Միմի Ուոլթերս

Միմի Ուոլթերս
 
Կուսակցություն՝ ԱՄՆ Հանրապետական կուսակցություն
Կրթություն՝ Լոս Անջելեսի կալիֆոռնյան համալսարան (1984)[1] և Dana Hills High School?
Մասնագիտություն՝ բորսային միջնորդ, քաղաքական գործիչ, վաճառող և գործադիր տնօրեն
Ծննդյան օր մայիսի 14, 1962(1962-05-14) (62 տարեկան)
Ծննդավայր Փասադենա, Լոս Անջելես շրջան, Կալիֆոռնիա, ԱՄՆ[1]
Քաղաքացիություն  ԱՄՆ
 
Կայք՝ walters.house.gov

Մարիան Էլեյն «Միմի» Ուոլթերս (մայիսի 14, 1962(1962-05-14), Փասադենա, Լոս Անջելես շրջան, Կալիֆոռնիա, ԱՄՆ[1]), ամերիկացի գործարար կին և քաղաքական գործիչ։ ԱՄՆ հանրապետական կուսակցության անդամ է, 2015-2019 թվականներին Կալիֆոռնիայի 45-րդ շրջանից Կոնգրեսում ԱՄՆ ներկայացուցիչն էր։

Նախքան իր թեկնածությունը առաջադրելը, Ուոլթերսը 1988-1995 թվականներին եղել է ներդրումային բանկիր և զբաղեցրել է Լագունա Նիգուելի ներդրումների և բանկային հանձնաժողովի նախագահի պաշտոնը[2][3]։ Այնուհետև 1996-2004 թվականներին նա երկու ժամկետով ընտրվել է Լագունա Նիգուելի քաղաքային խորհրդում, իսկ 2004-2008 թվականներին ներկայացրել է Կալիֆոռնիայի նահանգային ասամբլեայի 73-րդ ընտրատարածքը։ Հետագայում նա ընտրվել է Կալիֆոռնիա նահանգի սենատ՝ ներկայացնելով սենատի 33-րդ շրջանը 2008-2012 թվականներին և սենատի 37-րդ շրջանը 2012-2015 թվականներին։

Ուոլթերսը ընտրվել է 2014 թվականին ԱՄՆ Ներկայացուցիչների պալատում Կալիֆոռնիայի 45-րդ ընտրատարածքը ներկայացնելու համար, իսկ 2016 թվականին նա վերընտրվել է։ Առաջադրվել է երրորդ ժամկետի համար 2018 թվականի միջանկյալ ընտրություններում, սակայն պարտվել է դեմոկրատ Քեթի Փորթերին[4]։

Վաղ կյանք և կրթություն

Ուոլթերսը ծնվել է 1962 թվականին Կալիֆոռնիա նահանգի Փասադենա քաղաքում։ Ուոլթերսի հայրը Տրիստան Կրոգիուսն է[5]։ 1980 թվականին Ուոլթերսը ավարտել է Դանա Հիլզի ավագ դպրոցը, իսկ 1984 թվականին Լոս Անջելեսի կալիֆոռնյան համալսարանում ստացել է հումանիտար գիտությունների բակալավրի կրթական աստիճան քաղաքագիտության ոլորտում[6]։

Կարիերա

1988-1995 թվականներին Ուոլթերսը եղել է ներդրումային բանկիր[3]։ Նա եղել է «Drexel Burnham Lambert» ընկերության ներդրումային մենեջեր, իսկ ավելի ուշ միացել է «Kidder, Peabody, & Co» ընկերությանը[2][6]։

