-ական թվականները ԺԵՀՖ-ն միավորել է շուրջ 300 կազմակերպությունների աշխարհի 115 երկրներից, որոնք համախմբել են 101 մլն պատանիների ու աղջիկների^[1]։ Խորհրդային Միությունից ԺԵՀՖ-ի կազմում ընդգրկվել են ՀամԼԿԵՄ-ի և ԽՍՀՄ երիտասարդական կազմակերպությունների կոմիտեի ներկայացուցիչները։

Ֆեդերացիան ծաղկում է ապրել 1960-1980-ական թվականներին։ ԽՍՀՄ փլուզումից հետո այն ճգնաժամ է ապրել, բայց շարունակում է նախկինի պես միավորել տասնյակ երիտասարդական կազմակերպությունների աշխարհի տարբեր երկրներից։

2015 թվականի դրությամբ՝ ԺԵՀՖ-ն միավորում է 80 կազմակերպություններ 65 երկրներից^[2]։

ԺԵՀՖ շտաբ-բնակարանը գտնվում է Բուդապեշտում։

Նպատակներ

ԺԵՀՖ հայտարարված նպատակն է տարբեր երիտասարդական կազմակերպությունների համախմբումն իմպերիալիզմի և ռեակցիայի դեմ պայքարում, հանուն խաղաղության, ժողովրդավարության, ազգային անկախության, ի պաշտպանություն երիտասարդների քաղաքական, սոցիալական և տնտեսական իրավունքների և շահերի։