Fageto

Le fago exploita ben le primavera lente, gradual e pluviose del climas de typo oceanic, proque es adaptate a facer photosynthesis efficiente mesmo con temperaturas non alte e mesmo sub le minor illumination del dies con celo nubilose. In le area del fago, le pluvia annue supera normalmente le 1.500 mm; in iste conditiones, le fago prevale super le querco. Le aqua phreatic non substitue le pluvia, proque le radices ha forte exigentias de respiration; le fago non tolera le horizontes hydromorphic, tanto minus le aqua stagnante.^[1]

Le apparato radical es pauc profunde e es concentrate sub le copertura del foliage, pro exploitar le minor evaporisation e avvaler se del aqua de percolation longe le trunco, que le cortice lisie del fago lassa fluer in abundancia.

Le minimo estive del pluvias es tolerate, proque, como ha state dicite, le specie pote avvaler se del primavera pro accomplir grande parte del developpamento. In le fageto, le luminositate es tenue e le solo conserva longemente un spesse strato de folias, producente un orizonte de humus brute. Le subbosco es quasi absente. Le fageto se comporta como un unic organismo (le radices del varie individuos es connectito per le hyphas del fungos symbionte) que inclina a obstacolar le presentia de altere plantas al puncto que saepe le population es monospecific.

Non ha semper state assi. Tipicamente, le fago esserea solmente un componente del bosco mixte dominate per le abiete blanc con la presentia del arbustos semperverde agrifolio e taxo. Millennios de secturas e incendios ha favorite le actual situation. Ora, le abandonamento del boscos e le cambiamento climatic poterea ripristinar le situation precedente, viste la major resistenza del abiete blanc al siccitate.[1]