Վալենտինա Հյուգո

Վալենտինա Հյուգո
Ծնվել է	մարտի 16, 1887
Ծննդավայր	Բոլուն սյուր Մեր
Վախճանվել է	մարտի 16, 1968 (81 տարեկան)
Մահվան վայր	Փարիզ
Քաղաքացիություն	Ֆրանսիա
Մասնագիտություն	նկարչուհի, նկարազարդող, հագուստ ձևագծող և արվեստագետ
Ոճ	սյուրռեալիզմ
Թեմաներ	պատկերազարդում
Ամուսին	Ժան Հյուգո
	Valentine Hugo Վիքիպահեստում

Վալենտինա Հյուգո (ծննդյան անունը՝ Վալենտինա Մարի Օգյուստին Գրոս, ֆր.՝ Valentine Marie Augustine Gross, Valentine Hugo, մարտի 16, 1887(1887-03-16)^[1]^[2]^[3], Բոլուն սյուր Մեր - մարտի 16, 1968(1968-03-16)^[1]^[2]^[3], Փարիզ), ֆրանսիացի նկարչուհի, պատկերազարդող։

Կենսագրություն

Վալենտինա Գրոսը ծնվել է 1887 թվականին, Ֆրանսիայի Բոլուն սյուր Մեր համայնքում, երաժիշտ Օգյուստ Գրոսի և Զելի Դեմլենի (ֆր.՝ Zèlie Dèmelin) ընտանիքում։ Վալենտինայի սերն արվեստի, երաժշտության և թատրոնի հանդեպ նկատվել է դեռևս վաղ տարիքում։ 1907-1910 թվականներին ուսանել է Փարիզի Գեղեցիկ արվեստների ազգային բարձրագույն դպրոցում։

1914 թվականից մտերիմ է եղել Էրիկ Սատիի և Ժան Կոկտոյի հետ, ակտիվորեն մասնակցել է «Տոնահանդես» բալետի ստեղծմանը, այնուհետև սերտ բարեկամական հարաբերություններ է ունեցել ֆրանսիացի «Վեցյակ» կոմպոզիտորների հետ։

Ապագա ամուսնուն՝ ֆրանսիացի հայտնի գրող Վիկտոր Հյուգոյի ծոռանը՝ Ժան Հյուգոյին, Վալենտինա Գրոսը հանդիպել է պատերազմի ժամանակ, 1917 թվականին Միմի և Սիպ Գոդեբսկների տանը։ 1919 թվականին նրանք ամուսնացել են, Ժան Կոկտոն և Էրիկ Սատին եղել են նրանց հարսանիքի վկաները^[5]։

1928 թվականին Վալենտինան ծանոթացել է սյուրռեալիստների հետ և 1930-1936 թվականներին ակտիվորեն համագործակցել նրանց հետ։ Միանալով Սյուրռեալիստական հետազոտությունների բյուրոյին՝ 1931 թվականին ստեղծել է Objet à fonctionnement symbolique-ը, որը ներկայացվել է 1933 թվականին Exposition surréalistic ցուցադրման ժամանակ^[6]։ Խմբի հետ մասնակցել է այլ ցուցահանդեսների, այդ թվում՝ 1936 թվականին Նյու Յորքի Ժամանակակից արվեստի թանգարանում։ 1943 թվականին Հյուգոյի աշխատանքը ներառվել է Պեգգի Գուգենհայմի Exhibition by 31 Women նյույորքյան շոուում^[7]։

1935 թվականին լուսանկարիչ Ման Ռեյնի մոտ եղել է մոդել (Valentine Hugo with her painting Les Surréalistes 1935): Վալենտինայի սյուռեալիստական աշխատաքներից են Անդրե Բրետոնի, Արթյուր Ռեմբոյի, Ռենե Կրևելի, Պոլ Էլուարի, Տրիստան Տցարայի, Փոլ Մորանի և այլոց դիմանկարները։

Կյանքի վերջին տարիներն անց է կացրել միայնակության և աղքատության մեջ, վաճառել գրքերն ու նկարները։ Մահացել է իր ծննդյան օրը՝ 1968 թվականի մարտի 16-ին։

