Լիլիան Ստայլզ-Ալեն

Լիլիան Ստայլզ-Ալեն
Ծնվել էհուլիսի 28, 1896(1896-07-28)
Մահացել էհուլիսի 15, 1982(1982-07-15) (85 տարեկան)
Քաղաքացիություն Միացյալ Թագավորություն
ԿրթությունԳիլդհոլի երաժշտության և թատրոնի դպրոց
Մասնագիտություներգչուհի

Լիլիան Ստայլզ-Ալեն (հուլիսի 28, 1896(1896-07-28) - հուլիսի 15, 1982(1982-07-15)), 20-րդ դարակեսի բրիտանացի սոպրանո։

Վաղ կյանք

Լիլիան Էլիզաբեթ Ալենը ծնվել է Լոնդոնի Ուեստ Էնդի Մարիլեբոն թաղամասում[1] 1890 թվականին[2] և հետագայում վերցրել նաև մոր օրիորդական ազգանունը[3]։

Երաժշտական կրթությունն ստացել է թատրոնի ու երաժշտության գիլդհոլյան դպրոցում, որտեղ 1909 թվականին արժանացել է կոնտրալտոների համար նախատեսված շերիֆի մրցանակին, հետո նաև Վիեննայում՝ լրջորեն ուսումնասիրելով լիդ ժանրը[4]։

Կարիերա

Կարիերան հիմնականում ծավալել է համերգային բեմերում, քանի որ կազմվածքը հարմար չէր օպերային ներկայացումներում հանդես գալու համար։ Թատերական առաջին դերակատարումը եղել է 1919 թվականին բեմադրված «Eastward Ho!» կոմեդիայում[5]։

1920-ական թվականներին հայտնի էր որպես կայացած համերգային սոպրանո։ Ելույթ է ունեցել Բյուրեղապակյա պալատում տեղի ունեցած հենդելյան փառատոնին[6], Արթուր Սալլիվանի «Ոսկե լեգենդ» կանտատայում[7], «Մեսսիայում»[8][9], Վերդիի «Ռեքվիեմում»[10], Բեթովենի «Սիմֆոնիա № 9»-ում[11], Հենդելի «Սողոմոնում»[12], Սեմյուել Քոլրիջ-Թեյլորի «Հայավաթայի երգեր»-ում[13] և Մենդելսոնի «Էլիջա» օրատորիայում[14]։

Ի հավելումն ստանդարտ երգացանկի՝ կատարել է նաև Առնոլդ Շյոնբերգի «Gurre-Lieder»-ը[15], Ֆրեդերիկ Դիլիուսի «A Mass of Life» կանտատը[16], Գուստավ Մալերի «8-րդ սիմֆոնիան»[17]։

1938 թվականի հոկտեմբերի 5-ին Ռալֆ Վոան Ուիլյամսի «Serenade to Music» ստեղծագործության 16 սկզբնական կատարողներից մեկն էր․ ստեղծագործությունը վերաթողարկվել է խտասկավառակի տարբերակով։

Թեև արտաքնապես հարմար չէր օպերային բեմում ելույթ ունենալու համար, Ստայլզ-Ալենը BBC հեռարձակումների համար հանդես է եկել առաջատար օպերային դերերգերի ստուդիական կատարումներով, այդ թվում՝ Հենդելի «Ռոդելինդան» ու Գլյուկի «Արմիդեն»[18][19]։

«Էդիսոն Բել» ձայնագրման անգլիական ընկերության համար կատարել է մի շարք օպերային արիաների ձայնագրություններ (մի մասն իտալերենով), օրատորիական մեներգերի ու երգերի ձայնագրություններ։ Սրանց մեծ մասը բավականին հազվագյուտ են և խտասկավաառակների վրա դեռ չեն թողարկվել։

Նրա աշակերտների թվում էր, ի թիվս այլոց, նաև Ջուլի Էնդրյուսը[3]։

Վախճանվել է Անգլիայի Կենտ կոմսության Թանբրիջ Վելս քաղաքում[3]։

Ծանոթագրություններ

  • The Times Digital Archive - InfoTrac Web. (Accessed 3 July 2007) (requires subscription)
  1. ↑ Speaking on Desert Island Discs in 1971
  2. ↑ GRO Death Index, Jul-Aug-Sep 1982
  3. ↑ 3,0 3,1 3,2 The Times, 17 July 1982
  4. ↑ The Times, 31 July 1909.
  5. ↑ The Times, 21 October 1919.
  6. ↑ The Times, 20 June 1923
  7. ↑ The Times, 8 March 1926
  8. ↑ The Times, 29 March 1926
  9. ↑ The Times, 19 December 1927
  10. ↑ The Times, 13 November 1926
  11. ↑ The Times, 8 October 1927
  12. ↑ The Times, 23 March 1928
  13. ↑ The Times, 1 June 1928
  14. ↑ The Times, 30 November 1936
  15. ↑ The Times, 20 January 1928
  16. ↑ The Times, 12 December 1946
  17. ↑ The Times, 9 February 1938
  18. ↑ The Times, 22 February 1928
  19. ↑ The Times, 16 April 1928