Swiss Re

Swiss Re
Изображение логотипа
Տեսակբիզնես ձեռնարկություն և հանրային ընկերություն
Հիմնադրված է1863
ՀիմնադիրCredit Suisse?
ՎայրՑյուրիխ, Շվեյցարիա և Swiss Re Zürich
Երկիր Շվեյցարիա[1]
ՏնօրենChristian Mumenthaler?
Արդյունաբերությունապահովագրություն
Աշխատողների թիվ14 943 մարդ[2]
Դուստր ընկերություններBayerische Rückversicherung?[3] և FWD Group?
ՆախկինPrudentia, AG für Rück- und Mitversicherungen?[3]
Կայքswissre.com
ԲորսաSSREF[4]
 Swiss Re Վիքիպահեստում

Swiss Reinsurance Company Ltd[5], առավել հայտնի որպես Swiss Re, վերաապահովագրական ընկերություն, հիմնված Շվեյցարիայի Ցյուրիխ քաղաքում։ Այն աշխարհի խոշորագույն վերաապահովագրողն է[6]։ Swiss Re–ն գործում է ավելի քան 25 երկրների գրասենյակների միջոցով և 2016 թվականին Forbes Global 2000 առաջատար ընկերությունների ցուցակում զբաղեցրել է 118–րդ տեղը[7]։ Այն նաև 2015 թվականին Fortune Global 500-ում զբաղեցրել է 313-րդ հորիզոնականը[8]։

Պատմություն

1861 թվականի մայիսի 10-11-ին Շվեյցարիայի Գլարուս քաղաքում ավելի քան 500 տուն հրդեհվեց։ Քաղաքի երկու երրորդը վերածվել էր փլատակների և մոխրի, իսկ շուրջ 3000 բնակիչներ մնացել էին անօթևան։ Ինչպես 1842 թվականի Համբուրգի հրդեհը հանգեցրեց Գերմանիայում առաջին պրոֆեսիոնալ վերաապահովագրողների հիմնադրմանը[9], այնպես էլ 1861 թվականի Գլարուսի մեծ հրդեհը ցույց տվեց, որ նման աղետի դեպքում ապահովագրական ծածկույթը Շվեյցարիայում անբավարար է։

Ցյուրիխի Swiss Re վերաապահովագրական ընկերությունը հիմնադրվել է 1863 թվականի դեկտեմբերի 19-ին Helvetia General Insurance Company-ի կողմից (այժմ հայտնի է որպես Helvetia Versicherungen) Սանկտ Գալլեն քաղաքում, Schweizerische Kreditanstalt (Credit Suisse) Ցյուրիխում և Basler Handelsbank-ը (UBS AG-ի նախորդ) Բազելում։ Ընկերության կանոնադրությունը նույն օրը հաստատվել է Ցյուրիխի մարզի կառավարության կողմից։ Նրա սկզբնական կապիտալը կազմել է 6 միլիոն շվեյցարական ֆրանկ։

2006 թվականին այն ձեռք է բերել GE Insurance Solutions գույքի/դժբախտ պատահարների բիզնեսը, որով Swiss Re վերաապահովագրության ընկերությունը դարձել է աշխարհի խոշորագույն վերաապահովագրողը[10]։

Swiss Re ընկերության Admin Re մասնաճյուղը հիմնադրվել է 2004 թվականի հուլիսի 1 -ին Միացյալ Թագավորությունում՝ Life Assurance Holding Corporation-ի ձեռքբերմամբ։

2014 թվականի հունիսին ընկերությունը, Admin Re-ի միջոցով, ձեռք է բերել բրիտանական HSBC Life (UK) Limited կենսաթոշակային բիզնեսը ՝ 4,2 միլիարդ ֆունտ ստեռլինգ արժողությամբ։ Admin Re բիզնեսը, որը վերանվանվեց ReAssure, 2020 թվականի հուլիսին, ի վերջո, վաճառվեց Phoenix Group Holdings-ին 3.2 մլրդ ֆունտ ստեռլինգով։

Կառավարչական կազմ

Swiss Re-ի ղեկավարությունը բաղկացած է տնօրենների խորհրդից, գործադիր կոմիտեից և կառավարման խմբի խորհրդից[11]։

