Վլադիմիր Վասիլևիչ Շչերբիցկի (ռուս.՝ Владимир Васильевич Щербицкий, ռուս.՝ Володимир Васильович Щербицький, փետրվարի 17, 1918(1918-02-17)[1], Վերխնեդնեպրովսկ, Եկատերինոսլավի նահանգ, Ուկրաինայի սովետների ժողովրդական հանրապետություն, Խորհրդային Ռուսաստան[1] - փետրվարի 16, 1990(1990-02-16)[2], Կիև, Ուկրաինական ԽՍՀ, ԽՍՀՄ), ուկրաինացի խորհրդային կուսակցական գործիչ, ԽՄԿԿ անդամ (1941), ՈւԽՍՀ ԿԿ կենտկոմի առաջին քարտուղար (1972-1989)։
1941 թվականին ավարտել է Դնեպրոպետրովսկի քիմիա-տեխնոլոգիական ինստիտուտը։ 1934-1935 թվականներին կատարել է կոմերիտական աշխատանքներ։ 1941-1945 թվականներին ծառայել է խորհրդային բանակում, մասնակցել Գերմանա-խորհրդային պատերազմին։ 1946 թվականից ինժեներատեխնիկական պաշտոններ է վարել, իսկ 1948-1952 թվականներին՝ կուսակցական աշխատանքներ է կատարել Դնեպրոձերժինսկում, 1952-1954 թվականներին՝ ՈւԿԿ Դնեպրոձերժինսկի քաղկոմի առաջին քարտուղար։ 1954-1955 թվականներին եղել է Դնեպրոպետրովսկի մարզկոմի երկրորդ, 1955-1957 թվականներին և 1963-1965 թվականներին՝ առաջին քարտուղար, 1957-1961 թվականներ֊ին՝ ՈւԿԿ ԿԿ-ի քարտուղար, 1961-1963 թվականներին և 1965-1972 թվականներին՝ ՈւԽՍՀ Մինիստրների խորհրդի նախագահ։ 1972-1989 թթ․ եղել է ՈւԿԿ ԿԿ-ի առաջին քարտուղարը։ 1956-1961 թվականներին հանդիսացել է ԽՄԿԿ ԿՎՀ, 1961-1989 թվականներին՝ ԽՄԿԿ ԿԿ անդամ։ 1961-1963 և 1965-1966 թվականներին՝ ԽՄԿԿ ԿԿ նախագահության անդամության թեկնածու, 1971-1989 թվականներին՝ քաղբյուրոյի անդամ։ Պարգևատրվել է Լենինի 6 և «Հոկտեմբերյան հեղափոխության» շքանշաններով։
Շչերբիցկիի կառավարման տարիները բնութագրվել են վերակենտրոնացման և այլակարծության ճնշման ընդլայնված քաղաքականությամբ, որոնք ուղեկցվում էին ուկրաինական մշակույթի վրա ռուսականցման քաղաքականության ուժեղացումով[3]։ Շչերբիցկիի գլխավորությամբ Ուկրաինական ԽՍՀ-ում իրականացվել են մտավորականության զանգվածային ձերբակալություններ և ճնշումներ[4]։ Ըստ որոշ դիտարկումների, Շչերբիցկիի իշխանությունը եղել է ամենից կոռումպացվածը միութենական հանրապետությունների մեջ[5]։
Ծանոթագրություններ
- ↑ 1,0 1,1 1,2 1,3 1,4 Щербицкий Владимир Васильевич // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.
- ↑ 2,0 2,1 2,2 Find A Grave — 1996.
- ↑ Christopher A. Hartwell (2016 թ․ սեպտեմբերի 26). Two Roads Diverge: The Transition Experience of Poland and Ukraine. Cambridge University Press. էջ 263. ISBN 978-1107530980.
- ↑ Ukraine under Shcherbytsky, Encyclopædia Britannica (accessed on 6 February 2021)
- ↑ Democratic Changes and Authoritarian Reactions in Russia, Ukraine, Belarus and Moldova By Karen Dawisha, Bruce Parrott. Cambridge University Press, 1997 0-521-59732-3, 978-0-521-59732-6. p. 337
| |
|---|
| | Բառարաններ և հանրագիտարաններ | |
|---|
| |
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 551)։ 
|
Ուկրաինայի Ժողովրդական Հանրապետություն, 
Ուկրաինական ԽՍՀ և 
ԽՍՀՄ
և 
