Ցայց

Ցայց
Բնակավայր
	Ցայց
	գերմ.՝ Zeitz
Դրոշ	Զինանշան
Երկիր	Գերմանիա
Համայնք	Բուրգենլանդ
Առաջին հիշատակում	967
Մակերես	87,18 կմ²
ԲԾՄ	160 մետր
Բնակչություն	▲28 345 մարդ (դեկտեմբերի 31, 2023)
Ժամային գոտի	UTC+1 և UTC+2
Հեռախոսային կոդ	03441
Փոստային դասիչ	06712
Պաշտոնական կայք	zeitz.de(գերմ.)
	Ցայց (Գերմանիա)
	Ցայց (Գերմանիա)
	Ցայց Վիքիպահեստում

Ցայց (գերմ.՝ Zeitz), քաղաք Գերմանիայում՝ Սաքսոնիա-Անհալտ երկրամասի հարավում գտնվող Բուրգենլանդ շրջանում։ Ընկած է Վայսե Էլստեր (Սպիտակ Էլստեր) գետի ափին՝ Սաքսոնիա-Անհալտ, Սաքսոնիա և Թյուրինգիա երկրամասերի սահմանագծերի կազմած եռանկյունում, Լայպցիգից մոտավորապես 40 կիլոմետր դեպի հարավ, Գերայից՝ 25 կիլոմետր դեպի հյուսիս։ Զբաղեցնում է 87,18 կմ² տարածք։ Բնակչության թվաքանակը 2019 թվականի տվյալներով եղել է 27 601^[2]: Պաշտոնական կոդը՝ 15 2 56 100:

Ցայցը 1653-ից մինչև 1718 թվականը եղել է Սաքսեն-Ցայց դքսության մայրաքաղաքը։

Տարածքի կտրտվածության պատճառով այնպես է ստացվել, որ միջին դարերում կառուցված պատմա-մշակութային հուշարձաններ ունեցող հին քաղաքամասը երկու կեսի է բաժանված. Ներքին քաղաքը ընկած է Վայսե Էլստեր գետի ափին, Վերին քաղաքը՝ Սուրբ Միքայել եկեղեցով ու Հին ռատուշայով հանդերձ՝ բարձունքի վրա։

Անվանի անձինք

Աննա Մագդալենա Բախ (1701–1760), Յոհան Սեբաստիան Բախի երկրորդ կինը
Կլեմենս Դենհարդ (1852–1929), Աֆրիկայի հետազոտող
Գուստավ Դենհարդ (1856–1917), Աֆրիկայի հետազոտող
Կուրտ Ֆլոերիկե (1869–1934), բնագետ, գրող
Էվալդ Անդրե Դյուպոն (1891–1956), կինոռեժիսոր և սցենարիստ
Վալտեր Կրյուգեր (1892-1973), վերմախտի գեներալ
Էվալդ Ռիբշլեգեր (1904–1993), ջրացատկորդ, Եվրոպայի չեմպիոն
Կարլ Վալտեր (1905–1981), նկարիչ
Գոթհարդ Հանդրիկ (1908–1978), ռազմական օդաչու և մարզիկ, օլիմպիական խաղերի չեմպիոն
Ֆրից Գյոդիքե (1919–2009), ֆուտբոլային մարզիչ
Հորստ Վենդե (1919–1996), երաժշտախմբի ղեկավար, գործիքավորող, երգահան
Հայնց-Գյունտեր Լեման (1923–2006), լողորդ, Եվրոպայի չեմպիոն
Մանֆրեդ Կայզեր (1929–2017), ֆուտբոլիստ և մարզիչ
Ռուդոլֆ Դրյոսլեր (ծնվ. 1934), գրող, ժուռնալիստ
Ֆրիդրիխ Շմալց (1781—1847) — գյուղատնտեսության բնագավառի գիտնական, մինչև 1845 թվականը՝ Դորպատի (ներկայիս էստոնական Տարտու քաղաքի) համալսարանի պրոֆեսոր

Քույր քաղաքներ

Ցայցը բարեկամական սերտ կապեր է հաստատել հետևյալ քաղաքների հետ^[3].

Պատկերասրահ

Ռատուշան հին շուկայի մոտ
Ռատուշան հին շուկայի մոտ
Մորիցբուրգ ամրոցը
Հին տներից մեկը և սբ. Միքայել եկեղեցին
Բրյուլ փողոցի դատարկված տներից
Ավգուստ Երկրորդ թագավորի ժամանակներում ճանապարհի յուրաքանչյուր կես մղոնը նշելու նպատակով կանգնեցված քարերից մեկը
2013 թվականի ջրհեղեղը
Փողոցներից մեկը
Միջնադարյան աշտարակը