Սամվել Գևորգյան (քաղաքական գործիչ)

Անվան այլ կիրառումների համար տե՛ս՝ Սամվել Գևորգյան (այլ կիրառումներ)

Վիքիպեդիայում կան հոդվածներ Գևորգյան ազգանունով այլ մարդկանց մասին։

Սամվել Վոլոդյայի Գևորգյան
Ծնվել է	հոկտեմբերի 2, 1948(1948-10-02)
Ծննդավայր	Զարինջա, Թալինի շրջան, Հայկական ԽՍՀ, ԽՍՀՄ
Մահացել է	հունիսի 17, 2014(2014-06-17) (65 տարեկան)
Մահվան վայր	Երևան, Հայաստան
Քաղաքացիություն	ԽՍՀՄ  Հայաստան
Կրթություն	Երևանի պետական համալսարան
Մասնագիտություն	քաղաքական գործիչ և խմբագիր
Զբաղեցրած պաշտոններ	Հայաստանի Ազգային ժողովի պատգամավոր
Կուսակցություն	ՀՀՇ

Սամվել Վոլոդյայի Գևորգյան (հոկտեմբերի 2, 1948, Զարինջա, Թալինի շրջան, Հայկական ԽՍՀ, ԽՍՀՄ - հունիսի 17, 2014, Երևան, Հայաստան), ՀՀ պետական և քաղաքական գործիչ, «Ղարաբաղ» կոմիտեի անդամ։

Ավարտել է Երևանի պետական համալսարանի բանասիրական ֆակուլտետը՝ բանասերի որակավորմամբ։

• 1971-1972 թթ. - Թալինի շրջանի Ներքին Բազմաբերդ գյուղի միջնակարգ դպրոցի ուսուցիչ։
• 1972-1973 թթ. - աշխատել է «Աշտարակ» թերթում, որպես խմբագիր։
• 1973-1989 թթ. - ՀԽՍՀ հեռուստառադիոպետկոմի խմբագիր, ինֆորմացիայի գլխավոր խմբագրության բաժնի վարիչ։
• 1989-1991 թթ. - «Հայք» թերթի հիմնադիր և առաջին գլխավոր խմբագիր։

• 1991-1993 թթ. - ՀՀ հեռուստառադիոպետվարչության պետ։
• 1993-1995 թթ. - ՀՀ Նախագահի խորհրդական։
• «Ղարաբաղ» կոմիտեի անդամ։ 1988-1989 թթ. կալանավորվել է «Ղարաբաղ» կոմիտեի մյուս անդամների հետ՝ ռուսական "Матросская тишина" բանտում։
• 1990 թ. ընտրվել է ՀՀ ԳԽ պատգամավոր։
• 1995 թ. հուլիսի 28-ին ընտրվել է ՀՀ Ազգային Ժողովի պաշտպանության, ազգային անվտանգության և ներքին գործերի մշտական հանձնաժողովի նախագահ։ ԱԺ «Հանրապետություն» խմբակցության անդամ։
• Եղել է ՀՀՇ վարչության անդամ։

Վախճանվել է 2014 թ. հունիսի 17-ին, ուղեղի կաթվածից^[1]։

«Մահացել է «Ղարաբաղ» կոմիտեի անդամ Սամվել Գևորգյանը»

դ ք խ Ղարաբաղ կոմիտե 1988 մայիս – 1991 սեպտեմբեր Անդամներ Իգոր Մուրադյան (հիմնադիր) • Բաբկեն Արարքցյան • Համբարձում Գալստյան • Սամվել Գևորգյան • Ռաֆայել Ղազարյան • Սամսոն Ղազարյան • Ալեքսան Հակոբյան • Վազգեն Մանուկյան • Աշոտ Մանուչարյան • Վանո Սիրադեղյան • Դավիթ Վարդանյան • Լևոն Տեր-Պետրոսյան Կատեգորիա • → ՀՀՇ