Նաթ Քլիֆթոն

Նաթ Քլիֆթոն
Դիմանկար
Ծնվել էհոկտեմբերի 13, 1922(1922-10-13)
ԾննդավայրԼիթլ Ռոք, ԱՄՆ
Մահացել էօգոստոսի 31, 1990(1990-08-31) (67 տարեկան)
Մահվան վայրՉիկագո
Քաղաքացիություն ԱՄՆ
Մայրենի լեզուանգլերեն
ԿրթությունDuSable High School? և Xavier University of Louisiana?
Մասնագիտությունբասկետբոլիստ, բեյսբոլիստ և բասկետբոլի մարզիչ

Նաթ Քլիֆթոն "Սուիթուոթեր" (ծնվ․ Քլիֆթոն Նաթանիել, հոկտեմբերի 13, 1922(1922-10-13), Լիթլ Ռոք, ԱՄՆ - օգոստոսի 31, 1990(1990-08-31), Չիկագո), ամերիկացի պրոֆեսիոնալ բասկետբոլիստ[1]։ Նա հայտնի է որպես Ազգային բասկետբոլի ասոցիացիայում (ԱԲԲ) խաղացած առաջին աֆրոամերիկացիներից մեկը։ Նա նաև պրոֆեսիոնալ բեյսբոլիստ էր։

Կենսագրություն

Վաղ կյանք

Ծնված Արկանզասի Ինգլենդ քաղաքում[2] որպես Քլիֆթոն Նաթանիել, նա մանկության տարիներին ստացել է «Սուիթուոթեր» (անգլ.՝ Sweetwater, քաղցրաջուր) մականունը՝ իր զովացուցիչ ըմպելիքների հանդեպ սիրո և հանգիստ բնավորության պատճառով[3]։ Նրա ընտանիքը տեղափոխվել է Չիկագո, Իլինոյս, երբ նա ութ տարեկան էր[2]։ Քլիֆթոնը ԴուՍեյբլ միջնակարգ դպրոցում դարձավ բասկետբոլի և բեյսբոլի փայլուն խաղացող[2]։ Նա վերափոխեց իր երկու անունները, երբ սպորտային լրագրողները բողոքեցին, որ նրա ազգանունը՝ Նաթանիել, չափազանց երկար է իրենց վերնագրերի համար[2]։ Դպրոցն ավարտել է 1942 թվականին։

Քլիֆթոնը սովորել է Լուիզիանայի Քսավիե համալսարանում՝ Նյու Օրլեանում, այնուհետև երեք տարի ծառայել է Միացյալ Նահանգների բանակում՝ մարտնչելով Եվրոպայում՝ Երկրորդ համաշխարհային պատերազմի ժամանակ։

Վաղ կարիերա

Պատերազմից հետո Քլիֆթոնը միացավ Նյու Յորք Ռենսին՝ սևամորթների պրոֆեսիոնալ բասկետբոլի թիմին, որը շրջագայում էր ամբողջ Միացյալ Նահանգներով։ Հայտնի լինելով իր մեծ ձեռքերով, որոնք պահանջում էին 14-րդ չափսի ձեռնոց, նա հրավիրվեց միանալու Հառլեմ Գլոբթրոթերսին, որի կազմում խաղաց 1948 թվականի ամռանից մինչև 1950 թվականի գարուն։ Դեռևս լինելով տաղանդավոր բեյսբոլի առաջին բազայի խաղացող, 1949 թվականի բասկետբոլի արտամրցաշրջանի ընթացքում Քլիֆթոնը խաղաց Չիկագո Ամերիքն Ջայենթսի կազմում՝ սևամորթների լիգայի բեյսբոլում։ Մինչև 1950 թվականը, նրա ելույթները Գլոբթրոթերսի կազմում և հատկապես գնդակին տիրապետելու նրա բացառիկ ունակությունը, հանգեցրին ԱԲԲ թիմի հետ պայմանագրի ստորագրմանը։

