Ուռեկ (Երզնկայի գավառ)

Անվան այլ կիրառումների համար տե՛ս՝ Ուռեկ (այլ կիրառումներ)

Ուռեկ, գյուղ Արևմտյան Հայաստանում, Էրզրումի վիլայեթի Երզնկայի գավառում^[1]։ Գտնվում էր Արևմտյան Եփրատի ձախ կողմի Մերջան գետի ստորին հոսանքի ձախ ափին, Մերջան լեռան հյուսիսային ստորոտում, Երզնկա քաղաքից 18 կմ հարավ-արևելք։

Պատմություն

Բնակչության մի մասը բնաջնջվել է 1895 թվականի կոտորածների ժամանակ։ Փրկվածները ամբողջությամբ կոտորվել են 1915 թվականի Մեծ եղեռնի ժամանակ։

1872-1873 թվականներին ուներ 10 տուն հայ և 50 տուն թուրք, 1909 թվականին՝ 5 տուն հայ և 40 տուն այլազգի բնակիչ։

Գյուղն հայտնի էր խաղողի և թթի մշակությամբ։ Բնակչությունը զբաղվում էր նաև արհեստներով։

Ուռեկի մոտ էր գտնվում Չարչարանաց (Գրիգոր Լուսավորիչ) վանքը^[2]։

«Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն