Abu Nuwas

Abu Nuwas
Sexo	mascule
Nascentia	756, 762 (Ahvaz)
Decesso	814, 813, 810, 815 (Bagdad)
Citatania	Califato Abbaside
Occupation	poeta[*], scriptor
Religion	Islam
Lingua	arabe
Identificatores
ISNI	0000000115072339
VIAF	100164196
Commons	Abu Nuwas

Abu-Nuwas al-Hasan ben Hani al-Hakami (756? - 813,14), cognoscite como Abū-Nuwās^[1] (arabe: ابونواس; persiano: ابونواس ), esseva un del plus cognoscite del classic poetas in le era abbasid del poesia arabe e poesia persian.^[2] Nascite in Persia, de ancestres semi-persian, ille deveniva un maestro de tote le generes contemporanee de poesia arabe. Abu Nuwas ha entrate in le traditiones de folklore, e ille appareva plure vices in Mille e un noctes.

Abu Nuwas nasceva de un patre que ille nunquam cognosceva, Hani, qui esseva un soldato in le armea de Marwan II. Su matre persian, Golban, laborava como un texitor. Varie biographias non es de accordo re le data de su nascimento; illos varia de 747 a 762. Alicunos dice que ille nasceva in Damasco, alteres in Basra, e ancora alteres in Ahwaz. Su nomine al nascer esseva al-Hasan ibn Hani al-Hakami, e 'Abu Nuwas' esseva un supernomine: 'Patre del Bucla' refereva al duo longe buclas que pendeva a su humeros. Quando Abu Nuwas esseva un puero, su matre le vendeva a un speciero de Basra, Sa’ad al-Yashira.

Abu Nuwas migrava a Bagdad, possibilemente in le compania de Waliba ibn al-Hubab, e tosto esseva cognoscite pro su poesia facetiose, que non tractava le traditional themas del deserto, ma le vita urban e le delectos de vino e biber (khamriyyat), e humor impudic (mujuniyyat). Tosto, ille esseva commissionate a crear obras re themas como chassamento, le amor de feminas, e panegyricos. Ille esseva infamose pro su satira, e duo de su plus amate themas esseva le passivitate sexual de viros e le sexual intemperante de feminas. Quando ille poteva, ille amava choccar le societate per scriber apertemente re themas que esseva interdicite per islam (per exemplo, il es popularmente credite que ille esseva le prime poeta arabe qui scribeva super masturbation).

Ismail bin Nubakht diceva isto re Abu Nuwas: "Io nunquam ha vidite un homine de apprension plus extensive que Abu Nuwas, ni uno qui, con un memoria fornite tanto riccamente, habeva tanto pauc libros. Post su morte nos cercava su casa, e solmente poteva trovar un copertura de un libro que habeva un mano de papiro, in que esseva un collection de expressiones rar e observationes grammatic."

Abu Nuwas esseva compellite a fugir a Egypto pro un tempore, depost que ille scribeva un poema elegiac que laudava le Barmakis, le familia forte que habeva essite massacrate per le califa Harun al-Rashid. Ille retornava a Bagdad in 809 tosto post le morte de Harun al-Rashid. Le ascension subsequente de Muhammid al-Amin, su filio libertin (e, previemente, un studente de Abu Nuwas) esseva un pecietta de bon fortuna pro Abu Nuwas, e sub le regno de al-Amin Abu Nuwas creava le majoritate de su poemas. Su plus famose commission regal esseva un poema (o un "Kasida") que ille scribeva pro laudar al-Amin.

"Secundo su criticos contemporanee, ille esseva le melior poeta in islam," scribeva F. F. Arbuthnot. Nonobstante, Abu Nuwas esseva imprisionate quando su inebriate, libidinose actiones tentava ancora le patentia de al-Amin. Amin, finalmente, esseva subvertite e reimplaciate per su fratre puritan, al-Ma'mun, qui habeva nulle tolerantia pro Abu Nuwas.

Varie biographias varia re su vita post al-Ma'mun. Alcunos dice que le pavor del prision causava Abu Nuwas a repentir se de su actiones, ma alteres dice que su tarde, penitente poemas esseva scribite solmente pro ganiar le pardono del califa. Un biographia dice que le secretario de al-Ma'mun, Zonbar, decipeva Abu Nuwas a scriber un satira contra Ali, le filio affin de Mahomet, quando Abu Nuwas esseva inebriate. Zonbar postea legeva le poema in publico e assecurava que su imprisionmento continuava. Alcun biographias dice que ille moriva per causas natural, e alteres per veneno de Ismail bin Abu Sehl. Totes es de accordo que ille moriva in prision, ma nulle de illos es de accordo de ubi ille esseva interrate. Le fonte le plus autoritative, le al-kitab al-Baghdadi, un libro arabe de historia, dice que Abu Nuwas esseva interrate in un cemeterio judee.

Abu Nuwas es considerate un del melior poetas classic in le litteratura arabe. Ille influentiava plure altere scriptores, como Omar Khayyám e Hafez (ambe poetas persian). Inter su melior cognoscite poemas son le poemas que ridiculisava le nostalgia pro le vita beduin e laudava le vita moderne in Bagdad con contrastos vivide.

Su obras specialmente super themas interdicite per mores Islamic continua a provocar censores. Quando su obras esseva publicate usque al prime annos del seculo 20, in 1932 le prime censurate edition de su obras esseva publicate in Cairo.

Re su reputation, un caricatura hedonistic appare in plure del contos de Mille e un noctes, e ille ha ganiava popularitate como un figura litterari. Altere obras ha includite Abu Nuwas como un persona dramatic, in referentia a iste obra major del litteratura arabe.

In le cultura swahili, le nomine de Abu Nuwas es popular como "Abunuwasi". Isto es proque le poemas de Abu Nuwas esseva multo popular quando le gente arabe visitava Africa, e su cultura e linguas combinava con le linguas e culturas bantu pro crear un nove cultura.

Como su filio notabile, le citate de Bagdad ha appreciation special del obras de Abu Nuwas. Illac, e un mercato e un strata ha essite nominate pro ille.

• (anglese) Huart, Clément, e Mary Sophia Hely-Hutchinson Loyd. A History of Arabic Literature. New York: D. Appleton and Company, 1903.
• Esat Ayyıldız. "Ebû Nuvâs’ın Şarap (Hamriyyât) Şiirleri". Bozok Üniversitesi İlahiyat Fakültesi Dergisi 18 / 18 (2020): 147-173.

1. ↑ Derivation: Entitates: 1. (it) Abu Nuwas || 2. (es) Abu Nuwas || (pt) Abu Nuwas || 3. (fr) Aboû Nouwâs || 4. (en) Abu Nuwas || Controlo: (de) Abu Nuwas || (ru) Абу Нувас || - (Extra): (la) Abu Nuwas
2. ↑ Esat Ayyıldız. "Ebû Nuvâs’ın Şarap (Hamriyyât) Şiirleri". Bozok Üniversitesi İlahiyat Fakültesi Dergisi 18 / 18 (2020): 147-173.

Iste pagina contine material traducite ab Wikipedia in anglese. Le articulo original se trova in le version 266176018 de en:Abu Nuwas, e es usate secundo le mandatos del licentia de Wikipedia.