ԱԲԲ կարիերա

1950 թվականի մայիսի 24-ին Քլիֆթոնը դարձավ ԱԲԲ պայմանագիր ստորագրած երկրորդ աֆրոամերիկացի խաղացողը։ Նա խաղաց իր առաջին խաղը Նյու Յորք Նիքսի կազմում նոյեմբերի 4-ին՝ Վաշինգտոն Քեփիթոլսի խաղացող Էրլ Լլոյդի դեբյուտից չորս օր անց, ով առաջին սևամորթ խաղացողն էր ԱԲԲ-ում[4]։ Արդեն լինելով 27 տարեկան իր դեբյուտի ժամանակ՝ Քլիֆթոնն իր առաջին մրցաշրջանում օգնեց թիմին առաջին անգամ հասնել ԱԲԲ-ի եզրափակիչ՝ պարտվելով յոթերորդ խաղում։ ԱԲԲ-ում անցկացրած ութ մրցաշրջանների ընթացքում Քլիֆթոնը միջինում վաստակել է 10 միավոր և կատարել յուրաքանչյուր խաղում 9 անդրադարձ։ Նա ընդգրկվել է 1957 թվականի ԱԲԲ-ի բոլոր Աստղերի խաղի թիմում` 23 րոպեում վաստակելով 8 միավոր։ 34 տարեկան հասակում նա դարձավ ԱԲԲ պատմության մեջ տարիքով ամենամեծ խաղացողը, ով առաջին անգամ ընտրվել է բոլոր Աստղերի խաղի մասնակից[5]։

1957 թվականին Քլիֆթոնը Նիքսի և Ֆորտ Ուեյն Փիստոնսի միջև խաղացողների փոխանակման վաճառքի խաղացողների շարքից էր, սակայն Դետրոյթում մեկ մրցաշրջան անցկացնելուց հետո հեռացավ բասկետբոլից։ 1958 թվականի ամռանը նա միացավ Դետրոյթ Սթարս բեյսբոլի թիմին սևամորթների լիգայում՝ իր նախկին Հառլեմ Գլոբթրոթերսի թիմակից Ռիս «Գուս» Տատումի հետ միասին։ 1961 թվականին Չիկագոյի Մեյջորսը՝ Ամերիկյան բասկետբոլի լիգայի (ABL) նորաստեղծ անդամը, կարողացավ նրան համոզել վերադառնալ սպորտ։ Չիկագո Մեյջորսի Լիգայի փլուզումից հետո՝ 1962 թվականի վերջին, 40-ամյա Քլիֆթոնը վերջնականապես հեռացավ սպորտից։

Քլիֆթոնը մահացել է 67 տարեկան հասակում՝ 1990 թվականի օգոստոսի 31-ին, Չիկագոյում[3]։ Նա թաղված է Ռեսթվեյլ գերեզմանատանը՝ Ալսիփի Չիկագո արվարձանում։

Ժառանգություն

Քլիֆթոնի ներդրումը համայնքի կյանքում՝ մարզական կարիերայի ընթացքում և դրանից հետո, արժանացել է Նյու Յորք քաղաքի Սևամորթների բարեգործական կազմակերպության գնահատանքին։ Նրանք պատվել են նրա հիշատակը՝ Սևամորթների պատմության կերտողների մրցանակներից մեկը անվանակոչելով Նաթանիել «Սուիթուոթեր» Քլիֆթոնի անունով։ 2005 թվականին Նյու Յորք Նիքս բասկետբոլի թիմը վերանվանեց իր ամենամսյա Քաղաքային Ոգու մրցանակը՝ ի պատիվ նրա։ Սվիթուոթեր Քլիֆթոնի Քաղաքի Ոգու մրցանակը շնորհվում է համայնքի այն անդամին, ով գերազանցում է իր սովորական պարտականությունները՝ մետրոպոլիտենի տարածքում ուրիշների կյանքը բարելավելու համար։

Քլիֆթոնը, ով Դեդդի-Օ Դեյլի լիգայի Բրաուն Բոմբերս և Քեփիթոլ Ռեքորդս թմերի կազմում սոֆթբոլ էր խաղում, նաև ընդգրկվել է Չիկագոյի 16-մատնաչափանոց սոֆթբոլի Փառքի սրահ[6]։

2014 թվականի փետրվարի 14-ին հայտարարվեց Քլիֆթոնի՝ Նեյսմիթի անվան բասկետբոլի փառքի սրահ ընդգրկման մասին։ Նա պաշտոնապես մտավ Փառքի սրահ օգոստոսի 8-ին՝ որպես ներդրող։[7][8]

«Սուիթուոթեր»՝ Քլիֆթոնի կյանքի մասին ֆիլմը, որը պլանավորվում էր Սանսեթ Փիքչըրսի կողմից 2007 թվականից, թողարկվել է 2023 թվականի ապրիլի 14-ին[9][10]։