Լագունա Նիգուելի քաղաքային խորհուրդ

Լագունա Նիգելի ներդրումային և բանկային կոմիտեի նախագահ ծառայելուց հետո 1996 թվականին Ուոլթերսը նշանակվել է Լագունա Նիգելի քաղաքային խորհրդում, երբ վերընտրված Թոմաս Վ. Ուիլսոնը հրաժարական է տվել, որպեսզի նշանակվի Օրինջ շրջանի վերահսկիչ խորհրդի կազմում[2]։ 2000 թվականին Ուոլթերսը զբաղեցրել է քաղաքապետի պաշտոնը[6], և նույն թվականին ընտրվել է երկրորդ ժամկետով։

Քաղաքային խորհրդում գտնվելու ընթացքում Ուոլթերսը նաև աշխատել է Կալիֆոռնիայի Էլ Տորոյի վերօգտագործման պլանավորման մարմնում և դեմ էր ծովայինների կորպուսի օդային կայանը Էլ Տորոյի կոմերցիոն օդանավակայանի վերածելու ջանքերին[5]։

Կալիֆոռնիայի նահանգային ժողով

2004 թվականին Ուոլթերսը ընտրվել է ներկայացնելու 73-րդ ընտրատարածքը, որն իր մեջ ներառում է Լագունա Նիգուելի, Լագունա Հիլզի, Օուշենսայդի, Դանա Փոինթի, Սան Կլեմենտեի, Սան Խուան Կապիստրանոյի և Ալիսո Վիեժոյի Սան Դիեգո և Օրինջ շրջանները[7]։ Նրա լիազորությունների ժամկետը տևել է 2005-ից մինչև 2007 թվականի հունվարը։ 2006 թվականի նոյեմբերին նա երկրորդ ժամկետով վերընտրվել է Վեհաժողովում[8]։

Կալիֆոռնիա նահանգի սենատ

Ուոլթերսը նահանգի սենատ է ընտրվել 2008 թվականի նոյեմբերին[8]։

2010 թվականի Կալիֆոռնիայի գանձապահի ընտրություն

2010 թվականի հունվարին Ուոլթերսը հայտարարել է, որ առաջադրվելու է Կալիֆոռնիայի նահանգի գանձապետի պաշտոնում դեմոկրատ թեկնածու Բիլ Լոքիերի դեմ[9]։ Ուոլթերսը դարձել է հանրապետական թեկնածու նահանգի գանձապահի համար, բայց ընդհանուր ընտրություններում պարտվել է Լոկիերին[10]։

2012 թվականի նախագահական ընտրություններ

Դեմոկրատ թեկնածու և դատական փաստաբան Սթիվ Յանգը անհաջող քաղաքացիական հայց է ներկայացրել՝ փորձելով Ուոլթերսի անունը հանել 2012 թվականի ընտրությունների թեկնածուների ցուցակից։ Այն բանից հետո, երբ 2011 թվականին Կալիֆոռնիայի նահանգային ընտրական շրջանների վերաբաշխման հանձնաժողովը վերանայել է նահանգի օրենսդիր շրջանների կազմը, Ուոլթերսը հայտարարել է, որ նա Լագունա Նիգուելից տեղափոխվել է Իրվին՝ 37-րդ սենատի շրջանում առաջադրվելու իրավունք ունենալու համար։ Ուոլթերսը, սակայն, հրաժարվել է իր թեկնածությունից[11]։

ԱՄՆ Ներկայացուցիչների պալատ

Ուոլթերսը 115-րդ կոնգրեսի ժամանակ

Ընտրություններ

2014

2013 թվականի հուլիսի 2-ին Ուոլթերսը պաշտոնապես առաջադրել է իր թեկնածությունը ԱՄՆ Ներկայացուցիչների պալատում[12]։

Նրա թեկնածությունը պաշտպանել են կոնգրեսական հանրապետական կուսակցության մի շարք անդամներ Կալիֆոռնիայից[13]։ 2014 թվականի ընտրություններից առաջ Ուոլթերսը հիմնել է «Ազատության օրհնություններ» ղեկավար կոմիտեն[14]։

