Յակոբիններ, Յակոբինյան ակումբ, քաղաքական ակումբ Ֆրանսիական հեղափոխության ժամանակաշրջանում (18-րդ դարի)։ Յակոբինյան ակումբի նախորդն էր Բրետոնական ակումբը․ այն 1789 թվականին Փարիզ փոխադրվելով՝ վերակազմավորվել է «Սահմանադրության բարեկամների ընկերության», որն իր նիստերն անց էր կացնում վանական-յակոբինյանների (այսպես էին կոչվում Ֆրանսիայում դոմինիկյան օրդենի անդամները) նախկին գրադարանի դահլիճում (այստեղից էլ՝ յակոբինյան անվանումը)։
Մասնաճյուղեր
Ակումբն ուներ մասնաճյուղեր գավառներում։ Յակոբինյան դիկտատուրայի ժամանակաշրջանում Յակոբինյան ակումբը կառավարության քաղաքական գծի մշակման կարևոր կենտրոն էր։ Պառակտման հետևանքով Յակոբյան ակումբից առաջացան «1789 թվականի ընկերությունը», Ֆելյանների ակումբը, ժիրոնդիստների ակումբը և այլն։
Յակոբինյանները փաստորեն ներկայացնում էին քաղաքական կուսակցություն, որի ծրագիրը նախատեսում էր հեղափոխության նվաճումների պահպանում և նրա հետագա զարգացում։ Իշխանության գլուխ են անցել 1793 թ. մայիսի 31-հունիսի։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 106)։
Ֆրանսիա[1]
Jacobin Club Վիքիպահեստում
