Հրանտ Թոխատյան

Հրանտ Արամի Թոխատյան
Ծնվել է	հունվարի 10, 1958(1958-01-10) (67 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Վ․ Բրյուսովի անվան պետական համալսարան
Քաղաքացիություն	ԽՍՀՄ,  Հայաստան
Մասնագիտություն	դերասան, կինոպրոդյուսեր, հնչյունավորող, կատակերգու և հեռուստատեսային դերասան
Աշխատավայր	Շարմ Հոլդինգ, Հայաստանի Հանրային Հեռուստաընկերություն, Արմենիա Թի-Վի, Առաջին ալիք և Շանթ հեռուստաընկերություն
Ամուսին(ներ)	Լուիզա Ներսիսյան և Իրինա Դանիելյան
Պարգևներ և մրցանակներ	և Հայաստանի ժողովրդական արտիստ

Հրանտ Արամի Թոխատյան (հունվարի 10, 1958(1958-01-10), Երևան, Հայկական ԽՍՀ, ԽՍՀՄ), հայ դերասան, մշակութային գործիչ, 1995 թվականից «Շարմ Հոլդինգ» ՍՊԸ տնօրենն է։ Հայաստանի ժողովրդական արտիստ (2015)^[1]:

Հրանտ Թոխատյանը ծնվել է Արամ և Եվգենյա Թոխատյանների ընտանիքում։ Հայրը մասնագիտությամբ 1-ին դասի ավտոմեխանիկ էր, ավտոռալլիստ, իսկ մայրը՝ անտառային տնտեսության ինժեներ։ Նախկին ամուսնություններից Թոխատյանն ունի երկու որդի։ Ներկայիս կինը Երևանի կամերային թատրոնի դերասանուհի Լուիզա Ներսիսյանն է։ Նրանք ունեն մեկ դուստր՝ Լիլիթը։

1976-1981 թվականներին սովորել է Երևանի Վալերի Բրյուսովի անվան պետական լեզվաբանական ինստիտուտի ռուսաց լեզվի և գրականության ֆակուլտետում։ Ավարտելուց հետո որպես ռուսաց լեզվի և գրականության ուսուցիչ աշխատել է Օշականում։

1976 թվականին հրավիրվել է Կամերային թատրոն, որտեղ և աշխատել է 15 տարի։ 1991 թվականին Ռուբեն Ջաղինյանի և Կարեն Ղազարյանի հետ համատեղ հիմնադրել է «ՇԱՐՄ» ընկերությունը, որի տնօրենն է առ այսօր։

1976 թվականին հրավիրվել է Երևանի Կամերային թատրոն, որտեղ և աշխատել է 15 տարի։ 1980-ականներին աշխատել է Օշականի Մեսրոպ Մաշտոցի անվան միջնակարգ դպրոցում որպես ռուսաց լեզվի ուսուցիչ։ 1991 թվականին Ռուբեն Ջաղինյանի և Կարեն Ղազարյանի հետ համատեղ հիմնադրել է «ՇԱՐՄ» ընկերությունը, որի տնօրենն է առ այսօր։ 2013-2016 թվականներին ՀՀԿ խմբակցությունից եղել է Երևանի ավագանու անդամ։

Հրանտ Թոխատյանը ներկայումս ակտիվորեն հանդես է գալիս կինոյում և թատերական ներկայացումներում՝ համագործակցելով հայ և օտարերկրացի ռեժիսորների, պրոդյուսերների, թատերական գործիչների և կինոընկերությունների հետ։ Թոխատյանը բուռն գործունեություն է ծավալում ոչ միայն հայրենիքում, այլև արտերկրում։ Զուգահեռաբար դերասանը մասնակցում է նաև բարեգործական և հայրենանվեր նախագծերին, որոնց թվում են «Նվիրի'ր կյանք» բարեգործական հիմնադրամի լայնածավալ ակցիան, «Հայաստան» համահայկական հիմնադրամի կողմից կազմակերպվող ամենամյա մարաթոնը, ինչպես նաև Հայկ Մարությանի և Վազգեն Ասատրյանի հետ միասին նախաձեռնած ճանապարհաշինական աշխատանքները Արցախի Մարտակերտի շրջանի Հաթերք սահմանամերձ գյուղում և այլն։ Հրանտ Թոխատյանը ակտիվորեն մասնակցում է երկրի հասարակական կյանքին, Երևանի շենք-շինությունների պահպանությանն ուղղված նախաձեռնության անդամ է։ Իսկ երեխաների նկատմամբ ունեցած սիրով պայմանավորված է Թոխատյանի առաջնահերթ նպատակը՝ Երևանում ստեղծել մանկական թատրոն։