Ուոլթերսը ընդգրկվել է Հանրապետական Կոնգրեսի Ազգային կոմիտեի «հավակնորդների» կատեգորիայում[15]։ 2014 թվականի սեպտեմբերին Հանրապետական Կոնգրեսի Ազգային կոմիտեին իր «Ավանգարդ» ծրագրում ներառել է Ուոլթերսին 13 այլ թեկնածուների հետ միասին[16]։ Անկուսակցական ընդհանուր նախնական ընտրություններում նա զբաղեցրել է առաջին տեղը երեք թեկնածուներից բաղկացած դաշտում՝ հավաքելով ձայների 45%-ը։ Ընդհանուր ընտրություններում նա հաղթել է դեմոկրատական կուսակցության թեկնածու Դրյու Լիվենսին՝ հավաքելով ձայների 65%-ը[17]։

2016

2016 թվականի նոյեմբերին Ուոլթերսը վերընտրվել է՝ 17 միավորով առաջ անցնելով իր դեմոկրատ մրցակից Ռոն Վարաստից[18]։ Քարոզարշավի համար Ուոլթերսը հավաքել է ավելի քան 2 միլիոն դոլար[19]։

Քաղաքական դիրքորոշումներ

2017 թվականին Ամերիկյան Պահպանողական Միությունը Ուոլթերսին տվել է 89% գնահատական։

Աբորտներ և պլանավորված ծնողություն

Ուոլթերսը դեմ է եղել աբորտներին և ընտանիքի պլանավորմանը, բայց իր քաղաքական արշավների ընթացքում դրան մեծ նշանակություն չի տվել[20]։ 2015 թվականին, առաջին կուրսում սովորելու ընթացքում, նա եղել է պլանավորված ծնողությունը հետաքննող հատուկ հանձնաժողովի կազմում[21]։

Կանեփ

Ուոլթերսը ստացել է «D» գնահատականը Մարիխուանայի օրենսդրության բարեփոխման ազգային կազմակերպության կողմից, որը պաշտպանում է մարիխուանայի օրինականացումը[22][23][24]։

Դոնալդ Թրամփ

2016 թվականի հուլիսին «FiveThirtyEight» կայքը Ուոլթերսին անվանեց «Անհամբեր միավորող»՝ Թրամփին սրտանց աջակցելու համար[25][26]։

2017 թվականի փետրվարին Ուոլթերսը դեմ է քվեարկել մի բանաձևի, որը Կոնգրեսին կուղղորդեր պահանջել Թրամփի 10 տարվա հարկային հայտարարագրերը, որոնք այնուհետև կվերանայվեին Ներկայացուցիչների պալատի ուղիների և միջոցների հանձնաժողովի կողմից փակ նիստում[27]։

«FiveThirtyEight»-ի ուսումնասիրությունը ցույց է տվել, որ Ուոլթերսը քվեարկել է նախագահ Թրամփի օգտին ժամանակի 99%-ում և Ներկայացուցիչների պալատում Թրամփի ութերորդ ամենատարածված կողմնակիցն էր[28]։

2017 թվականի դաշնային հարկային օրենսդրություն

2017 թվականի նոյեմբերին Ուոլթերսը քվեարկել է 2017 թվականի «Հարկերի կրճատման և աշխատատեղերի մասին» օրենքի օգտին[29][30]։ Ներկայացուցիչների պալատի օրինագիծը վերացրել է պետական և տեղական հարկային արտոնությունները, որոնցից օգտվում էին շատ կալիֆոռնիացիներ, օրինակ՝ հիփոթեքային վարկերի տոկոսների նվազեցումը։ Կալիֆոռնիայի շրջանները ներկայացնող Ներկայացուցիչների պալատի մի քանի հանրապետականներ դեմ են քվեարկել օրենքին, քանի որ այն բարձրացնում էր հարկերը կալիֆոռնիացիների համար։ Ուոլթերսը քվեարկությունից հետո ասել է, որ ինքը հավաստիացումներ է ստացել Ներկայացուցիչների պալատի խոսնակ Փոլ Ռայանից, որ օրինագծի սենատի հետ համաձայնեցված տարբերակը վերականգնելու է կորցրած հարկային արտոնությունները, որոնք չեղյալ են հայտարարվել Ներկայացուցիչների պալատի տարբերակում։