ԱԲԲ-ի կարիերայի վիճակագրությունը

Մակագրություն
  ԽԽ Խաղացած խաղեր   ՍԽ  սկսած խաղեր ՅԽՐ  յուրաքանչյուր խաղի րոպեներ
 ՖԳ%  Ֆիլդ գոլերի տոկոս  3Մ%  3 միավորանոց նետումների տոկոս  ԱՆ%  ազատ նետումների տոկոս
ՅԽԱ յուրաքանչուր խաղի անդրադարձներ ՅԽՓ  յուրաքանչյուր խաղի փոխանցումներ  ՅԽԽ  յուրաքանչյուր խաղի խլված գնդակներ
ՅԽԿ յուրաքանչյուր խաղի կասեցումներ ՅԽՄ յուրաքանչյուր խաղի միավորներ  Թավատառ  կարիերայի վերելքներ

Կանոնավոր առաջնություն

Տարի Թիմ ԽԽ ՅԽՐ ՖԳ% ԱՆ% ՅԽԱ ՅԽՓ ՅԽՄ
1950–51 Նյու Յորք 65 – .322 .532 7.6 2.5 8.6
1951–52 Նյու Յորք 62 33.9 .335 .664 11.8 3.4 10.6
1952–53 Նյու Յորք 70 35.7 .343 .583 10.9 3.3 10.6
1953–54 Նյու Յորք 72 30.3 .368 .628 7.3 2.4 9.6
1954–55 Նյու Յորք 72 33.2 .386 .683 8.5 2.8 13.1
1955–56 Նյու Յորք 64 24.0 .394 .707 6.0 2.4 8.8
1956–57 Նյու Յորք 71 31.4 .377 .673 7.8 2.3 10.7
1957–58 Դետրոյթ 68 21.1 .363 .623 5.9 1.1 7.7
Կարիերա 544 30.0 .361 .633 8.2 2.5 10.0
Բոլոր Աստղեր 1 23.0 .364 – 11.0 3.0 8.0

Փլեյ-օֆֆ

Տարի Թիմ ԽԽ ՅԽՐ ՖԳ% ԱՆ% ՅԽԱ ՅԽՓ ՅԽՄ
1951 Նյու Յորք 14 – .347 .391 9.8 3.3 7.1
1952 Նյու Յորք 14 33.0 .293 .711 9.5 2.4 9.4
1953 Նյու Յորք 11 36.8 .395 .638 12.7 3.5 12.0
1954 Նյու Յորք 4 31.3 .296 .529 9.8 1.5 6.3
1955 Նյու Յորք 3 36.7 .385 .792 7.7 4.3 19.7
1958 Դետրոյթ 7 10.6 .367 .750 3.3 0.6 4.0
Կարիերա 53 30.2 .348 .624 9.3 2.7 9.0

Ծանոթագրություններ

  1. ↑ Lederer, Richard (March 1, 1994). «The names of the games». The Telegraph.
  2. ↑ 2,0 2,1 2,2 2,3 «Clifton, Nathaniel "Sweetwater"». Encyclopedia.com. Վերցված է July 12, 2023-ին.
  3. ↑ 3,0 3,1 «Sweetwater' Clifton, ex-Harlem Globetrotter, dead at 63». UPI. September 1, 1990. Վերցված է June 23, 2021-ին.
  4. ↑ Araton, Harvey (February 19, 2012). «He Was a Knicks Pioneer, and He Has Proof». The New York Times. էջ SP1. Արխիվացված է օրիգինալից February 14, 2019-ին.
  5. ↑ «Kyle Korver to replace Dwyane Wade, become Hawks' fourth All-Star». Արխիվացված է օրիգինալից February 11, 2015-ին. Վերցված է February 11, 2015-ին.
  6. ↑ «Nate "Sweetwater" Clifton». 16" Softball Hall of Fame (ամերիկյան անգլերեն). Վերցված է 2023-04-11-ին.
  7. ↑ «Five Direct-Elect Members Announced for the Class of 2014 by the Naismith Memorial Basketball Hall of Fame» (Press release). Naismith Memorial Basketball Hall of Fame. February 14, 2014. Վերցված է June 23, 2021-ին.
  8. ↑ Demirel, Evin (August 19, 2014). «Honoring Sweetwater». Arkansas Democrat Gazette. Վերցված է June 23, 2021-ին.
  9. ↑ Lang, Brent (2022-10-11). «Briarcliff Entertainment Buys Sweetwater, Drama About Pioneering African American NBA Player (Exclusive)». Variety. Արխիվացված օրիգինալից December 30, 2022-ին. Վերցված է 2023-02-19-ին.
  10. ↑ Lexi Feinberg (2006-12-09). «Martin Guigui Dives Into Sweetwater». CINEMABLEND (անգլերեն). Վերցված է 2023-04-11-ին.
 ⛭ 
  Թեմատիկ կայքեր