• «Մեր պապերի քայլերգը», գեղարվեստական կինոնկար (1981)
• «Կամոյի մենախոսությունը», գեղարվեստական կինոնկար (Մոսկվա) (1987)
• «Մեր բակը», գեղարվեստական կինոնկար (1996)
• «Մեր բակը 2», գեղարվեստական կինոնկար (1998)
• «Քանի դեռ կամ», վավերագրական ֆիլմ (2000)
• «Բանդա», կատակերգական սկետչեր (2000)
• «Մեր այբբենարանը», մանկական ուսուցողական ֆիլմաշար (2000-2006 )
• «Իմ մեծ հայկական հարսանիքը», գեղարվեստական կինոնկար («Մոսֆիլմ» կինոստուդիա) (2004)
• «Հայկական տարբերակ», հեռուստածրագիր, Հայաստանի հանրային հեռուստաընկերություն (2005-2006 )
• «Մեր բակը 3», գեղարվեստական կինոնկար (2005)
• «100 տարբերակ», հեռուստախաղ, Հայաստանի հանրային հեռուստաընկերություն (2006-2007 )
• «Մեծ պատմություն փոքր քաղաքում», գեղարվեստական կինոնկար (2006)
• «Երկու աստղ», հեռուստաշոու, Հայաստանի հանրային հեռուստաընկերություն (2007)
• «Մեր այբբենարանը», հեռուստասերիալ, Արմենիա հեռուստաընկերություն (2009)
• «Տաքսի «Էլի լավ ա»», գեղարվեստական կինոնկար (2009)
• «Մեր բակը», հեռուստասերիալ, Արմենիա հեռուստաընկերություն (2010)
• «Կորած մոլորվածը Հայաստանում», գեղարվեստական կինոնկար (2012)
• «Անահիտ», անիմացիոն մուլտֆիլմ (2014)
• «Օլիմպիկոս», անիմացիոն մուլտֆիլմ (2020)
• «Մեր բակը» 25 տարի անց, գեղարվեստական կինոնկար (2021)

• «Հայկական ռադիո», հեռուստածրագիր, ՍՏՍ հեռուստաալիք (2002)
• «Պապ-005», գեղարվեստական կինոնկար (2013)
• «Վերջին Մոհիկյանը», հեռուստասերիալ, ՍՏՍ հեռուստաալիք (2013-2015 )
• «Առանց սահմանների», գեղարվեստական կինոնկար (2015)
• «Հրաշքների աշխարհ», գեղարվեստական կինոնկար (2016)
• «Երկրաշարժ», գեղարվեստական կինոնկար (2016)
• «Ամեն ինչ տղամարդկանց մասին» գեղարվեստական կինոնկար (2016)
• «Հարձակում», հեռուստասերիալ, Ռուսական Առաջին հեռուստաալիք (2016)
• «Ռեյդ», հեռուստասերիալ, Ռուսական Առաջին հեռուստաալիք (2017-2021 )
• «Իվանովս-Իվանովս» հեռուստասերիալ, ՍՏՍ հեռուստաալիք (2017-2021 )
• «Ինչպես ես դարձա ռուս», գեղարվեստական կինոնկար (2019)
• «Ռոբո», գեղարվեստական կինոնկար (2019)
• «Ցտեսություն, Ամերիկա», գեղարվեստական կինոնկար (2020)

• «Գայլը և յոթ ուլիկները, կամ մեկ անգամ ևս այծերի մասին» (1977)
• «Նազար, Նազար մինչև վերջ» (1977)^[2]
• «Կառավարական համերգ» (1977)
• «Պարոնայք, ամեն ինչ կործանվում է, բայց դեռ կարելի է ապրել և զվարճանալ» (1978)
• «Երևանյան օրերի խրոնիկա» (1980)
• «Հերոսիմա» (1983)
• «Համլետ» (1983)
• «Հայք» (1989)
• «Կաբարե» (1990)
• «Խա - աբալադա» (1996)
• «Mea Culpa - Իմ մեղքը» (2002)^[3]
• «Օպերա, օպերա» (2008)^[4]
• «Ժանգոտ բանալին» (2009)^[5]
• «Դոն Ժուան Ավիա» (2009)^[6]
• «Դոն Ժուանները Մարսելում» (2010)

• Միջազգային երիտասարդական փառատոն (1985)
• Միջազգային - ատերական փառատոն (Նանտ, Ֆրանսիա) (1989)

• 1985 - Երիտասարդության և ուսանողության համաշխարհային փառատոնի դափնեկիր
• 1989 - Le Theatre Դյու Մոնդ Միջազգային - ատերական փառատոնի 2-րդ մրցանակ
• Արցախի Հանրապետության նախագահի պատվոգիր
• Արցախի Հանրապետության պաշտպանության նախարարի պատվոգիր
• 2002 - Եգիպտոսի մանկական զվարճալի ֆիլմերի փառատոնի պատվավոր դիպլոմ
• 2006 - Հայաստանի վաստակավոր արտիստի կոչում^[7]
• 2008 - Հայաստանի պաշտպանության նախարարության «Անդրանիկ Օզանյան» մեդալ
• 2009 - «Մեսրոպ Մաշտոց» շքանշան
• 2010 - Հայաստանի պաշտպանության նախարարության «Վազգեն Սարգսյան» մեդալ
• 2015 - Հայաստանի ժողովրդական արտիստի կոչում
• 2015 - Արցախի Հանրապետության նախագահ Բակո Սահակյանի կողմից շնորհված Երախտագիտության մեդալ “Հայաստան” համահայկական հիմնադրամի միջոցառումների կազմակերպման գործում ունեցած ավանդի համար
• 2016 - “Կարմիր Բերետներ 5165” ռազմահայրենասիրական համահայկական կազմակերպության կողմից շնորհված պատվոգիր

• Հրանտ Թոխատյանը zarkfoundation.com կայքում

Վիքիպահեստն ունի նյութեր, որոնք վերաբերում են «Հրանտ Թոխատյան» հոդվածին։

Թեմատիկ կայքեր Internet Movie Database Բառարաններ և հանրագիտարաններ Հայազգ Չափորոշչային վերահսկողություն LCCN: no2019114302 · VIAF: 4749156565754623500009 · WorldCat VIAF: 4749156565754623500009