Գրասենյակների տեղադրություն

Խումբը գրասենյակներ ունի ավելի քան 25 երկրներում։ Եվրոպայում, Մերձավոր Արևելքում և Աֆրիկայում Swiss Re–ն գրասենյակներ ունի Դանիայում, Ֆրանսիայում, Գերմանիայում, Իտալիայում, Լյուքսեմբուրգում, Նիդեռլանդներում, Սլովակիայում, Իսպանիայում, Շվեյցարիայում, Իսրայելում, Հարավային Աֆրիկայում, Արաբական Միացյալ Էմիրություններում և Միացյալ Թագավորությունում։ Ասիա և Ավստրալիա խմբավորումում գրասենյակներ ունի հետևյալ երկրներում ՝ Ավստրալիա, Չինաստան, Հոնկոնգ, Հնդկաստան, Ճապոնիա, Մալայզիա, Սինգապուր, Հարավային Կորեա։ Գրասենյակներ կան նաև Ամերիկայում ՝ Բարբադոսում, Բրազիլիայում, Կանադայում, Մեքսիկայում և ԱՄՆ-ում։

Կորպորատիվ շտաբ

Swiss Re-ի կենտրոնակայանը գտնվում է Ցյուրիխում, մայր ընկերության հիմնական շենքը 1864 թվականից գտնվում է Ցյուրիխ լճի ափին։

Լոնդոնի շտաբ

Լոնդոնի գրասենյակը գտնվում է 30 St Mary Axe աշտարակում, որը բացվել է 2004 թվականի մայիսի 25-ին։ 30 St Mary Axe-ը համարվում է Լոնդոնի առաջին էկոլոգիապես կայուն երնկաքերը[12]։

Ամերիկյան շտաբ

Swiss Re-ի ամերիկյան շտաբ-բնակարանը գտնվում է Նյու Յորքի Արմոնք քաղաքում։ Հաստատությունը, որտեղ աշխատում է ավելի քան 1000 աշխատակից, հիմնվել է 1999 թվականին և ընդլայնվել 2004 թվականին։

Swiss Re-ն ունի երկու կանադական գրասենյակ ՝ Տորոնտոյում և Վանկուվերում։ Կանադայի Swiss Re վերաապահովագրական ընկերությունը 2008 թվականի հոկտեմբերին Mediacorp Canada Inc․-ի կողմից ճանաչվել է Մեծ Տորոնտոյի լավագույն գործատուներից մեկը, ինչպես հայտարարել է Toronto Star թերթը[13]։

Տես նաև

Ծանոթագրություններ

  1. ↑ https://www.lobbyfacts.eu/datacard/swiss-re-ltd?rid=290136415264-17
  2. ↑ https://www.swissre.com/dam/jcr:3a1ba8dc-e111-4dd0-9fbb-9677a6f76284/2018-financial-report-doc-en.pdf
  3. ↑ 3,0 3,1 20th Century Press Archives — 1908. — 171 p.
  4. ↑ Knowledge Graph — 2012.
  5. ↑ "Privacy Policy." Swiss Re. Retrieved on 18 January 2011. "Swiss Reinsurance Company Ltd ("Swiss Re")[...]" and "Swiss Reinsurance Company Ltd, Mythenquai 50/60, 8022 Zurich, Switzerland ("Swiss Re") Disclosure notification in accordance with Article 20 of the Swiss Stock Exchange Act Արխիվացված 2014-05-12 Wayback Machine." Swiss Re. 2 August 2007. Retrieved on 18 January 2011. "Die Schweizerische Rückversicherungs-Gesellschaft (Swiss Re) teilt mit,[...]"
  6. ↑ Department, P., & 5, N. (2020, November 05). Largest reinsurers worldwide by net premiums 2019. Retrieved December 10, 2020, from https://www.statista.com/statistics/273158/largest-reinsurers-worldwide-by-net-premiums/
  7. ↑ «Swiss Re on the Forbes Global 2000 List». Վերցված է 2016 թ․ հուլիսի 13-ին.
  8. ↑ «Global 500» (ամերիկյան անգլերեն). 2015 թ․ հուլիսի 21. Վերցված է 2016 թ․ հուլիսի 13-ին.
  9. ↑ [1] Արխիվացված 6 Սեպտեմբեր 2008 Wayback Machine
  10. ↑ Ligi, Antonio (2006 թ․ հունիսի 12). «Swiss Re Completes $7.4 Billion GE Insurance Purchase (Update2)». Bloomberg.com. Վերցված է 2006 թ․ հունիսի 27-ին.
  11. ↑ «Our leadership | Swiss Re». www.swissre.com.
  12. ↑ «Swiss Re confirms £600m Gherkin sale». Financial Times. 2007 թ․ փետրվարի 5. Վերցված է 2007 թ․ փետրվարի 7-ին. «Swiss Re confirmed on Monday that it had sold the distinctive Gherkin building in the City of London for £600m to a joint venture between German property group IVG Immobilien AG and Evans Randall, the Mayfair based private investment group.»
  13. ↑ «All jobs at Swiss Reinsurance Company - Reasons for Selection, 2009 Greater Toronto's Top Employers Competition». www.eluta.ca.

Արտաքին հղումներ