Օլ Բոյս (ֆուտբոլային ակումբ)

'
Ամբողջական անուն Արգենտինա Club Atlético All Boys
Մականուն(ներ) El Albo, Los Albos
Հիմնադրում 1913
Երկիր Արգենտինա
Քաղաք Բուենոս Այրես
Մարզադաշտ Իլսաս Մալվինաս
Նախագահ Արգենտինա Նիկոլաս Կամբյասո
Կայք
http://caallboys.com.ar/
Լիգա Արգենտինա Խոսե Սանտոս Ռոմերո
2018/19 6-րդ
Տան դաշտ
Մրցակցի դաշտ

«Օլ Բոյս» (իսպ.՝ Club Atlético All Boys), արգենտինական ֆուտբոլային ակումբ Բուենոս Այրեսից։ Ակումբում նաև արմատավորվում է բասկետբոլ, բռնցքամարտ, վոլեյբոլ, ձեռքի գնդակ, քիքբոքսինգ, թեքվոնդո, մինի ֆուտբոլ[1]։

Պատմություն

Ակումբը հիմնադրվել է 1913 թվականի մարտի 15-ին Բուենոս Այրեսի Ֆլորեստա շրջանում[2], իսկ 1924 թվականին տեղափոխվել է Մոնտե Կաստրո շրջան։ Անվանումը ստացել է ակումբը ստեղծողների երիտասարդության պատճառով (անգլ.՝ All Boys - «Բոլորը տղա») և անգլերենով՝ պայմանավորված այդ տարիներին Արգենտինայում գոյություն ունեցող ավանդույթով։

Ակումբի լավագույն տարիները 1970-ական թվականներն էին, երբ հանդես էր գալիս «Պրիմիերայում» (1973-1980)։ 30 տարի ընդմիջումից հետո՝ 2010-2011 մրցաշրջանում, ակումբը հանդես էր գալիս «Պրիմիերայում»՝ Արգենտինայի բարձրագույն ֆուտբոլային դիվիզիոնում[3]։ «Օլ Բոյս» ակումբը կարողացել է մնալ բարձրագույն հորիզոնականներում 4 տարի շարունակ, այնուհետև 2013-2014 մրցաշրջանի ավարտին դուրս է մնացել պայքարից։ 2017-2018 մրցաշրջանի տվյալներով ակումբը նորից ցած է իջել՝ այս անգամ «Մետրոպոլիտանի Պրիմիերա»[4]։

«Օլ Բոյս» ակումբը տնային խաղերն անցկացնում է «Իլսաս Մալվինաս» խաղադաշտում, որտեղ տեղավորվում է մոտ 21000 դիտորդ։

Ակումբի սկզբունքային հակառակորդը համարվում է Բուենոս Այրեսի մյուս ակումբներից մեկը՝ «Նուևա Չիկագոն»։

Մրցաշրջաններ

  • Արգենտինայի «Պրիմիերայում»՝ տասնութ մրցաշրջան (ներառյալ նախամասնագիտական ժամանակահատվածը)
  • Երկրորդ դիվիզիոնում՝ 70 մրցաշրջան
  • Երրորդ դիվիզիոնում՝ 18 մրցաշրջան

Նշանավոր խաղացողներ և շրջանավարտներ

  • Արգենտինա Խուան Բարբաս
  • Արգենտինա Սերխիո Դանիել Բատիստա
  • Արգենտինա Մաուրո Բոսելի
  • Արգենտինա Կլաուդիո Գարսիա
  • Արգենտինա Էկտոր Օրասիո Սկոտտա
  • Արգենտինա Կարլոս Տևես
  • Արգենտինա Նեստոր Ֆաբրի
  • Արգենտինա Կարլոս Էնրիկե
  • Արգենտինա/Իսրայել Դանիել Բլայլովսկի
  • Արգենտինա Արիէլ Օրտեգա

Նշանավոր մարզիչներ

  • Արգենտինա Սիլվիո Մարսոլինի
  • Արգենտինա Խոսե Մանուել Մորենո

Ծանոթագրություններ

  1. ↑ «Deportes | C. A. All Boys» (եվրոպական իսպաներեն). Վերցված է 2021 թ․ նոյեմբերի 26-ին.
  2. ↑ «Historia | All Boys». web.archive.org. 2013 թ․ դեկտեմբերի 3. Արխիվացված է օրիգինալից 2013 թ․ դեկտեմբերի 3-ին. Վերցված է 2021 թ․ նոյեմբերի 26-ին.
  3. ↑ «Argentina Second Level 1982». www.rsssf.com. Վերցված է 2021 թ․ նոյեմբերի 26-ին.
  4. ↑ «Argentina Third Level 1989/90». www.rsssf.com. Վերցված է 2021 թ․ նոյեմբերի 26-ին.

Արտաքին հղումներ

Վիքիպահեստն ունի նյութեր, որոնք վերաբերում են «Օլ Բոյս (ֆուտբոլային ակումբ)» հոդվածին։
Ֆոտո, վիդեո և աուդիո
Թեմատիկ կայքեր