Ջակոմո Լոզի

Ջակոմո Լոզի; իտալ.՝ Giacomo Losi
Անձնական տվյալներ
Քաղաքացիությունը	Իտալիա
Մականուն	"Core de Roma" (Ռոմայի սիրտ)
Ծննդյան ամսաթիվ	սեպտեմբերի 10, 1935
Ծննդավայր	Սոնչինո, Կրեմոնա, Լոմբարդիա, Իտալիայի թագավորություն
Մահվան ամսաթիվ	փետրվարի 4, 2024 (88 տարեկան)
Մահվան վայր	Հռոմ, Իտալիա
Հասակ	168 սմ
Քաշ	72 կգ
Դիրք	Պաշտպան
Պատանեկան կարիերա
1949–1952	Սոնչինո
Մասնագիտական կարիերա*
Ազգային հավաքական
Մարզչական կարիերա
1980–1981	Պիաչենցա
1982–1983	Նոչերինա
1985–1986	Յուվե Ստաբիա
	* Մասնագիտական կարիերայում ընդգրկված են միայն առաջնության խաղերը և գոլերը:

Ջակոմո Լոզի (իտալ.՝ Giacomo Losi, սեպտեմբերի 10, 1935(1935-09-10)^[1], Սոնչինո, Կրեմոնա, Լոմբարդիա, Իտալիայի թագավորություն - փետրվարի 4, 2024(2024-02-04)^[2], Հռոմ, Իտալիա), իտալացի նախկին ֆուտբոլիստ, ով հանդես է եկել իտալական Ռոմայում և Իտալիայի ազգային հավաքականում։

Ջակոմոն ծնունդով Հռոմից չէր, սակայն 15 մրցաշրջան Ռոմայում անցկացնելուց հետո, նրան տրվեց "Core de Roma" (Ռոմայի սիրտ) մականունը։ Նա Ռոմայի կազմում ացկացրել է 450 հանդիպում, որը ռեկորդային եղավ, Ջակոմոյի ռեկորդը անհաղթահարելի մնաց 38 տարի, մինչև 2007 թվականի հունվարի 31-ը, երբ Ֆրանչեսկո Տոտտին անցկացրեց իր 451-րդ հանդիպումը^[4]։

Կարիերա

Լոզին իր ֆուտբոլային կարիերան սկսել է հարազատ քաղաքի համանուն թիմում՝ Սոնչինոյում։ 1951 թվականին տեղափոխվել է Կրեմոնեզե, այնուհետև 1955 թ.-ին մայրաքաղաքային Ռոմա, որտեղ իր առաջին հանդիպումը անցկացրեց նույն թվականի մարտի 20-ին ընդդեմ Միլանի Ինտերի։

Նա ստացավ իր "Core de Roma" մականունը, այն բանից հետո, երբ 1961 թվականի հունվարի 8-ին Սամպդորիայի հետ հանդիպման ժամանակ Լոզին վնասվածք ստացավ, հաշիվն էր 2։ 2, իսկ Ռոման արդեն սպառել էր փոփոխություն կատարելու բոլոր 3 հնարավորությունները, Ջակոմոն ոչ միայն մինչև վերջ մնաց խաղադաշտում, այլ նաև անկյունայինից կատարած փոխանցումից հետո գլխով դարձավ գոլի հեղինակ հաղթանակ պարգևելով հռոմեացիներին։

Ջակոմո Լոզին համարվում է Ռոմայի Փառքի Սրահի 11 ֆուտբոլիստներից մեկը։