Իննովկենտիոս III (հակապապ)

Իննովկենտիոս III
Մասնագիտություն	կաթոլիկ քահանա
Ծնունդ	մոտ 1110 Սեցե, Լատինա, Լացիո, Իտալիա
Մահ	մոտ 1183 Կավա դե Տիրենի, Սալեռնո, Կամպանիա, Իտալիա

Իննովկենտիոս III (լատին․՝ Innocentius Tertius, մոտ 1110, Սեցե, Լատինա, Լացիո, Իտալիա - մոտ 1183, Կավա դե Տիրենի, Սալեռնո, Կամպանիա, Իտալիա), Հռոմի Կաթոլիկ եկեղեցու հակապապ, որը կառավարել է 1179-1180 թվականներին։ Աշխարհիկ անունը՝ Լանդո Դի Սեցա։ Ալեքսանդր III պապի կառավարման ժամանակաշրջանի չորս հակապապերից վերջինն էր։

Իննովկենտիոս III պապը սերում է գերմանական ծագում ունեցող ընտանիքից։ 1179 թվականի սեպտեմբերի 29-ին մի խումբ ընդդիմադիրներ, որոնք չէին ընդունում Ալեքսանդր III պապին, Լանդո դի Սեցեին ընտրում են պապ։ Նա հաստատվում է Հռոմից ոչ հեռու մի փոքր ամրոցում, որը ստացել էր իր եղբորից՝ Վիկտոր IV հակապապից։ Ընտրությունից մի քանի ամիս անց նա հրաժարվում է գահից և 1180 թվականին մահանում է Լա-Կավա վանքում։

1179 թվականին Ալեքսանդր III պապի թշնամիները ստիպում են նրան փախչել Հռոմից։ Սակայն շատ եվրոպական երկրներ որպես պապ ընդունում էին նրան, իսկ նորընտիր՝ Իննովկենտիոս III-ին սատարում էր Ֆրիդրիխ I Բարբարոսա կայսրը։

Հռոմում նրա աջակիցները եղել են հռոմեական հզոր Տուսկուլում ընտանիքները, ովքեր նաև աջակցում էին նախորդ երկու հակապապերին ՝Վիկտոր IV-ին և նրա հաջորդ Պասքալիս III-ին։ Վերջինիս եղբայրը՝ Վիկտոր IV-ը, Լանդոյին տալիս է մի ամրոց Պալոմբարայում, որպեսզի այնտեղ նա պաշտպանվի Ալեքսանդր III-ի կողմնակիցներից։ Մի քանի ամիս անց կարդինալ Հուգոն կաշառելով պահակներին՝ ներխուժում է ամրոց։ Իննովկենտիոս III-ն ու նրա կողմնակիցները փակվում են Լա Կավա վանքում 1180 թվականին։

• Հռոմի պապերի ու հակապապերի ցանկ
• Հակապապ

• «Иннокентий III» (անգլերեն). Encyclopædia Britannica. Արխիվացված է օրիգինալից 2012 թ․ մայիսի 24-ին. Վերցված է 2012 թ․ փետրվարի 23-ին.

դ ք խ Հռոմի Կաթոլիկ եկեղեցու հակապապեր Նատալիուս • Հիպողիտոս • Նովատիանոս • Փելիքս II • Ուրսինոս • Եվլալիոս • Լավրենտիոս • Դիոսկորոս • Թեոդորոս • Պասքալիս • Կոստանդինոս II • Փիլիպպոս • Հովհաննես VIII • Անաստաս • Քրիստափոր • Բոնիփակիոս VII • Դոմն II • Հովհաննես XVI • Գրիգոր VI • Բենեդիկտոս X • Ոնորիոս II • Կղեմես III • Թեոդորիկ • Ալբերտոս • Սեղբեսարոս IV • Գրիգոր VIII • Կելեստինոս II • Անակղետոս II • Վիկտոր IV • Վիկտոր IV II • Պասքալիս III • Կալիստոս III • Իննովկենտիոս III • Գրիգոր XI • Նիկողայոս V • Կղեմես VII • Բենեդիկտոս XIII • Ալեքսանդր V • Հովհաննես XXIII • Կղեմես VIII • Բենեդիկտոս XIV • Բենեդիկտոս XIV II • Փելիքս V

Բառարաններ և հանրագիտարաններ Բրիտանիկա (11-րդ) · Բրիտանիկա · Բրոքհաուս · Իտալացիների կենսագրական բառարան Չափորոշչային վերահսկողություն GND: 100948154 · VIAF: 52047124 · WorldCat VIAF: 52047124