Տիբերիո Գուարենտե

Տիբերիո Գուարենտե
Քաղաքացիությունը  Իտալիա
Ծննդյան ամսաթիվ նոյեմբերի 1, 1985(1985-11-01)[1] (39 տարեկան)
Ծննդավայր Պիզա, Տոսկանա, Իտալիա
Հասակ 182 սանտիմետր
Քաշ 74 կիլոգրամ
Դիրք կիսապաշտպան

Տիբերիո Գուարենտե (իտալ.՝ Tiberio Guarente, նոյեմբերի 1, 1985(1985-11-01)[1], Պիզա, Տոսկանա, Իտալիա), իտալացի ֆուտբոլիստ, կիսապաշտպան։

Կարիերա

Ակումբային

14 տարեկանից հանդես է եկել «Ատալանտայի» երիտասարդական թիմում։ 2004 թվականին տեղափոխվել է «Հելլաս Վերոնա», որտեղ մասնակցել է 54 հանդիպման և խփել 1 գոլ Սերիա Բ-ում։ 2007 թվականին Տիբերիոն վերադարձել է Բերգամո։ Ա Սերիայում իր նորամուտը նշել է հոկտեմբերի 21-ին՝ 8-րդ տուրի «Տորինոյի» դեմ խաղի 83-րդ րոպեին փոխարինելով Կրիստիանո Դոնիին[2]։ Հետագայում 2007/08 մրցաշրջանում Գուարենտեն անցկացրել է 27 հանդիպում։ Հաջորդ մրցաշրջանում Տիբերիոն արդեն 33 հանդիպում է անցկացրել՝ երկու անգամ գրավելով մրցակիցների դարպասը: Երկու անգամ էլ նրա գոլերը միակն էին ու հաղթական։ 2009/10 առաջնությունում «Ատալանտան» զբաղեցրել է 18-րդ տեղը և անցել է Սերիա Բ: 2010 թվականի հունիսի 17-ին իսպանական «Սևիլիան» 5 500 000 եվրոյով գնել է Գուարենտեին՝ պայմանագիր կնքելով ֆուտբոլիստի հետ մինչև 2015 թվականը[3]: Իսպանիայի առաջնությունում 7 խաղ անցկացնելուց հետո Տիբերիոն հոկտեմբերի վերջին վնասվածքի պատճառով դուրս է մնացել առնվազն կես տարով: Ծնկի հետ կապված խնդիրներ նրա մոտ հայտնաբերվել էին դեռևս պայմանագրի ստորագրման ժամանակ բժշկական զննության ժամանակ, բայց նա դուրս էր գալիս խաղադաշտ՝ չնայած ծնկի շրջանում առաջացած անհարմարությանը[4]։ «Սևիլիան» խաղացողին հետ է կանչել մինչև առաջնության ավարտը։ Տիբերիոն կազմ է վերադարձել 1,5 տարի անց։ 2011/12 մրցաշրջանում նա անցկացրել է 3 հանդիպում և ամռանը մեկ տարվա վարձավճարային պայմանագիր է կնքել «Բոլոնիայի» հետ[5]։

Հավաքականում

2003 թվականից խաղացել է Իտալիայի պատանեկան տարբեր հավաքականներում։ 2008 թվականին օլիմպիական հավաքականի կազմում դարձել է Տուլոնի մրցաշարի հաղթող։

Ձեռքբերումներ

Իտալիա (օլիմպ.)

  • Տուլոնի մրցաշար - 2008

Ծանոթագրություններ

  1. ↑ 1,0 1,1 FBref.com(բազմ․)
  2. ↑ «Ատալանտա (Բերգամո) 2:2 Տորինո (Թուրին)» (ռուսերեն). Чемпионат.com. Արխիվացված է օրիգինալից 2013-01-26-ին. Վերցված է 2012-12-31-ին.
  3. ↑ ««Севилья» усилилась полузащитником «Аталанты» Гуаренте» (ռուսերեն). Чемпионат.com. Արխիվացված է օրիգինալից 2013-01-26-ին. Վերցված է 2012-12-31-ին.
  4. ↑ «Полузащитник «Севильи» Гуаранте выбыл из строя на полгода» (ռուսերեն). Чемпионат.com. Արխիվացված է օրիգինալից 2013-01-26-ին. Վերցված է 2012-12-31-ին.
  5. ↑ ««Севилья» отдаст полузащитника Гуаренте в аренду «Болонье»» (ռուսերեն). Чемпионат.com. Արխիվացված է օրիգինալից 2013-01-26-ին. Վերցված է 2012-12-31-ին.

Արտաքին հղումներ