Կաապեր

Կաապեր
Ծննդյան օր՝	մ.թ.ա. 26-րդ դար
Վախճանի օր՝	ենթդ․ մ.թ.ա. 26-րդ դար

Կաապեր^[1] կամ Կա-ապեր^[2] ( եգիպ.՝ k3 ʿpr ), որը նաև հայտնի է որպես Շեյխ էլ-Բելեդ («Գյուղապետ»), հին եգիպտացի գրագիր և քուրմ, ով ապրել է 4-5 - րդ դինաստիաների վերջում (մոտ 2500 մ.թ.ա.): Չնայած իր ցածր դիրքին՝ նա հայտնի է իր լավ մշակված փայտե արձանով։

Կաապերի կյանքի մասին քիչ բան է հայտնի։ Նրա տիտղոսները ներառում էին «հերիհեբ» ( եգիպ.՝ ẖrj-ḥ3b-ḥr.j-tp ) և «փարավոնի բանակային գրագիր» (կարող է կապված լինել Պաղեստինում ինչ-որ ռազմական արշավանքի հետ)^[1]։

Նրա մաստաբան («Saqqara C8») 1860 թվականին հայտնաբերել է Օգյուստ Մարիետը Սակկարա նեկրոպոլիսում՝ Ջոսերի աստիճանային բուրգից հյուսիս։ Պեղումների ժամանակ արձանը հայտնաբերած եգիպտացի բանվորները ըստ երևույթին, տպավորված նրա ռեալիզմով, անվանել են այն Շեյխ էլ-Բելեդ ( արաբերեն ՝ «Գյուղապետ»)՝ տեսնելով արձանի նմանությունը տեղի ավահի հետ^[1][2]: 112 սմ բարձրությամբ արձանը փորագրված է սիկամորի փայտից (լատին․՝ Fícus sycómorus) և ներկայումս ցուցադրվում է Կահիրեի եգիպտական թանգարանում (CG 34): Արձանը պատկերում էգեր մարդու, որը քայլում է գավազանը ձեռքին։ Կլոր, հանգիստ դեմքը բնական տեսք ունի աչքերը պատրաստված են ժայռաբյուրեղից և փոքր պղնձե թիթեղներից^[2]: Աչքի վրա սպիտակ բիծը կարող է լինել կատարակտի մասին առաջին հիշատակումը բժշկական պատմության մեջ^[3]:

Այս արձանը 4-րդ դինաստիայի վերջում ձեռք բերված ռեալիստական կատարման բարձր մակարդակի հմտության օրինակ է: Նույն մաստաբաjում հայտնաբերված կնոջ փայտե արձանը (CG 33) կարող էր պատկանել Կաապերի կնոջը^[1]։

• Հին եգիպտական արվեստ
• Հին Եգիպտոսի քանդակ

• Vandersleyen, Claude I. La Date du Cheikh el-Beled (անգլ.)// Journal of Egyptian Archaeology : journal. — 1983. — Vol. 69.