Շրջակա միջավայր

2015 թվականին Ուոլթերսը հովանավորել և քվեարկել է «H. R. 1732» օրինագիծը, որը դեմ էր «Միացյալ Նահանգների ջրերի մասին» օրենքին, որն ընդլայնում է դաշնային կառավարության իրավասությունը՝ կարգավորելու ջրերը և որոշ հարակից հողերը[31]։ Ուոլթերսն ի սկզբանե կլիմայական փոփոխությունները հերքող էր, բայց նա սկսել է փոխել իր տեսակետը 2014 թվականից։

2017 թվականի հոկտեմբերին, այն բանից հետո, երբ նախագահ Թրամփը դուրս է եկել Փարիզի համաձայնագրից, Ուոլթերսը պաշտոնապես միացել է Կոնգրեսի Կլիմայական լուծումների խմբին[32][33]։

Առողջապահություն

Ուոլթերսը աջակցեց «Obamacare»-ի չեղարկմանը և 2015 թվականին քվեարկել է 596-րդ բանաձևի օգտին՝ Ներկայացուցիչների պալատի օրինագիծը «Obamacare»-ը չեղյալ հայտարարելու մասին[34]։ Նա նաև քվեարկեց 3762 բանաձևի օգտին՝ «Ամերիկացիների առողջության ազատության վերականգնման մասին» օրենքին, որը չեղյալ կհայտարարեր «Obamacare»-ը[35]։

Ուոլթերսը հավանություն է տվել «Obamacare»-ի չեղարկմանը և փոխարինմանը «Ամերիկյան առողջապահության մասին» օրենքով[36][37]։ Նա ասել է, որ «Ամերիկյան առողջապահության մասին» օրենքի ընդունումը կարևոր քայլ է դեպի «այս փլուզվող առողջապահական համակարգը» փրկելու համար[38]։

2017 թվականի մայիսի 4-ին Ուոլթերսը քվեարկել է չեղյալ համարել «Հիվանդների պաշտպանության և մատչելի խնամքի մասին» օրենքը («Obamacare») և ընդունել «Ամերիկյան առողջապահության մասին» օրենքը[39][40]։ 2017 թվականի սկզբին Ուոլթերսը Թվիթթերում գրել է, որ ինքը «հանձնառու է պաշտպանել հիվանդներին նախկինում գոյություն ունեցող պայմաններով՝ ապահովելու նրանց հասանելիությունը որակյալ, մատչելի առողջապահական խնամքին»[41]։ Այնուամենայնիվ, «ԱՄՆ Այսօր»-ը նշել է, որ «Ամերիկյան Առողջապահության» օրենքի տարբերակը, որին օգտին նա քվեարկել է, թույլ է տալիս ապահովագրական ընկերություններին ավելի բարձր պրեմիաներ գանձել նախկինում գոյություն ունեցող պայմաններ (օրինակ՝ քաղցկեղ, էպիլեպսիա, շաքարախտ և հղիություն) ունեցող անհատներից[41]։ Ուոլթերսը եղել է «Որակյալ սթափ ապրելու ակտի հասանելիության մասին» օրենքի սկզբնական համահովանավորը, որը կպահանջի Առողջապահության և մարդկային ծառայությունների դեպարտամենտից ստեղծել լավագույն փորձը ափիոնային թմրամոլների համար սթափ ապրելու հարմարությունների համար։ Այս օրենքը մշակվել է այն բանից հետո, երբ ենթահանձնաժողովի լսումները հայտնաբերել են խարդախություններ նման հաստատություններում[42]։