Գրքերի պատկերազարդումներ

Լոտրեամոն «Մալդորորի երգերը» (1933 թ.)
Լյուդվիգ Ախիմ ֆոն Արնիմ «Contes bizarres» (1933 թ.)
Ռեներ Շար «Placard pour un chemin des écoliers» (1937 թ.)
Պոլ Էլուար «Կենդանիները և նրանց մարդիկ, մարդիկ և նրանց կենդանիները» (1937 թ.)
Արթյուր Ռեմբո «Les Poètes de sept ans» (1939 թ.)
Ռոժե Պեյրեֆիտ «Հատուկ բարեկամություն» (1946 թ.)
Տրիստան Լերմիտ «Le promenoir des deux amans» (1949 թ.)

Ցուցահանդսներ

Առաջին անգամ 1933 թվականին Surindépendants Սալոնում իր աշխատանքները ներկայացրել է սյուրռեալիստների հետ, այնուհետև ցուցադրություններ ունեցել աշխարհի տարբեր քաղաքներում։

Տեներիֆ (1935 թ.)
Կոպենհագեն (1935 թ.)
Նյու Յորք (1937 թ.)
Տոկիո (1937 թ.)

Վալենտինա Հյուգոյի ստեղծագործությունների հետահայաց ցուցադրությունը 1977 թվականին տեղի է ունեցել Culturel Thibaud de Champagne կենտրոնում։

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Grove Art Online / J. Turner — [Oxford, England], Houndmills, Basingstoke, England, New York: OUP, 1998.
↑ ^3,0 ^3,1 ^3,2 ^3,3 ^3,4 Կերպարվեստի արխիվ — 2003.
↑ Union List of Artist Names — 2019.
↑ Эрик Сати, Юрий Ханон «Воспоминания задним числом». — второе. — СПб.: Центр Средней Музыки & Лики России, 2010. — С. 449. — 682 с. — ISBN 978-5-87417-338-8
↑ «Valentine Hugo - AWARE». AWARE (ամերիկյան անգլերեն). Վերցված է 2017 թ․ ապրիլի 20-ին.
↑ Butler, Cornelia H.; Schwartz, Alexandra (2010). Modern Women: Women Artists at The Museum of Modern Art. New York: Museum of Modern Art. էջ 45. ISBN 9780870707711.

Արտաքին հղումներ

Valentine Hugo Արխիվացված 2014-03-02 Wayback Machine (անգլ.)
Работы Валентины Гюго в музеях мира (անգլ.)
Перечень работ в коллекции Carlton Lake гуманитарных наук Гарри Рэнсома центр (անգլ.)

Վիքիպահեստն ունի նյութեր, որոնք վերաբերում են «Վալենտինա Հյուգո» հոդվածին։

[_d9884d2849545001-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_529184cf70f0fffa-2] 2,0 ^2,1 ^2,2 ^2,3 ^2,4 Grove Art Online / J. Turner — [Oxford, England], Houndmills, Basingstoke, England, New York: OUP, 1998.

[_6ebe841cbd49e1cf-3] 3,0 ^3,1 ^3,2 ^3,3 ^3,4 Կերպարվեստի արխիվ — 2003.

[_191c61ecaf0e3259-4] Union List of Artist Names — 2019.

[Khanon-5] Эрик Сати, Юрий Ханон «Воспоминания задним числом». — второе. — СПб.: Центр Средней Музыки & Лики России, 2010. — С. 449. — 682 с. — ISBN 978-5-87417-338-8

[6] «Valentine Hugo - AWARE». AWARE (ամերիկյան անգլերեն). Վերցված է 2017 թ․ ապրիլի 20-ին.

[MOMAbook-7] Butler, Cornelia H.; Schwartz, Alexandra (2010). Modern Women: Women Artists at The Museum of Modern Art. New York: Museum of Modern Art. էջ 45. ISBN 9780870707711.

[1]

[2]

[3]

[4]

[5]

[6]

[7]