Ջա կենդանաբանական արգելոց (անգլ.՝ Dja Faunal Reserve, ֆր.՝ Réserve de faune du Dja), արգելոցԿամերունում, ստեղծվել է 1950 թվականին։ Արգելոցի մեծ մասը գտնվում է Կամերունի արևելյան հատվածում և միայն հարավ-արևելյան եզրն է մտնում հարավային և կենտրոնական Կամերունի շրջաններում[3]։ 1981 թվականից արգելոցը ընդգրկվել է կենսոլորտի համաշխարհային արգելոցների ցանցում։ 1987 թվականին ընդգրկվել է ՅՈՒՆԵՍԿՕ-ի համաշխարհային ժառանգության ցանկում[4] Ջա գետի ջրերը եզերում են արգելոցի հարավային, արևմտյան և հյուսիսային սահմանները՝ հանդիսանալով բնական սահման։ Արգելոցը զբաղեցնում է 5260 կմ² ընդհանուր տարածք[5]։
Ֆլորա և Ֆաունա
Ջա կենդանաբանական արգելոցը Աֆրիկայիհասարակածայինանտառի խոշոր զանգված է։ Այստեղ ապրում և աճում են հսկայական քանակությամբ կենսաբանական տեսակներ։ Ընդհանուր առմամբ արգելոցի տարածքում գրանցված են 1500-ից ավելի բուսատեսակներ, 107 տեսակի կաթնասուններ (որոնցից 5-ը գտնվում է անհետացման եզրին) և ավելի քան 320 թռչնատեսակներ։