Միջուկային թափոններ

2018 թվականի մարտին Ուոլթերսը ստորագրել է երկկողմանի նամակ՝ աջակցելու Յուկա լեռան միջուկային թափոնների պահեստի լիցենզավորման գործընթացի վերսկսման ֆինանսավորումը։ «Կալիֆոռնիայի 45-րդ շրջանից հարավ,-ասաց նա,-Սան Օնոֆրեի չգործող ատոմակայանը ունի 1800 տոննա աշխատած միջուկային վառելիք։ Դա մոտավորապես 1000 տոննա է։ Ցավոք, մեր երկրում միջուկային թափոնների կառավարման համակարգը խաթարված է, և սպառված վառելիքը պահվում է միջուկային օբյեկտներում, ինչպիսին է Սան Օնոֆրեի ատոմակայանը, և այն դնելու տեղ չկա։ Օրենքի համաձայն՝ դաշնային կառավարությունը պարտավոր է իր վրա վերցնել ծախսված վառելիքի պատասխանատվությունը և ապահով պահել այն մշտական պահեստում»[43]։

Գործադուլներ

2014 թվականին Ուոլթերսը հանձնաժողովում քվեարկել է օրինագծի օգտին, որն արգելում էր հասարակական տրանսպորտի աշխատողներին գործադուլ անել[44]։

Անձնական կյանք

Ուոլթերսը ամուսնացած է, ունի չորս երեխա[3]։ 2010 թվականին ֆինանսական հաշվետվությունների ձևերը ցույց են տվել, որ Միմի Ուոլթերսի բաժնետոմսերը «Goldman Sachs»-ում կազմում են 100000$-ից մինչև 1000000$[9]: Կոնգրեսի 2017 թվականի ֆինանսական բացահայտման ձևը ցույց է տվել, որ Ուոլթերսը ունեցվածք ունի «Boustead Securities»-ում, «Laguna Advisory Services»-ում և Կալիֆոռնիայի Էնսինիտաս քաղաքում գտնվող բազմաբնակարան շենքում[45]։ Դավանում է կաթոլիկություն[46]։

Ծանոթագրություններ

  1. ↑ 1,0 1,1 1,2 1,3 1,4 http://bioguide.congress.gov/scripts/biodisplay.pl?index=W000820
  2. ↑ 2,0 2,1 2,2 Messina, Frank (1996 թ․ դեկտեմբերի 19). «Council Names Walters to Seat Wilson Vacated». Los Angeles Times. Վերցված է 2017 թ․ մայիսի 10-ին.
  3. ↑ 3,0 3,1 3,2 «Mimi Walters' background». Los Angeles Times. 2010 թ․ մայիսի 26. Վերցված է 2017 թ․ մայիսի 10-ին.
  4. ↑ «Rep. Mimi Walters defeated in once-red Orange County, Calif., district». Washington Post. 2018 թ․ նոյեմբերի 16. Վերցված է 2018 թ․ նոյեմբերի 17-ին.
  5. ↑ 5,0 5,1 Moxley, R. Scott (1999 թ․ հուլիսի 29). «This Is War?». OC Weekly. Վերցված է 2017 թ․ մայիսի 10-ին.
  6. ↑ 6,0 6,1 6,2 «Mimi Walters Biography». house.gov. 2012 թ․ դեկտեմբերի 11. Արխիվացված է օրիգինալից 2018-12-25-ին. Վերցված է 2018 թ․ հոկտեմբերի 31-ին.
  7. ↑ «California-45: Mimi Walters». National Journal. Վերցված է 2018 թ․ օգոստոսի 10-ին.
  8. ↑ 8,0 8,1 «Rep. Mimi Walters, R-Calif». Roll Call. Congressiona Quarterly. Վերցված է 2018 թ․ օգոստոսի 10-ին.
  9. ↑ 9,0 9,1 Goldmacher, Shane (2010 թ․ հոկտեմբերի 29). «Actions of two top state treasurer hopefuls raise questions». Los Angeles Times. Վերցված է 2017 թ․ մայիսի 10-ին.
  10. ↑ «2010 State Treasurer General Election Results». U.S. Election Atlas. Վերցված է 2018 թ․ օգոստոսի 10-ին.
  11. ↑ Joseph, Brian (2012 թ․ հոկտեմբերի 22). «Mimi Walters' name to remain on ballot». Orange County Register. Վերցված է 2018 թ․ օգոստոսի 10-ին.
  12. ↑ «Mimi Walters Formally Enters Congressional Race in 45th District - Mimi Walters for U.S. Representative». Mimi Walters. 2013 թ․ հուլիսի 2. Արխիվացված է օրիգինալից 2014 թ․ ապրիլի 8-ին. Վերցված է 2016 թ․ նոյեմբերի 11-ին.
  13. ↑ «Endorsements - Mimi Walters for U.S. Representative». Mimi Walters. 2014 թ․ հունիսի 20. Արխիվացված է օրիգինալից 2018-11-08-ին. Վերցված է 2016 թ․ նոյեմբերի 11-ին.
  14. ↑ «Profile: campaignmoney.com». Վերցված է 2017 թ․ մարտի 25-ին.
  15. ↑ «17 Republican Candidates Announced as 'Contender' as Part of NRCC's 'Young Guns' Program - National Republican Congressional Committee». National Republican Congressional Committee. 2014 թ․ մարտի 26. Վերցված է 2016 թ․ նոյեմբերի 11-ին.
  16. ↑ «Young Guns Vanguard - NRCC Young Guns». National Republican Congressional Committee. Վերցված է 2016 թ․ նոյեմբերի 11-ին.
  17. ↑ «California Election Results». The New York Times. Վերցված է 2018 թ․ օգոստոսի 10-ին.
  18. ↑ California U.S. House 45th District Results: Mimi Walters Wins; New York Times; https://www.nytimes.com/elections/results/california-house-district-45-walters-varasteh
  19. ↑ «Rep. Mimi Walters: Campaign Finance/Money - Summary». OpenSecrets. Վերցված է 2017 թ․ մարտի 26-ին.
  20. ↑ Martin Wisckol, County’s GOP women lead charge, Orange County Register (July 23, 2015).
  21. ↑ Congresswoman Mimi Walters (2015 թ․ հոկտեմբերի 7), Rep. Mimi Walters on Select Panel to Investigate Planned Parenthood, Արխիվացված օրիգինալից 2021 թ․ դեկտեմբերի 21-ին, Վերցված է 2017 թ․ մարտի 26-ին
  22. ↑ «California Scorecard - NORML.org - Working to Reform Marijuana Laws». norml.org (ամերիկյան անգլերեն). Վերցված է 2017 թ․ դեկտեմբերի 22-ին.
  23. ↑ «On The Issues». On The Issues. Վերցված է 2018 թ․ նոյեմբերի 9-ին.
  24. ↑ «Drug Sense». Drug Sense. Վերցված է 2018 թ․ նոյեմբերի 9-ին.
  25. ↑ «The 7 Levels Of Trump Support In Congress». FiveThirtyEight. 2016 թ․ հուլիսի 20. Վերցված է 2017 թ․ փետրվարի 13-ին.
  26. ↑ Wire, Sarah D. «Endorsement tracker: Some California Republicans still not ready for Trump». Los Angeles Times. Վերցված է 2017 թ․ փետրվարի 13-ին.
  27. ↑ «These are all the Republicans who don't want you to see Donald Trump's tax returns». indy100. 2017 թ․ փետրվարի 28. Արխիվացված է օրիգինալից 2017 թ․ փետրվարի 28-ին. Վերցված է 2017 թ․ մարտի 1-ին.
  28. ↑ Tracking Congress in the Age of Trump, accessed September 25, 2018
  29. ↑ Lauren Fox; Deirdre Walsh. «House Republicans pass tax plan». CNN. Վերցված է 2017 թ․ նոյեմբերի 17-ին.
  30. ↑ «Most California GOP House members vote to pass tax bill, with some hoping the Senate will help fix it». Los Angeles Times (ամերիկյան անգլերեն). ISSN 0458-3035. Վերցված է 2017 թ․ նոյեմբերի 17-ին.
  31. ↑ «Rep. Mimi Walters Supports Bill to Block EPA Water Regulations». Congresswoman Mimi Walters. 2015 թ․ մայիսի 12. Արխիվացված է օրիգինալից 2018-12-22-ին. Վերցված է 2017 թ․ մայիսի 10-ին.
  32. ↑ «90 Current Climate Solutions Caucus Members». Citizen´s Climate Lobby. Վերցված է 2018 թ․ հոկտեմբերի 20-ին.
  33. ↑ Lewis Mernit, Judith (2018 թ․ մայիսի 3). «California Politics: The Education Of Rep. Mimi Walters». International Business Times. Վերցված է 2020 թ․ մարտի 8-ին.
  34. ↑ «Rep. Mimi Walters Votes to Repeal Obamacare». Congresswoman Mimi Walters. 2015 թ․ փետրվարի 3. Արխիվացված է օրիգինալից 2018-12-22-ին. Վերցված է 2017 թ․ մայիսի 10-ին.
  35. ↑ «Rep. Walters Votes to Strip Core Provisions of Obamacare». Congresswoman Mimi Walters. 2015 թ․ հոկտեմբերի 23. Արխիվացված է օրիգինալից 2018-12-22-ին. Վերցված է 2017 թ․ մայիսի 10-ին.
  36. ↑ «The Voter's Self Defense System». Project Vote Smart. Վերցված է 2017 թ․ փետրվարի 13-ին.
  37. ↑ «The fight's on in 4 California districts where Republicans represent people who voted for Hillary». Վերցված է 2017 թ․ փետրվարի 13-ին.
  38. ↑ Rubin, Jennifer; Rubin, Jennifer (2017 թ․ մարտի 15). «Republicans who voted for the AHCA better watch out». The Washington Post. Վերցված է 2017 թ․ ապրիլի 3-ին.
  39. ↑ «How the House voted to pass the GOP health-care bill». The Washington Post. Վերցված է 2017 թ․ մայիսի 4-ին.
  40. ↑ Heidi M Przybyla (2017 թ․ մայիսի 4). «Health care vote puts pressure on dozens of vulnerable GOP reps». USA Today. Վերցված է 2017 թ․ մայիսի 4-ին.
  41. ↑ 41,0 41,1 «Health care vote puts pressure on dozens of vulnerable GOP reps». USA Today. Վերցված է 2017 թ․ մայիսի 5-ին.
  42. ↑ The Access to Sober Living Act will stop unethical practices at sober living homes; OC Register; June 16, 2018; https://www.ocregister.com/2018/06/16/the-access-to-sober-living-act-will-stop-unethical-practices-at-sober-living-homes/
  43. ↑ Taking responsibility for spent nuclear fuel; OC Register; July 15, 2017; https://www.ocregister.com/2017/07/15/taking-responsibility-for-spent-nuclear-fuel/
  44. ↑ McGreevy, Patrick (2014 թ․ հունվարի 13). «Panel defeats bill banning public transit strikes». Los Angeles Times. Վերցված է 2017 թ․ մայիսի 10-ին.
  45. ↑ «Mimi Walters Congressional Financial Disclosure, 2017» (PDF).
  46. ↑ Religious affiliation of members of 115th Congress (PDF) (Report). Pew Research Center. 2017 թ․ հունվարի 3. Վերցված է 2023 թ․ ապրիլի 18-ին.

Արտաքին հղումներ