Elementary OS

Elementary OS

Տեսակ	GNU variant? և Լինուքսի տեղաբաշխում
Ընտանիք	Լինուքս
Հիմք են ծառայել	Ուբունտու
Առաջին թողարկում	մարտի 31, 2011
Առկա է	բազմալեզու
Ինտերֆեյս	GTK
Արտոնագիր	GNU GPL[1] և GNU Lesser General Public License
Կայք	elementary.io
ելակոդ	github.com/elementary/
Elementary OS Վիքիպահեստում

elementary OS (անգլ.՝ elementary, տարրական), Ubuntu-ի վրա հիմնված Լինուքս բաշխում։ Այս առաջատար բաշխումն օգտագործում է Pantheon գրաֆիկական վահանակը^[2]։

elementary OS նախագծի մարդկային ինտերֆեյսի ձեռնարկներն ուղղված են ուսուցման կորի անմիջական կիրառմանը և ոչ թե ամբողջական կարգավորմանը^[3]։ Մշակողները սահմանեցին երեք հիմնական կանոն․ «կարճություն», «կոնֆիգուրացիաներից խուսափում» և «նվազագույն փաստաթղթավորում»։

Ստեղծման պահից elementary OS օպերացիոն համակարգը ստացել է ինչպես դրական կարծիքներ, այնպես էլ քննադատություններ ուղղված նրա դիզայնին, որը շատ նման է macOS-ի արտաքին տեսքին^[4]։

Pantheon գրաֆիկական վահանակն ամբողջությամբ ինտեգրված է elementary OS-ի մյուս ծրագրերին, ինչպիսիք են Plank-ը, GNOME Web (վեբ դիտարկիչ) և Scratch (տեքստային խմբագրիչ)։

Օպերացիոն համակարգի պատուհանային կառավարիչ Gala-ն հիմնված է Mutter-ի վրա^[5]։

Pantheon գրաֆիկական միջավայրն ներառում է GTK+, GDK, Cairo, GLib (ներառյալ GObject և GIO), GVFS և Tracker։

Pantheon-ի ծրագրերը հանդիսանում են կամ GNOME-ի ներկա կամ հին ծրագրերի տարբերակներ, կամ գրված են զրոյից․

• Pantheon Greeter՝ LightDM-ի վրա հիմնված սեանսների կառավարիչ^{[apps 1]};
• Gala՝ պատուհանի կառավարիչ^{[apps 2]};
• Wingpanel՝ վերևի վահանակ, որը GNOME Shell-ի անալոգային ֆունկցիան է^{[apps 3]};
• Slingshot՝ մեկնարկի ծրագիր, որը տեղակայված է WingPanel-ում^{[apps 4]};
• Plank՝ առաջադրանքների վահանակ (հիմնված Docky-ի վրա)^{[apps 5][apps 6]};
• Switchboard՝ կառավարման վահանակ^{[apps 7]};
• GNOME Web՝ վեբ դիտարկիչ, որը հիմնված է WebKitGTK+-ի վրա^{[apps 8]};
• Mail՝ էլեկտրոնային նամակների ծրագիր, գրված Vala-ով^{[apps 9]};
• Maya՝ օրացույց^{[apps 10]};
• Noise՝ աուդիոն նվագարկիչ ծրագիր^{[apps 11]};
• Scratch՝ տեքստային խմբագրիչ^{[apps 12]};
• Terminal՝ տերմինալի էմուլյատոր^{[apps 13]};
• Files (բախկինում՝ Merlin)՝ ֆայլերի կառավարիչ^{[apps 14][apps 15]};
• Fork Ubiquity։

Network World-ից Բրայան Լունդուկը գրել է, որ օպերացիոն համակարգի կենտրոնական մասը՝ աշխատանքային սեղանի Pantheon միջավայրը 2016 թվականին լավագույններից է եղել^[6]։

Նախապես բաշխումը ստեղծվել է որպես Ուբունտուի համար նախատեսված թեմաների և ծրագրերի հավաքածու, որը հետագայում դարձավ Լինուքսի առանձին բաշխում^[7]։

Հիմնվելով Ubuntu֊ի վրա, նա համատեղելի է իր պահոցների և փաթեթների հետ և օգտագործում է ծրագրերի տեղադրման և հեռացման սեփական ծրագրային կենտրոնը։ Օպերացիոն համակարգի ինտերֆեյսն ուղղված է նրան, որ այն ինտուիտիվ լինի նոր օգտագործողների համար և չպահանջվի չափից շատ ռեսուրսներ^[8]։

Elementary OS-ը հիմնված է Ուբունտուի վրա և ունի երկարաժամկետ աջակցում։ Նրա մշակողներն երկար տարիներ ակտիվորեն աջակցում են սխալների և անվտանգության հարցերով, անգամ եթե մշակումը շարունակվում է հաջորդ թողարկման վրա^[9][10]։

elementary OS-ի հիմնադիր Դենիլ Ֆորեն ասել է, որ նախագիծը ստեղծված է ոչ թե ազատ ծրագրային ապահովմամբ մյուս համակարգերի հետ մրցակցելու, այլ նրանց հնարավորություններն ընդլայնելու համար^[11]։